Josué 17:16 - Dios Iwene

¹⁶ Atadawö̧, Efrainsaso jojodöbi, Manasessaso jojodöbi tjatadinobe, —Mösa'iju jȩmi nijinö dö̧ba̧jekwachököjayonö, ba̧ba̧lawobe ju̧kwadö cananeo jojodönö dujuluwoböma juluwöködösa. Jobadöma kolukiyanö ölakwabikwawadö, 'dii̧ jawatjö otikwa kolukiyanö, jo̧kwajabetjö̧ jobadö Betsan comunidad ju̧kwadönöbi, jemi ö'öbö pjei̧ comunidadtenia ju̧kwadönöbi, Jesreel wabekonö ju̧kwadönöbi dujuluwobö juluwöködösa, —jö̧ba̧lö tjatadinobe.

Josué 17:16 Referans Kwoze

1 Reyes 4:12

Ajilud itji̧ Bana mikwo̧ma, Tanac comunidadbi, Meguido comunidadbi, okobe jwiinö Saretan ö'öbö Betsean ötjabobe niji̧bi, Jezrel wabekotjö a̧li̧kwö Betsean comunidadtjö, Abel Mejola comunidadbe baibanö nijibi, Jocmean comunidad tupakwö baibanö nijibi la'aka luwo̧ ö̧jinobe.

Jueces 4:3

Jabin ömöayedö ölakwabikwawa jojodöma isabenö juluwadö tjö̧jinobe, novecientos 'dii jawatjö otikwa ölakwabikwawa kolukiya tjujuna̧lobetjö̧, ja̧danö israel jojodönö juluwajadö, veinte o̧bia baledibanö israel jojodönö webö tjö̧jinobe, usula tjemawinö. Jejenö veinte o̧bia baledibanö usula emawajadö, israel jojodöma bajaliyanö Isabenö Jo̧nö tjubudekwinobe, jobadönö pjaatobö.

Jueces 1:19

Isabenö Jo̧ma otiwanö pjaatinobe Judasaso jojodö tjöpöjojodönö tjujuluwobö, ja̧danö otiwanö mösa'iju jȩmi niji tjujuluwinobe, ja̧danö idöda tjitebo baibanö jobe tjö̧jobö tjeminobe. Jo̧kwaijayonö ba̧ba̧lawobe ju̧kwadönö ina tjujuluwinokobe ja̧ möle. Jobadönöbi tjujuluwo jö̧tja̧li̧jayonö waekwinobe, jobe ju̧kwadöma 'dii jawatjö otikwa kolukiya tjujuna̧lobetjö̧.

Jueces 6:33

Jemi ikenama, ja'yubenö lekwajabetjö, madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi bakobe tjichinobe, ja̧danö Jordan ojwe pebibö, Jezrel wabekonö tjabakwemi tjujuninobe.

Josué 17:18

ju'wibi okobe jwiinö mösa'iju jȩmi niji̧bi chiyaduwakwö. Ja̧danö babe ja̧ niji teboda ji̧jayonö, ökwödöma towibiya jubö loköbaduwakwedöja, jobe kwö̧jaduwobö, ja̧danö okobe jwiinö ja̧ niji kwujuja̧laduwakwedöja. Ja̧danö ju'wibi yötawaduwakwö, Cananeo jojodö jö̧ka̧linaduwawö̧nö̧ isabenö kwujuluwaduwakwedöja. Yö̧ka̧laduwidanö, 'dii̧ jawatjö otikwa kolukiya juna̧ladö, ja̧danö isabenö juluwadö, jo̧kwaijayonö yayonö jobadönö a'dewö loköbaduwakwedöja, —jö̧ba̧lö yöawinobe Josuema.

2 Reyes 9:37

ja̧danö jiteba'o jawama, tjide'o ikwö lotji̧danö, meje'ye ba̧kwemeachibanö pjelekwachibakobe. Ja̧danö, jobekwö baledobetjö̧, bakwo̧bi jiteba'o edö, bisuma Jezabel jö̧ba̧lö yöawobö jwiakobe, –jö̧ba̧lö yöawinobe Eliasma, ja̧danö ja̧ badekwachinö baledajabe, —jö̧ba̧lö yöawinobe Jehuma.

2 Reyes 9:10

Ja̧danö, Acabmine ilekwo Jezabelnö baledakwa̧ baikwö yötawa: Jezreel comunidad niji awilidöma Jezabelnö tjukwakwedö, ja̧danö bakwo̧bi Jezabelnö o̧tjökakobe, —jö̧ba̧lö Dios yöawi̧ yöawinobe. Ikenama, yöbawajo̧, apjude po̧bebö, jobetjö döibajinobe.

1 Reyes 21:23

Tupakwö yöawinobe Eliasma: —Ja̧danö baikwö yöawobe Isabenö Jo̧ma, kwilekwo Jezabelnö: –Jezrel comunidad tjöekwemi a̧petukwöchobema, awi̧li̧döma Jezabel jiteba'o tjukwakwedö.

1 Reyes 21:1

Bakwo̧ Jesrel comunidad jojo, Nabot mikwo̧ma, uba batjo ujuna̧linobe Jezrel comunidadtjö. Ja̧danö, ja̧yu ö'öbönö Samaria la'aka luwo̧ Acabma, iteda eju comunidad ujuna̧linobe.

1 Reyes 18:46

Jo̧kwaijayonö, juluwanö ö'öakwawijayonö, ö'öakwawi̧tjö bajalekwönönö juluwanö ö'öakwawinobe Eliasma. Juluwanö mebökönö ö'öakwawakobetjö, Eliasma ö̧kamijido̧ di̧atinobe, ja̧danö di̧batajo̧, ö'öakwawinobe Eliasma Jezrelbe. Ja̧danö Isabenö Jo̧ ujuluwachibanö pjaatiökwe, Acab ichibakwa̧ abönö Jezrel comunidadbe ichibinobe Eliasma.

Jueces 4:13

ja̧danö a̧ja̧kwajo̧, okobe deinö ömöayedönö o̧ko̧kodinobe, novecientos 'dii jawatjö otikwa kolukiyanö ölakwabikwawadönöbi, ju'wedö ölakwabikwawadönöbi, ja̧danö jobadönö ko̧ko̧dajo̧, Jaroset Goyimtjö labebö, Tabor mösa'o ö'öbö lö̧dö Quison ojwebe öbibö i̧'yinobe, Barackwö ölakwabikwawobö.

Josué 19:18

Isacar niji comunidadma, Jezrel comunidadbi, Quesulot comunidadbi, Sunen comunidadbi,

Josué 17:11

Ja̧danö, Aser niji okwabi, Isacar niji okwabi, Manases jojodöma tjitebo comunidad tjujuna̧linobe, Betsean comunidadbi, Ibleam comunidadbi, Dor comunidad ju'wi imi Nafot comunidadbi, Endor comunidadbi, Tanac comunidadbi, Meguido comunidadbi. Ja̧ comunidadbiyabi, ö'öbö pjei̧ comunidadbi̧yabi, jeleso niji okwa ji̧najayonö, Manases jojodö tjitebo comunidad ji̧nobe.

Josué 17:15

Atjebökwe, Josuema jobadönö atadinobe, —Jau, isabenö ba̧jȩkwadöja, ja̧danö kwiteboduwi Efrain niji mösa'iju jȩmi niji jalokobetjö̧, tebobe kwi̧'yaduwo, jobe jubö lobö, kwiteboduwi baibanö kwotidaduwobö. Jau, kwiteboduwi jalokobetjö̧, ferezeo jojodöbi, refaita jojodöbi tjitebobe 'ya̧nö, tebo juköbaduwo, jobe kwöjaduwobö, —jö̧ba̧lö atadinobe Josuema.

Josué 17:17

Tjatadökwe, Josuema jobadö Efrainsaso jojodönöbi, Manasessaso jojodönöbi yöawinobe: —Isabenö ba̧jȩkwadöja, ja̧danö juluwadöja. Jo̧kwajabetjö̧ sule bakwemida chiyokobe ökwödönö, ajayinö chiyinakwö,

1 Reyes 18:45

Jemi ikenama ja'yubenö lekwajabetjö, mölejȩma ojwiyotjö jwiinö yȩatibinobe mölejema, ja̧danö jwa̧le'epjo labinö jwa̧le'ewinobe, ja̧danö ojwiyo nöobu o̧binobe. Ja̧danö, ojwiyo o̧biökwe, juluwanö eju comunidad Jezrelbe ö'öbakwawö i̧'yinobe Acabma, kolukanö.

Josué 15:56

Jezrel comunidadbi, Jocdeán comunidadbi, Zanoa comunidadbi,

1 Samuel 29:1

Filisteo jojodöma Afec mikwobe tjo̧ko̧kokwinobe, ja̧danö israel jojodöma Jezrel comunidad ojwese'do yöneawinö tjo̧ko̧kokwinobe.