Josué 10:41 - Dios Iwene

⁴¹ Ja möle Josue ujuluwinemima, baikwö laebobe, a̧li̧kwö niji Cades Barneatjö, Gaza nijibe ichibanö, ja̧danö okobe jwiinö Gosen niji Gabaon comunidadbe ichibanö ujuluwinobe.

Josué 10:41 Referans Kwoze

Josué 11:16

Jobekwö laebobe Josue canaan niji ujuluwina wenema. Josuema okobe jwiinö canaan niji ujuluwinobe, mösa'iju jȩmi nijibi, a̧li̧kwö Neguev ötjabobe nijibi, okobe jwiinö Gosen ötjabobe nijibi, ba̧ba̧lawobe nijibi, Jordan ö'öbö Araba ötjabobe nijibi. Okobe jwiinö israel niji mösa'iju ujuluwinobe, inesö mö mösa'ijubi, ju'wi mösa'ijubi,

Josué 15:51

Gosén comunidadbi, Holón comunidadbi, Guiló comunidadbi. Ja̧ once comunidadbi, ö'öbö pjei̧ comunidadteniabi.

Deuteronomio 9:23

Ja̧danö ju'wibi Cades Barneabe dichibaja̧ ikenama, Isabenö Jo̧ ökwödönö, –Tjo̧wi, babe kwiteboduwi ökwödönö chiyakwa̧ nijibe 'ya̧duwi, kwiteboduwi baibanö jobe kwö̧jaduwobö, –jö̧ba̧lö weenama, yemidanö kwuluwo̧duwi Isabenö Jo̧ Dios wei̧ kwöpöjödinaduwobe chömöledö. Jau chömöledö, Dios yöawi̧ kwösödaduwo jö̧ka̧linaduwobe, –Yöbawö ujuninadanö isabenö pjaatakwo̧, –jö̧ba̧lö, jo̧kwaijayonö yöbawö ujunina kwöpöjödinaduwobe, ja̧danö wei̧ kwa̧ja̧kwinaduwokobe.

Génesis 10:19

Ja̧danö, Canaántjö tupadanö jojodö tjiteboma jalobe yelösöda, Sidón comunidadtjö a̧li̧kwöchobekwö Gaza comunidad ichibanö ji̧jetö. Ja̧danö, jobetjö tebokwöchobe Gerar comunidad ichibanö ji̧jetö, Canaántjö tupdadanö jojodö tjiteboma. Ja̧danö, ja̧wo̧ laebobekwö, Sodoma, Gomorra, Adma, Zeboim comunidades, Lasa comunidad ichibanö ji̧jetö, Canaántjö tupadanö jojodö tjiteboma. Jalobe yelösöda.

Hechos 8:26

Ju'wi möle Duluwo̧ weajökwe ángelma webijetö Felipenö, Samarianö jo̧nö: —Felipe, a̧li̧kwö 'ya̧wi. Jobe mananö, Jerusaléntjö Gazabe 'ya̧kwawamanö 'ya̧wi— webijetö ángelma Felipenö. Ja̧ma jojodö ba̧jekwadö tjuju̧kwokobe 'ya̧kwawama.

1 Reyes 3:5

Ja̧danö, ju'wi yö̧te Salomon Gabaonnö ö̧jenama, Isabenö Jo̧ma Salomonnö öwawachibinobe, i̧'wi̧dinö. Öwawachajo̧, Diosma jo̧banö abebö a̧ja̧kwinobe, —Ökwönö chiyakwa̧ma, di̧ya jawa ökwönö chiyobö jö̧ka̧lobeda? —jö̧ba̧lö.

1 Samuel 6:17

Filisteo jojodö Isabenö Jo̧nö tjiyina, kwöba a'otjö isabenö wene juna̧ladösa jö̧ba̧lö tjiyinama, baikwö laebobe. Tutiyu orotjö otikwa o̧'wo jawama, bakwamu jawa wetjinobe, Asdodtjö bakwayu, Gazatjö bakwayu, Ascalóntjö bakwayu, Gattjö bakwayu, Ecróntjö bakwayu.

Jueces 16:21

Ja̧danö, ujulu jwiiawö̧, filisteo jojodöma Sansonnö do̧tja̧tinobe, ja̧danö do̧batajadö, öbajalebiya kelebö lotjinobe. Ja̧danö, Gaza comunidadbe tje'ewinobe Sansonnö, broncetjö otikwa ka̧lenasonö jo̧banö yö̧tjebinobe, jadanö ka̧lena ba̧kwawejunö tjödinobe. Jobe ka̧lena ba̧kwawejunö ja̧nö, jo̧banö wetjinobe, trigoso̧pja otikwawa inawa jalatö otidobö, trigoso̧pja otidö.

Jueces 16:1

Ju'wi möle, Sansonma filisteo jojodö tjitebo comunidad Gazabe i̧'yinobe, ja̧danö jobe bakwuju jilekwamuböködökwö 'da̧'da̧bakwawö ju̧junö edinobe, ja̧danö edajo̧, jeju teachinobe, jobujukwö ö̧jobö.

Josué 10:12

Ja̧danö, ju'wibi baledinobe ja̧ möle, Isabenö Jo̧ israel jojodö amorreo jojodönö tjujuluwobö pjaatina mölema. Ja̧ möle ju'wedö israel jojodö tja̧ja̧kwonö, Josuema Isabenö Jo̧nö aebinobe, —Jawo̧ma meajökönö Gabaon wame ö̧jobö chösöda, ja̧danö yöte jawo̧ma Ajalon wabeko wame kwebachökönö ö̧jobö chösöda, —jö̧ba̧lö aebinobe.

Josué 10:2

Jejenö a̧ja̧kwö, Adonisedecma jwiinö yeaibinobe. Gabaon comunidadma, jalobe comunidad ji̧nobe, Hai comunidadtjö bajalekwönönö jalobe ji̧nobe, ja̧danö okobe deinö Gabaon comunidad ömadöma, ölakwabikwawa juluwadö tjö̧jinobe. Gabaon comunidadma ju'wi inesö la'aka luwedö tjö̧jemi comunidadbiya juluwi̧danö juluwemi ji̧nobe, jo̧kwajabetjö̧ Gabaon comunidad jojodö israel jojodökwö dösölö̧jinö tjö̧jakwa̧ yöbawö tjujunaja̧ wene a̧ja̧kwö, ajayitjö bajalekwönönö yeaibinobe Adonisedecma.

Deuteronomio 1:19

Tupakwö yöawinobe Moisesma, israel jojodönö: —Ja̧danö, duluwo̧ Isabenö Jo̧ Dios ökwödönö weinadanö, Sinaitjö labebö inesö jalobe, ja̧danö labobe jojodö deobe döbaledijatö. Jau chömöledö, ökwödöma ja̧ niji edö waisadöja, isabenö labobe jö̧ba̧lö. Amorreo jojodö tjitebo mösa'iju jȩmi niji dichibotö jö̧ba̧lö, ja̧ niji döbaledijatö, Cades Barneabe dichibenanö kabatö.

Deuteronomio 2:23

Ja̧danö, aveos jojodöma ajayinö Gaza nijinö tjö̧jinobe, jo̧kwaijayonö filisteo jojodöma Cretatjö ichö, jobadönö söbebö lotjinobe, ja̧danö söbebö lobajadö, aveos jojodö tjiteboinemi nijinö tjö̧jinobe, idöda tjitebo niji baibanö.

Josué 11:22

Jwiinö jobadönö söbebö loinobe, israel nijitjö bakwo̧bi ö̧jibökenanö. Jo̧kwaijayonö israel nijitjö detjijayonö, jobadötjö o̧bukwedöma ina filisteo jojodö tjitebonö tjö̧jinobe, Gaza comunidadtjöbi, Gat comunidadtjöbi, Asdod comunidadtjöbi.