Josué 10:29 - Dios Iwene

²⁹ Ikenama, Maqueda comunidad juluwajadö, Josuebi, ju'wedö israel ölakwabikwawa jojodöbi tupakwö Libna comunidadbe 'ya̧nö, jobe ju̧kwadökwö tjölakwabikwawinobe.

Josué 10:29 Referans Kwoze

Josué 21:13

Hebron comunidadma tjöeba̧lakwawa comunidad ji̧nobe, ja̧danö ja̧ comunidad tjö̧'da̧de pjabato̧ Aaron itji̧mu tupadanö jojodönö tjiyinobe. Ja̧danö, Libna comunidadbi,

Josué 15:42

Ja̧danö ju'wi ba̧ba̧lawobe ji̧ comunidadteniama, Libná comunidadbi, Éter comunidadbi, Asán comunidadbi,

2 Reyes 19:8

Asiria la'aka luwo̧ yöawi̧ yöbawo̧ma a̧ja̧kwinobe, —Chuluwo̧ Asiria la'aka luwo̧ma Laquis comunidadtjö labebajo̧, Libna comunidad jojodökwö ölakwabikwawobetö, —jö̧ba̧lö. Ja̧danö, a̧ja̧kwajo̧, Jerusalentjö labebö, uluwo̧ Asiria la'aka luwo̧ ö̧jobekwö i̧'yinobe, Libna comunidadbe.

2 Reyes 8:22

Jobekwö laebobe Edom jojodö Juda jojodö tjujulutjö tjö̧jibina wenema, ja̧danö ja̧ möle Libna comunidad jojodöbi Juda jojodö wetji̧ katjatibinobe.

Josué 12:15

Libná comunidad la'aka luwo̧nöbi, Adulán comunidad la'aka luwo̧nöbi,

Josué 10:28

Ja̧danö, ju'wibi, ja̧ möle Josuema ölakwabikwawa jojodökwö Maqueda comunidad ujuluwinobe. Juluwajo̧, okobe deinö Maqueda comunidadnö ju̧kwadönöbi, la'aka tjuluwo̧nöbi kwabawö loinobe, bakwo̧bi ö̧jibökönö. Jejenö ajayinö Jerico cominidad la'aka luwo̧nö kwabö loinadanö, Maqueda comunidad la'aka luwo̧nöbi kwabö loinobe.

Josué 8:29

Ja̧danö, Hai comunidad la'aka luwo̧nö kwabö lobö, iteba'o towinö öninobe Josuema, yö̧te baibenanö kabatö. Ja̧danö, yö̧te baibenama, Josuema weinobe, iteba'o towitjö emö, comunidad apjude ji̧nena ikwö lotjobö, ja̧danö ikwö lobajadö, wamenö inawiya tjödobö, mö japopo baibanö. Ja̧danö, babe mölebi, ja̧ mö japopoma, ina Haitjö bo̧be.

Josué 8:2

Ja̧danö, jo̧banö kwujuluwaja̧ ikenama, Jericotjö ja̧köbinaduwada̧nö okobe deinö jojodönöbi, comunidadbi söbebö loköbaduwo, bakwo̧bi ö̧ji̧bökönö. Jo̧kwaijayonö, Hai comunidad kwujuluwaduwenama, tjitea wene jwiinö kwemaduwobö ja̧kobe, tja̧jwimunöbi, ju'wi tjiteabi. Ja̧danö, jobadönö kwujuluwaduwakwa̧ma, baikwö wetakwö, abönö ju'wedönö weköbo, comunidad o̧pe tju̧ju̧kwawobö, comunidad jojodö latjebenama, Hai comunidad jojodö tjomapekwönö metji̧bobö, —jö̧ba̧lö weinobe Isabenö Jo̧ma, Josuenö.

Josué 6:21

Ja̧danö okobe deinö comunidadnö ju̧kwadönö kwabawö lotjinobe, ömadönöbi, ya̧dönöbi, damönöbi, tjemunöbi, pa̧ka̧yadönöbi, obejadönöbi, bu̧lu̧dönöbi. Okobe deinö jobe ju̧kwadönö kwölöte'onö kwabawö lotjinobe.

Josué 10:30

Ja̧danö Isabenö Jo̧ma iyinobe, ja̧ comunidad ju̧kwadönöbi, Libna la'aka luwo̧nöbi israel jojodö tjujuluwobö. Ja̧danö, juluwajo̧, Josuema okobe deinö Libna comunidadnö ju̧kwadönö kwabawö loinobe, bakwo̧bi ö̧jibökönö, okobe deinö kwabawö loinobe. Ja̧danö, Jerico la'aka luwo̧nö kwabö loinadanö, Libna la'aka luwo̧nöbi kwabö loinobe.

Isaías 37:8

Asiria la'aka luwo̧ yöawi̧ yöbawo̧ma a̧ja̧kwinobe, —Chuluwo̧ Asiria la'aka luwo̧ma Laquis comunidadtjö labebajo̧, Libna comunidad jojodökwö ölakwabikwawobetö, —jö̧ba̧lö. Ja̧danö, a̧ja̧kwajo̧, Jerusalentjö labebö, uluwo̧ Asiria la'aka luwo̧ ö̧jobekwö i̧'yinobe, Libna comunidadbe.