Biblia Todo Logo
Bib sou entènèt

- Piblisite -




Diosnö ösödo̧ Job mikwo̧ usula emawina jawa 9:12 - Dios Iwene

12 Isabenö jwiinö juluwo̧ Diosma, ju'wi jaye 'döebobö jö̧a̧litjö̧ma, 'wainö 'döbebo̧, bakwo̧bi tjöbeba̧lo̧ma deobe, bakwo̧bi, –'Dökeba, tajawedö 'dököbobeda, –tjöbeba̧lö yöba̧lo̧ma deobe.

Gade chapit la Kopi




Diosnö ösödo̧ Job mikwo̧ usula emawina jawa 9:12
18 Referans Kwoze  

Ayö, bakwo̧ jo̧banö otidina Dioskwö ölakwabikwawö jo̧ma, isabenö wene juna̧lo̧. Jo̧bajayo̧nö baikwö wanedö yöta̧la: Jo̧bajayo̧ma, sule lete'otjö dadawayu i̧sa̧yu, jeleyubiya 'da̧de ja̧yu mikwawököyudanö ichejekwo̧. Ja̧danö, lete'oma, dadö otido̧nö, —Taji kwotida? Sulabenö otido̧ja, lete'otjö otikwa wajwibo̧ja, —jö̧ba̧lö yöa̧lobö jȩnaji̧?


—Jau Job, Dios ichibö, ju'wedönö ka̧lena öditjö̧ma, ja̧danö lödajo̧, lȩekwa luwedö tjöba a'o ujunitjö̧ma, bakwo̧bi tjöbeba̧lö, –Bidönö lȩkeboko, –jö̧ba̧lö bakwo̧bi tjöbeba̧lo̧ ö̧jȩnaji̧? Deobe.


—Jo̧kwaijayonö, Dios wei̧ a̧ja̧kwö chö̧jijayonö, yayonö usula chemawinö webo̧ Diosma. Balewö lobö̧kö̧ Diosma, ja̧danö bakwo̧bi Diosnö webo̧ma deobe, –Omukwatö kwujunaja̧ kabatibi, –jö̧ba̧lö webo̧ma. Iteda omukwati̧danö ja̧bö jo̧ Diosma, iteda ösödi̧danö.


Dios iwene laebi̧danö jo̧be chömöledö, baikwö laebobe Dios iwenema: Dios omukwati̧ waiso̧ma deobe, ja̧danö Diosnö webo̧bi deobe, baikwö baikwö ja̧köbo jö̧ba̧lö webo̧ma.


—Jo̧kwaijayonö ju'wibi yötawakwö, jojodö sulabenö ja̧tjijayonö, lȩbebökönö, –Yadakwöda, –jö̧ba̧lö Dios iteada̧lobö ösöditjö̧ma, yayonö bakwobi jo̧banö yöa̧lobö jwiobe, –Dios, Sulabenö lȩbebö̧kö̧ja, –jö̧ba̧lö, Diosda inesö la'aka luwo̧obetjö̧. Ja̧danö Diosnö tjedapji jö̧ba̧lö, Dios uju̧kwawobö jö̧a̧litjö̧ma, bakwo̧bi jo̧banö edobö jwiena. Jejenö jo̧be Job, ja̧danö ju'wikwenama juluwanö lȩbebökönö, ö̧ji̧ tjedobö i̧sȩbököjayonö, jo̧bada inesö la'aka luwo̧ma, tjitebokwena inesö la'aka luwo̧bi, jojodö bakwo̧nökwena inesö la'aka tjuluwo̧bi jo̧bada.


Jejenö omukwatö chujunoböma ¿suliji̧? Sulökö chömöledö. Ötjöda chitea baladaobetjö̧, ötjöda omukwatö chujuni̧danö chimidobö jo̧be. Ötjöma jobadönö otiwanö chiyobetjö̧, ¿kwo̧'wo̧ sulinö kwedaduwobeji̧? jö̧ba̧lö atadinobe batjo la'aka luwo̧ma.


Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.


Jo̧kwajabetjö̧ isabenö jo̧bakwö kwölakwabikwawobö jwiobe Job, –Abebö cha̧ja̧kwijayonö, sulabenö atadö̧kö̧ Diosma, –jö̧ba̧lö yöka̧lobö jwiobe.


Chömöledö, Diosma okobe jwiinö baledobö ösödi̧ma badekwachinö ja̧bo̧. Ja̧danö, ökwödönö, judío jojodönö omudawö junijetö Cristokwö bakobe dötewinö badibobö, jejenö badibobö omukwatö ösödinobetjö̧.


Jau Chabe'do, ökwöda kwösödi̧danö ja̧bö jejenö i̧sebo̧ja— jö̧ba̧lö aebinobe Jesúsma.


—Ökwöma ida̧ökö edö waiso̧ja chuluwo̧, isabenö sulabenö ja̧binö̧kö̧ chö̧jima, ja̧danö ju'wibi kwujulutjö chö̧jibanö pjabato̧ma deobe jö̧balö waiso̧ja chuluwo̧, jo̧kwajabetjö̧ abebö cha̧jakwakwö, tajawedö ina chusula kwisakwobeda?


Jau, ötjödasa ba̧kwelöjatebö ji̧na Diosma, ja̧danö ba̧kwelöjatebö 'dö̧jibajökönö ö̧jakwo̧ Diosma ötjödasa. Ötjö chotidobö jö̧ta̧lenama, bakwo̧bi tjöbeba̧lo̧ma deobe, ja̧danö ötjö chotidaja̧ma, bakwo̧bi chotidajokobedanö balewö loobö jwiobe, ötjödasa Diosbo̧chobetjö̧, jö̧ba̧lö yöa̧lobe Diosma.


Jejenö yöa̧liökwe, la'aka luwo̧ Davidma atadinobe, —Bi̧ya baledi̧ma ökwödö Sarvia jitji̧mu jawamaökö Abisai. Jau, wajwida ökwödöma, Isabenö Jo̧ Diosda jo̧banö weajena, Davidnö sulabenö yöka̧lo jö̧ba̧lö, ja̧danö Jo̧bada jejenö weatjö̧ma, kabatibi jö̧ba̧lö wedoböma jwiobe.


—Chojo'do ötjönö jemenama, chitea jwibo̧nö jemijatö, ja̧danö ö'wö batibenama, chitea jwibö chȩwa̧jakwo̧sa. Chujuna̧linama, Isabenö Jo̧ chujuna̧lobö iyinobe, ja̧danö babe Isabenö Jo̧ma chujuna̧lina 'döebajabe. Isabenö Jo̧nö dösödobö jobe, –Otiwo̧ja, –jö̧ba̧lö, —Diosnö ösödö yöa̧linobe Jobma.


ja̧danö jojodö tjö̧'da̧detjö ökwönö a'dewö lotjakwo̧ja. Tebonö ju̧kwadökwö kwö̧jakwo̧ja, ja̧danö pa̧ka̧yö̧ tjukwi̧danö meje'ye kwanö kwö̧jakwo̧ja, jelemutjö döbölataja o̧biya baledibanö. Jejenö baledakobe ökwönö, Diosnö bajalianö kwöwaisachibenanö kabatö, Isabenö Okobe Jwiinö Juluwo̧ Diosda inesö la'aka luwo̧ma, Diosda böjȩ luwedönö omudawö juno̧ma jö̧ba̧lö kwöwaisachibenanö kabatö— jö̧ba̧lö ökwöinobe.


Swiv nou:

Piblisite


Piblisite