Josué 16:9 - Dios Iwene

⁹ Ja̧ nijibi, Efrain niji baibanö 'da̧batö wetjinobe, ja̧danö ju'wibi Manasessaso niji okwa, ju'wi comunidadbiyabi, ö'öbö pjei̧ comunidadteniabi 'da̧batö tjujuninobe, Efrainsaso jojodö tjitebo baibanö.

Josué 16:9 Referans Kwoze

Josué 17:9

Ja̧danö, Manases niji bakwachobema, Tapuajtjö Cana ojwe ichibanö ji̧nobe, ja̧danö jemi tupakwö jwaibalawabe ichibanö, ja̧ ojweda Manases niji bakwachobe ji̧nobe. Manases nijitjö ojwe bakwachödö comunidadteniama, Efrain niji comunidad ji̧nobe.

Josué 16:8

Ja̧danö Efrain niji u'dakwöchobekwö bakwachobema, baikwö laebobe. Tapuaj comunidadtjö jamatö, jawo̧ meajobekwö dötewobe, Cana ojwe u'da ichibanö, ja̧danö jemi tupakwö bakwachobema, Cana ojweda, Jwaibalawabe ichibenanö kabatö. Jobekwö laebobe Efrain nijima, Dios —Chiyocha, —jö̧a̧lina badekwachinö Efrainsaso jojodötjö bakwasokwena jojodö tjitebo baibanö wetjinama.

Josué 16:10

Jobekwö laebobe Efrain niji baibanö 'da̧batö tjujuninama, jo̧kwaijayonö, Efrain jojodöma Guezer comunidadnö ju̧kwadö cananeo jojodönö a'dewö lotjinokobe, jo̧kwajabetjö̧ jobadö cananeo jojodöma ina babe mölebi baibanö, ina Efrain jojodö tjö̧'da̧de tjuju̧kwobe. Ja̧danö, a'dewö lobökönö, Efrain jojodöma cananeo jojodönö wetjinobe, tjömöayedö 'diinö otidadö batjibanö.

2 Samuel 2:9

ja̧danö jobetjö jo̧banö ujuninobe, Galaad niji jojodöbi, Guesuri niji jojodöbi, Jezrel niji comunidad jojodöbi, Efrain niji jojodöbi, Benjamin niji jojodöbi, okobe deinö ju'wedö israel jojodöbi la'aka tjuluwo̧ baibanö.

1 Crónicas 7:28

Efrain itji̧mu tupadanö jojodö tjitebo niji wȩyukwa'ye baikwö laebobe: Betel comunidadbi, ö'öbö pjei̧ comunidadbiyabi. Ja̧danö jawo̧ laebobekwö bajalenö, Naaran comunidadbi. Ja̧danö jawo̧ meajobekwö bajalenö, Gezer comunidadbi, ö'öbö pjei̧ comunidadbiyabi. Ja̧danö Siquen comunidadbi, ö'öbö pjei̧ comunidadbiyabi. Ja̧danö u'dakwöchobekwö bajalenö, Aya comunidadbi, ö'öbö pjei̧ comunidadbiyabi.