Biblia Todo Logo
Bib sou entènèt

- Piblisite -




Diosnö ösödo̧ Job mikwo̧ usula emawina jawa 7:9 - Dios Iwene

9 Ökwödö woba jojodöma ojwiyo'wodanö ichejekwadösa. Ojwiyo'wo jwiamachibi̧danö, deinö babibadösa. Jau, ö'wö badibaja̧ ikenama, la'akatjöda tjebachajöködösa,

Gade chapit la Kopi




Diosnö ösödo̧ Job mikwo̧ usula emawina jawa 7:9
14 Referans Kwoze  

Jau chuluwo̧, ökwödö bö̧je jojodöma okobe deinö ö'wö babibadösa, ja̧danö woawatjö tjedachajobö jwibadösa. Baikwö wanedö yötawa, bakwo̧ ojwiyo nijinö tjoebitjö̧ma, yemidanö i̧sa̧yu okwa tebachibö a̧ji̧bokobu, ja̧danö jejenö a̧ji̧bobö jwii̧danö, woawatjö tjedachajobö jwibadösa. Dios omukwati̧danö kwomukwato chuluwo̧, jojodönö lȩbebö söbebö loobö ji̧jayonö, lȩlöinö edö yemidanö jo̧bakwö tjichibobö isakwo̧, ö̧jelö 'da̧bachibö ju̧kwadöma ba̧kwelöjatebö ödö tjö̧japji jö̧ba̧lö. Dios omukwati̧danö kwomukwato chuluwo̧, kwitji̧ tjeachajobö kwomukwato, kwitji̧ ödö ja̧nö ö'wö baibapji jö̧ba̧lö.


jwiinö yetaibanö sulabenö ja̧badö. Jau, ajayinö jojodö otiwanö ötjönö tjomukwatinama, jwa̧lȩ'epjo e'ewö loinobedanö ichejekwa, jadanö ojwiyo'wo juluwanö jwiibi̧danö, nöinö chujuna̧linama juluwanö jwiibinobe, isabenö usula emawö jo̧sa, ¡ötjöwe!


—Jobekwö ateba Diosnö, isabenö ja'yubenö lekwajabetjö ö'wö batibakobetjö̧, ja'yubeda o̧biya baledaja̧ ikenama, debö chi̧'yakwa̧ mananö kwetachakwo̧sa, ja̧danö jobetjö tjetachajökakwo̧sa, jo̧kwajabetjö̧ chö̧ji̧ waiso̧ Dios öba a'o yöbawö pjaatobö chösöda, —jö̧ba̧lö yöa̧linobe Jobma.


—Jau chuluwo̧, debö chi̧'yaja̧ ikenama, la'akatjöda tjetachökakwo̧sa. Juluwanö wobadö tjö̧jemibe chi̧'yakwo̧sa, yȩa'wo jȩmi nijibe. Jobema jwiinö yȩa'wo jȩmi, ja'yubebi dewi̧ jwiemi, ja̧danö jobe chi̧'yakwa̧ abönö, ja'yubenö cho̧'wo ösöwachibobö atebakwö, —jö̧ba̧lö yöa̧linobe Jobma.


Jo̧kwaijayonö, babema tjemuma ö'wö baibajabe ida̧ökö, tajawedö bemi tupakwö ö̧töchö ja̧nö jo̧banö atebobö? Sule ina 'ya̧alayida jo̧banö ö̧töchö atebobö ji̧nobe. Isabenö ötjö ö'wö batibenama, jo̧ba ö̧jobe chi̧'yakwo̧sa, jo̧kwaijayonö la'akatjöda bö̧jekwö tjeachökakwo̧ chitji̧ma, —jö̧ba̧lö atadinobe Davidma.


Omukwatö yöta̧lijatö, —Ina 'yaba̧ladö tju̧ju̧kwemi chö̧jayi, la'akatjöda yemidanö chedökakwo̧sa Isabenö Jo̧nö, ja̧danö la'akatjöda bö̧jȩnö ja̧nö, bö̧jȩ jojodönö chedökakwo̧sa.


Ojwiyo emö, ojwiyo'wo okwa ano̧ Diosma, ja̧danö ojwiyo'wotjö böba dejatinö kwaobö webo̧.


Ja̧maökö Job, Dios jawama, yelösöda nöinö jo̧be, tjöwaisachibökenanö, baikwö wanedö yötawa: Dios jawama, mölȩjȩbetjö bajalekwönönö möi̧, ja̧danö wobinadö tjö̧jemitjö bajalekwönönö okwa ji̧,


¡Ötjöwe! Jejenö jösödinökötjö̧ma, jemaja̧ ikena ö'wö batibo jö̧ta̧linobe, chabibobedanö jenada ö'wö babibö, wene jwiinö chö̧bo jö̧ta̧linobe.


Ötjöwe! Jwiinö usula chemawobetjö̧, ö'wö batibakwa̧da ösödi̧nö omukwato̧sa, yȩa'wo okwa ba̧nö, ö'wö batibobö ösödo̧sa.


Otiwanö baledakwa̧ chiteada̧lökakwo̧sa, ö'wö babibadö tju̧ju̧kwemibe chi̧'yenabi, otiwanö baledakwa̧ chiteada̧lökakwo̧sa, —jö̧ba̧lö usula emawö yöa̧linobe Jobma.


Jau duluwo̧ Dios, ju'wedö ökwödötjö duluwedöbinadöma debö tji̧'yajabe, ja̧danö wobaletjö tjetjachajökakwedö. Jobadöma, la'akatjöda yemidanö ökwödönö webö tjö̧jökakwedö. Ökwöda jobadö duluwedöbinadönö lȩbebinaja duluwo Dios, yemidanö ökwödönö webö tjö̧jö̧kakobetjö̧. Jobadönö söbebö lobinaja duluwo̧, jwiinö jobadönö söbebö lobinaja duluwo̧, bakwo̧bi jobadönö omukwatibökakobetjö̧.


Swiv nou:

Piblisite


Piblisite