Diosnö ösödo̧ Job mikwo̧ usula emawina jawa 7:7 - Dios Iwene

⁷ Chuluwo̧ Dios, kwomukwatibobö atebakwö, ötjö chö̧ji̧ma lekwökö ji̧, jwa̧le epjo juluwanö 'dö̧ibi̧danö, juluwanö 'dö̧ibakobe ötjö chö̧ji̧ma. Ja̧danö chuluwo̧, usula emawö ja̧nö, chedemi cho̧'wo ösöwachibökönö, jwaikwöda o̧'wo tjo̧achö chö̧jakwo̧sa, ö'wö batibenanö.

Diosnö ösödo̧ Job mikwo̧ usula emawina jawa 7:7 Referans Kwoze

Santiago 4:14

Jo̧kwaijayonö yötawaduwakwö. Jejenö kwomukwataduwa. ¿Ökwödöma kwöwaisaduwiji̧ itekwayi kwö̧jaduwakwa̧ma? Wajwiköbaduwa. Isabenö, itekwayima ö'wö bakibaduwena. Yȩayi jo̧pji̧yakwawö omönanö jwiachi̧danö ökwödöbi omönanö deköbaduwena böjȩtjöma.

Diosnö ösödo̧ Job mikwo̧ usula emawina jawa 10:9

Kwomukwatibobö atebakwö chuluwo̧, lete'otjö kwotidinobe ötjönö, jö̧tö? Babema yemidanö nijiso̧pja̧ batibanö loköbobö kwomukwatobeji̧?

Diosnö ösödo̧ Job mikwo̧ usula emawina jawa 9:25

—Ötjö chö̧ji̧ma isabenö juluwanö 'dö̧jibajobe, baikwö wanedö yötawa: Juluwanö ö'öbakwawawo̧ ö'öakwawi̧danö, chö̧ji̧ mölebiyama juluwanö döibajobedanö ichejekwa, ja̧danö ötjönö baledi̧ma, jwaikwöda suli̧ jawada baledobe ötjönöma.

Génesis 42:36

Ikenama tjabe'do Jacobma jö̧ba̧lijetö i̧tji̧munö: —¡Ayö chi̧tji̧muwe! Chö̧jelma kwe'ewinaduwobe chi̧tji̧mu̧nö du̧ju̧tajanö. Josébi dea. Simeónbi dea. Babebi ¿kwe'ewaduwo jö̧ka̧laduwiji̧ Benjamínnöbi? ¡Ötjöwe! Ökwödömaö̧kö̧, kwabe'doduwida usula emawo̧sa— budewabinö jö̧ba̧lijetö.

Diosnö ösödo̧ Job mikwo̧ usula emawina jawa 7:16

Jau, chedemi 'yaba̧lö chö̧ji̧ma mikwawokobe, tupakwö lekwe möle chö̧joböma jwiinö chöpöjöda. Bö̧jenö chö̧ji̧ma juluwanö baledobe chuluwo̧, jwa̧le'epjo juluwanö baledi̧danö, jo̧kwajabetjö̧ atebakwö, usula chemawinö weköbi̧ kakatibobö.

Diosnö ösödo̧ Job mikwo̧ usula emawina jawa 10:20

Chuluwo̧ Dios, ötjö chö̧ji̧ma, lekwökönö chö̧jakwo̧sa, juluwanö debö chi̧'yakwo̧sa, jö̧tö? Jo̧kwajabetjö̧ atebakwö, ötjönö lȩkebi̧ kakatibobö, debö chi̧'yakwa̧ abönö ja'yubenö cho̧'wo ösöwachibakobetjö̧.