Josué 10:9 - Dios Iwene

⁹ Ja̧danö, yöawaja̧danö baledinobe. Josuema, yöte baledibanö Guilgaltjö kwebachajo̧, wajwitjonö juluwanö ichibö meibinobe amorreo jojodönö.

Josué 10:9 Referans Kwoze

2 Timoteo 2:3

Ja̧danö, wanedö yötawa Timoteo: Cristo Jesús ömöayo̧ guardiaso̧danö ichejekwo̧ja, jo̧kwajabetjö̧ guardiaso̧ otiwo̧danö, usula kwemawijayonö, kwo̧'wo̧ 'dibachibö baledö kwö̧jo.

Proverbios 22:29

Jemi ikena jweinö omukwatadö yötjawina jawama baikwö laebobe: Isabenö yötawa: Bakwo̧ waisanö otido̧ma otiwanö ö̧jakwo̧. Iteda otikwama otiwanö öwaisobetjö̧ inesö la'aka luwo̧ma nöinö ösödo̧ jo̧banöma, otidobö webö. Jobekwö jo̧ba waisanö otido̧ma inesö la'aka luwo̧ ömöayo̧ baibanö otidakwo̧. La'akatjö̧da jo̧kwadabedö wetji̧ otidokobe, inesö la'aka luwo̧ ömöayo̧ baibanö, otiwanö ja̧nö otidakwo̧.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

Josué 10:8

Ja̧danö, Isabenö Jo̧ma Josuenö yöawinobe, —Josue, jobadö amorreo jojodö ölakwabikwawa jojodönö yekaboko. Jau Josue, isabenö jobadönö kwujuluwobö chiyajabe, jo̧kwajabetjö jobadötjö bakwo̧bi kwöba a'o ö̧joböma jwiakobe, isabenö okobe deinö jobadönö kwujuluwakobe, —jö̧ba̧lö.

Josué 10:10

Ja̧danö Isabenö Jo̧ma israel jojodö tjöba a'otjö jwiinö yetjaibobö weinobe, Dakwö ja̧dakwajö jö̧ba̧lö tjö̧bawö ja̧tjenanö baibanö. Ja̧danö, jobe Gabaontjö israel jojodöma ba̧jȩkwadönö kwabawö lotjinobe, jobetjö a'dewö lotjenanö baibanö. Jejenö tjujuluwawö̧, amorreo jojodöma jobetjö dötjibajinobe, Bet-horonbe 'ya̧kwawamabenö, ja̧danö tjökömanö lubö, israel jojodöma jobadönö kwabawö lotjinobe, Azeca comunidadbebi, Maceda comunidadbebi tjichibenanö kabatö.