Josué 17:11 - Dios Iwene

¹¹ Ja̧danö, Aser niji okwabi, Isacar niji okwabi, Manases jojodöma tjitebo comunidad tjujuna̧linobe, Betsean comunidadbi, Ibleam comunidadbi, Dor comunidad ju'wi imi Nafot comunidadbi, Endor comunidadbi, Tanac comunidadbi, Meguido comunidadbi. Ja̧ comunidadbiyabi, ö'öbö pjei̧ comunidadbi̧yabi, jeleso niji okwa ji̧najayonö, Manases jojodö tjitebo comunidad ji̧nobe.

Josué 17:11 Referans Kwoze

1 Crónicas 7:29

Ja̧danö ju'wi Efrainsaso nijibi, Manasessaso nijibi bakwachobe ö'öbö, ju'wi Efrain niji comunidadbiyama bi̧ya: Bet-san comunidadbi, Taanac comunidadbi, Meguido comunidadbi, Dor comunidadbi. Ja̧ comunidadbiyabi, ö'öbö pjei̧ comunidadbiyabi, Efrainsaso jojodö tjitebo comunidad ji̧nobe, ja̧danö Israel itji̧ Jose itji̧mu tupadanö jojodöma jobe tjö̧jinobe.

2 Reyes 9:27

Juda niji la'aka luwo̧ Ocoziasma ja̧ baledobe edinobe, ja̧danö edajo̧, iteda iteakanö döibajinobe, Bet-hagan comunidad jo̧bekwö. Ja̧danö jo̧banöbi luinobe Jehuma, ja̧danö ömöayedönö weinobe, —Ocoziasnöbi 'böbaduwinö, —jö̧ba̧lö. Ja̧danö, iteaka kolukanö a̧jonö Ocoziasnö 'bötjinobe, Ibleam comunidad pjeanö, nöchawemi Gur ötjabemi nöchawemi ja'ötjö. 'Bötjökwe, tupakwö döibajinobe, Meguido comunidadbe, ja̧danö jobe Meguido comunidadtjö ö'wö baibinobe Ocoziasma.

Jueces 5:19

Döpöjojodö cananeo jojodötjö la'aka luwedöma, ichö ökwödönö tjujuluwotö jö̧ba̧lö tjölakwabikwawinobe, Meguido ojwese'do o'obö Tanactjö ökwödökwö tjölakwabikwawinobe, jo̧kwaijayonö tjujuluwinokobe, ja̧danö ditea plata jawa tjeminokobe.

Jueces 1:27

Manasessaso jojodöma tjitebo niji ju̧kwadönö a'dewö lotjo jö̧tja̧linobe, jo̧kwaijayonö Betsean comunidad ju̧kwadönöbi, Tanaac comunidad ju̧kwadönöbi, Dor comunidad ju̧kwadönöbi, Ibleam comunidad ju̧kwadönöbi, Meguido comunidad ju̧kwadönöbi a'dewö lotjinokobe. Ja̧ comunidadbiya ju̧kwadönöbi, ö'öbö ji̧ pjei̧ comunidad ju̧kwadönöbi a'dewö lotjinokobe, jo̧kwajabetjö̧ a'dewö lotjo jö̧tja̧lijayonö, cananeos jojodöma ina jobe tjö̧jinobe.

Josué 12:23

Nafot Dor niji comunidad Dor la'aka luwo̧nöbi, Goyim de Guilgal la'aka luwo̧nöbi

1 Reyes 9:15

Salomonma ba̧jȩkwadö jojodönö omudawö weinobe, iteda ömöayedö babibö, wei̧ jawa otidö tjö̧jobö. Ja̧danö, jobadö Salomon ömöayedö tjotidina jawama, baikwö laebobe: Salomon weawö̧, Isabenö Jo̧ ejubi, Salomon ejubi, Jerusalentjö Milo jö̧ba̧lö ötjabemibi, Jerusalen comunidad tjöekwemibi. Ja̧danö ju'wibi, pjolö lotjina comunidadbiya Jazor comunidadbi, Meguido comunidadbi, Guezer comunidadbi, yemidanö tjotidobö weinobe.

1 Samuel 31:10

Ja̧danö Saul itea ölakwabikwawa jawama, o̧wo jawa tjösödoko Asterot ötjabokonö ösödakwaweju okwa tjujuninobe, dösödokoma Saulnö jujuluwajabe jö̧ba̧lö. Ja̧danö, ju'wibi Saul iteba'obi, i̧tji̧mu tjiteba'ijubi, Betsan comunidad tjöekweminö akwatö tjöninobe, tjujuluwaja̧ wene i̧sȩbö.

1 Samuel 28:7

Jejenö Dios atadiökökwe, Saulma iteda ömöayedönö weinobe, —Bakwuju wobinadönö yöba̧lujunö kwisakwaduwo, jobujunö abebö cha̧ja̧kwakobetjö̧, —jö̧balö. Weawö, ömöayedöma yötjawinobe, —Endor comunidadtjö bakwuju jö̧jobe, wobinadönö yöba̧lujuma, —jö̧ba̧lö.

Josué 11:2

u'dakwö mösa'iju comunidadtenia la'aka luwedönöbi, Galilea o̧pesobu a̧li̧kwö comunidadtenia la'aka luwedönöbi, jawo̧ meajobekwö comunidad Nafot Dor la'aka luwo̧nöbi,

1 Crónicas 6:70

Ja̧danö Manasessaso ja'ö jojodöma ju'wedö Coat itji̧mu tupadanö jojodönö comunidadbiyabi, ö'öbö mejebi tjiyinobe, bi̧ya: Aner comunidadbi, Bileam comunidadbi.

1 Samuel 31:12

Ja̧danö, öpöjödö, jobe ömadötjö juluwadö yebaböködöma, a̧la̧ibö yö̧te baledibanö Betsanbe tji̧'yinobe, ja̧danö Saul iteba'obi, i̧tji̧mu tjteba'ijubi tjöekwemitjö tjimeatinobe. Ikenama, meatajadö, e'ewö tjȩwa̧jinobe Jabesbe. Ja̧danö Jabes comunidadtjö tjiteba'iju juwö lotjinobe.

Josué 16:9

Ja̧ nijibi, Efrain niji baibanö 'da̧batö wetjinobe, ja̧danö ju'wibi Manasessaso niji okwa, ju'wi comunidadbiyabi, ö'öbö pjei̧ comunidadteniabi 'da̧batö tjujuninobe, Efrainsaso jojodö tjitebo baibanö.

Josué 12:21

Tanac comunidad la'aka luwo̧nöbi, Meguido comunidad la'aka luwo̧nöbi,

Josué 17:10

Bakwachödö Manases niji ji̧nobe, ja̧danö bakwachödö, Efrain niji ji̧nobe. Ja̧wo̧ meajobekwö, jwaibalawada Manases niji bakwachobema ji̧nobe, ja̧danö jakwölakwö Asersaso tjitebo niji bakwachobema Manases niji bakwachobema ji̧nobe, ja̧danö jawo̧ laebobekwö Isacarsaso tjitebo niji bakwachobema, Manasessaso niji bakwachobe ji̧nobe.

Josué 17:16

Atadawö̧, Efrainsaso jojodöbi, Manasessaso jojodöbi tjatadinobe, —Mösa'iju jȩmi nijinö dö̧ba̧jekwachököjayonö, ba̧ba̧lawobe ju̧kwadö cananeo jojodönö dujuluwoböma juluwöködösa. Jobadöma kolukiyanö ölakwabikwawadö, 'dii̧ jawatjö otikwa kolukiyanö, jo̧kwajabetjö̧ jobadö Betsan comunidad ju̧kwadönöbi, jemi ö'öbö pjei̧ comunidadtenia ju̧kwadönöbi, Jesreel wabekonö ju̧kwadönöbi dujuluwobö juluwöködösa, —jö̧ba̧lö tjatadinobe.

2 Samuel 21:12

Ja̧danö, ju'wibi Jabes de Galaad comunidadbe 'ya̧nö eminobe, Saulbi, Jonatanbi tjiwe'ijuma. Ja̧ tjiwe'iju Jabes de Galaadnö ji̧ wenema, baikwö laebobe: Ajayinö Filisteo jojodö Guilboa mösa'otjö Saulnöbi, Jonatannöbi kwabö lotjenama, tjiteba'ijuma mö akwatö tjöninobe Betsan comunidad ö'wejenö, bidönö dujuluwajabe jö̧ba̧lö. Jo̧kwaijayonö, jejenö mö akwatö tjö̧niawö̧, Jabes de Galaad jojodöma jobetjö tjiteba'iju tjönaukwinobe, otiwanö tjitebonö tjo̧tjobö.