Diosnö ösödo̧ Job mikwo̧ usula emawina jawa 7:15 - Dios Iwene

¹⁵ —Isabenö babe usula emawö chö̧ji̧danö tupakwö chö̧jobö chöpöjöda, ja̧tjö̧ bajalekwönönö chösödena, cho̧'wo chemökönö tjutumobö.

Diosnö ösödo̧ Job mikwo̧ usula emawina jawa 7:15 Referans Kwoze

Mateo 27:5

Ikenama Judasma tjiyina balada jobe Dios eju okwa nijibe ikwö loinobe, ja̧danö jobetjö labebajo̧, nubawö ö'wö baibinobe.

2 Samuel 17:23

Ja̧danö, pebibajadö, Davidbi jo̧bakwö kwebachadöbi tupakwö Majanayin comunidadbe tji̧'yinobe. Ja̧danö, Ajitofel waisanö lȩebaja̧ Absalon a̧ja̧kwiökökwe, Ajitofelma öwaisinobe, Davidnö ujuluwobö omukwati̧ waekwakobe jö̧ba̧lö. Jo̧kwajabetjö̧ ajwi bulu oma'anö wanawaka wanajo̧, bulunö wa̧nö ȩwa̧jinobe itebo comunidad Guilobe. Jobe ichibö, woaja̧ ikena jawa ömöledönö weinobe, ö'wö batibaja̧ ikenama chitea jawa baikwö ja̧baduwi jö̧ba̧lö. Ikenama, webajo̧, nubawö ö'wö baibinobe. Ikenama ömöledöma Ajitofelnö tjödinobe, abe'donö tjödinemi ötölanö. Ja̧danö, Absalonma israel jojodö ölakwabikwawa jojodökwö Jordan ojwe peibinobe, Davidnö lubö.

Apocalipsis 9:6

Ja̧ mölema, bakwo̧ loibajökwema, ¡Akö, akö, ö'wö batibowe! jö̧ba̧lö, ubudekwabijayonö ö'wö baibökakwo̧. Inia tjöbö kabatibökönö ö̧jakwo̧.

Diosnö ösödo̧ Job mikwo̧ usula emawina jawa 7:14

waekwobe. Bö̧ti̧ söinö chabobö jö̧ta̧lijayonö, yetaibanö chi̧'wi̧dikwobö webo̧ja, chi̧'wi̧didanö edö, jwiinö yetaibobö webo̧ja chuluwo̧, bakobenö mölebi, yö̧tebi usula chemawinö.

Diosnö ösödo̧ Job mikwo̧ usula emawina jawa 7:16

Jau, chedemi 'yaba̧lö chö̧ji̧ma mikwawokobe, tupakwö lekwe möle chö̧joböma jwiinö chöpöjöda. Bö̧jenö chö̧ji̧ma juluwanö baledobe chuluwo̧, jwa̧le'epjo juluwanö baledi̧danö, jo̧kwajabetjö̧ atebakwö, usula chemawinö weköbi̧ kakatibobö.

Diosnö ösödo̧ Job mikwo̧ usula emawina jawa 3:21

Jobadöjayedöma ö'wö batjibobö jwiinö ösödadö, –Woawa ichowe, –jö̧ba̧lö, jo̧kwaijayonö ichökö woawama. Jobadöma inesö nöinö mikwawi̧ jawa tjöbadekwajobö sobö isakwadö tjisakwi̧tjö̧ bajalekwönönö ö'wö batjibobö isakwadö,

Diosnö ösödo̧ Job mikwo̧ usula emawina jawa 3:22

ja̧danö ö'wö batjibenama, jwiinö tjo̧'wo ösöwachibanö ö'wö babibadö, –Bajaliyanö otiwanö ö'wö batibajabe, –jö̧ba̧lö. Tajawedö jobadöjayedö ina 'yatja̧lobö weobejö?

Diosnö ösödo̧ Job mikwo̧ usula emawina jawa 9:21

—Isabenö sulabenö ja̧binö̧kö̧sa, jo̧kwaijayonö jo̧kwada, ötjönö baledakwa̧ma mikwawokobe ötjönöma. Jwiinö chöpöjödobe chö̧ji̧ma, –Debö chi̧'yowe, –jö̧ba̧lö.