Josué 14:9 - Dios Iwene

⁹ Ja̧danö, jejenö jwaikwöda Diosnö chösödiökwe, ja̧ möle Moisesma otiwa jawa wene yöbawö ujuninobe ötjönö, baikwö: –Caleb, ökwöma jwaikwöda Chuluwo̧ Isabenö Jo̧ Diosnö ösödö kwö̧jobetjö̧, Diosma kwebachö kwedaja̧ nijitjö ökwönö 'da̧batö iyakobe, ökwöbi, kwitji̧mu tupadanö jojodöbi ba̧kwelöjatebö ja̧ niji̧ kwujuna̧laduwakobetjö̧, –jö̧ba̧lö yöbawö ujuninobe Moisesma.

Josué 14:9 Referans Kwoze

Josué 1:3

Ja̧danö, Moisesnö yötawinadanö yötawakwö: Okobe jwiinö niji kwömasapiyanö kwö̧ja̧takwemima, ökwödönö chiyakwo̧sa, kwiteboduwi baibanö.

Deuteronomio 1:36

Jo̧kwaijayonö ju'wedö damö tetjachököjayonö, Jefone itji̧ Calebma teachakwo̧. Jo̧bama jwaikwöda ötjö Isabenö Jo̧ weti̧ ja̧bö ö̧jobetjö̧, jo̧bama isabenö chiyakwemi nijibe ichibakobe, ja̧danö jo̧banöbi, itji̧mu tupadanö jojodönöbi edö kweachinemi niji chiyakwo̧sa, jobadö tjitebo niji baibanö, –jö̧ba̧lö lȩebakwa̧ jawa yöbawö ujuninobe Diosma.

Deuteronomio 11:24

Isabenö okobe jwiinö ja̧ niji, kwö̧ja̧taduwemitenia nijima, kwiteboduwi ja̧kobe chömöledö, isabenö jalakobe kwiteboduwima, jojodö deobetjö Libano nijibe ichibanö, ja̧danö ojwe nöödö Eufrates mikwödötjö, jawo̧ ichobekwösobu jwaibalawa Mediterraneobe ichibanö.

Josué 14:10

—Ja̧danö, kwöwaisa Josue, Isabenö Jo̧ jö̧a̧linadanö, isabenö otiwanö iteada̧lajabe ötjönö. Ja̧ möle ötjönö yöbawö ujuninelö baikwöma, cuarenta y cinco o̧biya baledibajabe. Jojodö deobe kwebachö, ju'wedö israel jojodö debö tji̧'yinobe, jo̧kwaijayonö jö̧a̧linadanö Isabenö Jo̧ma otiwanö ötjönö pjabatö iteada̧lajabe, ja̧danö ida̧ökö ochenta y cinco o̧biya chujuna̧lijayonö, ina pöe waekwökönö otiwanö chöjobe.

Jueces 1:20

Moises ajayinö weinadanö, Juda jojodöma Hebron comunidad tjömöledöso̧ Calebnö tjiyinobe iteda itebo baibanö, ja̧danö jejenö tjiyiökwe, jobe ajayinö ji̧nadö Anac itji̧mu tupadanö jojodö wapösokwa jojodönö a'dewö loinobe.