Josué 11:21 - Dios Iwene

²¹ Ja̧danö ju'wibi ja̧ möle baledina wene baikwö laebobe. Ajayinöma jwiinö ödöbaedö anaquita jojodöma a̧li̧kwö mösa'iju jȩmi comunidadnö tjö̧jinobe, Hebron comunidadtjöbi, Debir comunidadtjöbi, Anab comunidadtjöbi, ju'wi juda nijitjö mösa'iju jȩmibi. Jo̧kwaijayonö, ja̧ möle jenanö, Josuema jobadönö ujuluwinobe, ja̧danö jobadönöbi, tjitebo comunidadnö ju̧kwadönöbi kwabawö loinobe.

Josué 11:21 Referans Kwoze

Deuteronomio 9:2

Jobe ju̧kwadöma isabenö juluwadö, jobadötjö ju'wedöma kwöwaisaduwawö̧, inesö ödöbaedö anaquitas jojodönö. Jobadönö yötja̧li̧ a̧ja̧kwinadöja chömöledö, –Ayö, jobadö ödöbaedö anaquitas jojodönö ti ujuluwakwajö, –jö̧ba̧lö yötja̧li̧ a̧ja̧kwinadöja.

Deuteronomio 1:28

Jobe di̧'yobö jwiobe, isabenö labobetjö̧. Jau, dömöledöma yedaibanö yötjawajabe, jobe ju̧kwadö inesö tjujuluma. Tjitebobetjö edö kwebachajadö, yötjawajabe: Jobe ju̧kwadöma ökwödötjö bajalekwönönö ödöbaedö, ökwödötjö bajalekwönönö juluwadö, ja̧danö tjitebo comunidadbiyama, otiwanö 'diinö tjöekwobe, tjöekwemima mölȩjȩbe ichibenanö. Ja̧danö ju'wibi, jobe inesö juluwadö ödöbaedö anaquitas jojodö ötjabawö̧nö dedijatö, jö̧ba̧lö tjedaja̧ yötjawinobe. Isabenö ja̧ niji tedachoböma jwiobe, labobe, –jö̧ba̧lö Dios jobe kwi̧'yaduwobö wei̧ma kwöpöjödinaduwobe.

Apocalipsis 6:2

Jwöökwe kabayu dewo̧ icho̧nö chedijatö. Jo̧ba kabayunö wa̧nö 'yo̧ma, 'böpö, nayunu juna̧lo̧. Ja̧danö, jo̧bama, la'aka luwedö tjuunö 'dii̧ ökiya tjubutjawi̧danö ubutjadajökwe. Ubutjadajökwema, mölejȩbetjö labebö, tjöpöjojodönö ujuluwobö i̧'yobe chedijatö.

Jueces 1:20

Moises ajayinö weinadanö, Juda jojodöma Hebron comunidad tjömöledöso̧ Calebnö tjiyinobe iteda itebo baibanö, ja̧danö jejenö tjiyiökwe, jobe ajayinö ji̧nadö Anac itji̧mu tupadanö jojodö wapösokwa jojodönö a'dewö loinobe.

Josué 10:42

Okobe jwiinö ja̧ nijibi, okobe deinö jobe ju̧kwadö la'aka luwedönöbi bakobe juluwanö ujuluwinobe Josuema, israel tjuluwo̧ Isabenö Jo̧ Diosma israel jojodönö pjabatö ölakwawibikwawinobetjö̧.

Deuteronomio 2:21

Jobadö zanzumitas jojodöma anaquitas jojodö tjö̧ba̧jekwi̧danö tjö̧ba̧jekwinobe ajayinöma, ja̧danö ödöbaedö tjö̧jidanöbi, juluwadö tjö̧ji̧danöbi tjö̧jinobe. Jo̧kwaijayonö ödöbaedö juluwadö tjö̧jijayonö, Isabenö Jo̧ma amonitas jojodönö pjabatö, jobadönö söbebö loinobe, tjiteboinemi nijinö, amonitas jojodöda tjö̧jobö, idöda tjitebo baibanö.