Josué 19:1 - Dios Iwene

¹ Ja̧danö, yemidanö Dios öba a'otjö inawiya jabö tjedenama, Simeonsaso jojodö tjitebo baibanö 'da̧batö wetjobö badekwachinobe. Ja̧danö, Dios —Chiyocha, —jö̧ba̧lö yöbawö ujunina badekwachinö, Simeon i̧tji̧mu tupadanö jojodö bakwasokwena tjitebo baibanö 'da̧batö wetjinobe, baikwö: Simeon nijima, juda niji okwa ö'wejenö ji̧nobe. Juda nijima jwiinö jalobetjö̧, ja'ö 'da̧batö junö Simeonsaso jojodö tjitebo baibanö wetjinobe.

Josué 19:1 Referans Kwoze

Josué 19:9

Ja̧ Simeon niji Juda niji ö'wejenö ji̧ labebö loawama, baikwö laebobe. Judasaso jojodönö ajayinö 'da̧batö wetjina nijima, yelösöda jalinemi judasaso jojodöda jobe tjö̧joböma, jo̧kwajabetjö̧ ja̧ niji ja'ö Simeon niji baibanö 'da̧batö wetjinobe. Jo̧kwajabetjö̧ simeonsaso nijima, judasaso niji ö'wejenö ji̧nobe.

Josué 18:28

Zela comunidadbi, Elef comunidadbi, Jebes, ju'wi imi Jerusalen comunidadbi, Guibea comunidadbi, Quiriat comunidadbi. Ja̧ a̧limusamutjö ö'wejemu jawa comunidadbiyabi, ö'öbö pjei̧ comunidadteniabi benjamin niji comunidad ji̧nobe. Jobekwö laebobe Benjamin itji̧mu tupadanö jojodö tjitebo baibanö niji 'da̧batö wetjinama. Damötjö Dios chiyocha jö̧ba̧lö tja'dödönö yöbawö ujunina wene badekwachinö, jejenö Dios wei̧danö 'da̧batö wetjinobe.

Josué 19:2

Ja̧danö Simeon niji comunidadbiyama, baikwö laebobe, Berseba ju'wi imi Saba comunidadbi, Molada comunidadbi,

Génesis 35:23

Ilekwo Leatjö i̧tji̧mu̧ma, bidö: Abönö pöe Reuben, ikena luwo̧ Simeón, ikena luwo̧ Leví, ikena luwo̧ Judá, ikena luwo̧ Isacar, ikena luwo̧ Zebulun.

Josué 15:21

Juda nijitjö a̧li̧kwö bajalenö niji̧, Edom niji ö'öbö comunidadteniama, bi̧ya, Cabsel comunidadbi, Edar comunidadbi, Jagur comunidadbi,

1 Crónicas 4:28

Simeonsaso jojodö tjitebo comunidadbiyama, bi̧ya: Beerseba comunidadbi, Molada comunidadbi, Hazar-sual comunidadbi,

Apocalipsis 7:7

Ja̧danö, Simeonmine ömöledötjö tupadanö jojodöma, doce mil seyu dobö wȩyudakwawedöma. Ja̧danö, Levímine ömöledötjö tupadanö jojodöma, doce mil seyu dobö wȩyudakwawedöma. Ja̧danö, Isacarmine ömöledö tupadanö jojodöma, doce mil seyu dobö wȩyudakwawedöma.