Diosnö ösödo̧ Job mikwo̧ usula emawina jawa 6:4 - Dios Iwene

⁴ —Jau, wene chujuna̧li̧ma, baikwö wanedö yötawa, Okobe Jwiinö Juluwo̧ Diosma ötjönö 'böajobedanö ichejekwa, niekwa madeba ji̧ na̧yunö, ja̧danö ja̧ niekwa madebama cho̧'wo luwo̧nö teachajabe ichejekwa. Ölakwabikwawadö metji̧botö jö̧ba̧lö badekwanö tjö̧jamati̧danö, inesö labi̧ jawa chöba a'o i̧sȩbajabe Diosma, jwiinö yetaibanö, isabenö Diostjö wene juna̧lo̧sa ötjöma, ¡ötjöwe!

Diosnö ösödo̧ Job mikwo̧ usula emawina jawa 6:4 Referans Kwoze

Diosnö ösödo̧ Job mikwo̧ usula emawina jawa 30:15

jwiinö yetaibanö sulabenö ja̧badö. Jau, ajayinö jojodö otiwanö ötjönö tjomukwatinama, jwa̧lȩ'epjo e'ewö loinobedanö ichejekwa, jadanö ojwiyo'wo juluwanö jwiibi̧danö, nöinö chujuna̧linama juluwanö jwiibinobe, isabenö usula emawö jo̧sa, ¡ötjöwe!

Proverbios 18:14

Ja̧danö, ju'wibi yötawa: Bakwo̧ 'dö̧bacho̧ma, ötjöma chö̧bibajakwo̧sa jö̧ba̧lö omukwatitjö̧ma ö̧bibajobö jo̧be. Jo̧kwaijayonö 'dö̧bacho̧ma jobekwö omukwatö kabatibö, ayö chö̧bibajoböma jwiya, jö̧ba̧lö ubudekwitjö̧ma, o̧'wo̧ tjo̧achena, ja̧danö ö̧bibajökena.

Marcos 15:34

Ida̧ökö wöatena baibena Jesúsma labinö jwöbeba̧lijetö, jobadöda tjiwenenenö: —¡Eloi, Eloi! ¿lama sabactani?— jö̧ba̧lö. Ja̧ jwöeba̧li̧ma, ¡Chabe'do Dios, Chabe'do Dios! ¿tajawedö ötjönöma kakatibatjö? jö̧ba̧lö yöawobe.

2 Corintios 5:11

Jau chömöledö, ökwödöma Duluwo̧nö jweinö omukwatadösa, inesö La'aka Luwo̧, jo̧bada ja̧bö dö̧jina yöawakwo̧ma otiwinojobö sulinojobö jö̧ba̧lö. Ja̧danö, jejenö döwaisobetjö̧, ju'wedönöbi ja̧ wene yöbawadösa, jobadöbi Duluwo̧nö tjösödo jö̧ba̧lö. Ju'wedöma sulabenö yötja̧lena ötjönö, iteda emotö jö̧ba̧lö yöbawo̧ Pabloma jö̧ba̧lö, jo̧kwaijayonö ja̧maökö chömöledö, Dios wei̧danö otiwanö yöbawo̧sa. Jau chömöledö, Diosma ida̧ökö waiso̧ ötjönö, Pabloma otiwanö Dios yöawi̧ otidö yöbawo̧ jö̧ba̧lö, ja̧danö ökwödö Corintio jojodöbi kwomajadeduwinö jejenö kwöwaisaduwobö chösöda chömöledö.

Diosnö ösödo̧ Job mikwo̧ usula emawina jawa 31:23

Jo̧kwaijayonö, Diosnö yetabobetjö̧ jejenö ja̧binö̧kö̧sa chömöledö. Jau chömöledö, Dios inesö ujulu edö, chujulu jwibö yetabijatö, ja̧danö yebabinö ja̧nö, jejenö ja̧tijökötö, –Dios labinö lȩebapji, –jö̧ba̧lö.

Diosnö ösödo̧ Job mikwo̧ usula emawina jawa 21:20

Jau, idödabi tjöbajalenö, Dios jobadönö söbebö lobö lȩebi̧ jawa tjedobö jo̧be, idödabi Okobe Jwiinö Juluwo̧ Dios dameakwö lȩebi̧tjö tjemawobö jo̧be, tji̧tji̧mudamaökö.

Deuteronomio 32:42

Jobadö chöpöjojodönö chölakwabikwawi̧ma baikwö wanedö yötawa: Nayunu 'bötenama, nayunuma nöinö chöpöjojodö tjökwösobö owakobe, 'dukwachanu baibenanö kabatö, ja̧danö chitea kwölöte'oma nöinö itebia ukwobedanö ichekwakobe, jwiinö ba̧jȩkwadö tjiteba'iju dȩdȩbö loobetjö̧. Jau, chöpöjojodönö chölakwabikwawenama, jwiinö söbebö lotakwo̧sa, okobe deinö do̧batö chujuluwajawö̧nöbi, tjuluwedönöbi kwabawö lotenanö kabatö, –jö̧ba̧lö yöawobe Diosma.

Diosnö ösödo̧ Job mikwo̧ usula emawina jawa 20:16

Otiwi̧ kwo̧sa jö̧a̧lijayonö, a̧ko̧'nö tjomadebada 'dȩbo̧ sulabo̧ma, ja̧danö inesö nibo̧ a̧ko'da yö̧ökwe ö'wö baibakwo̧ ichejekwa.

Diosnö ösödo̧ Job mikwo̧ usula emawina jawa 34:6

Jo̧kwajabetjö̧ sulabenö ja̧binö̧kö̧sa jö̧ba̧lö yöta̧lenama, omöna yöba̧lo̧ jö̧ba̧lö ötjabökwesa. Jau, sulabenö ja̧tököjayonö, chö̧bibajökenanö labinö ötjönö kwaajabe Diosma, ¡Ötjöwe! –jö̧ba̧lö yöa̧lajabe, jö̧tö?

Isaías 28:19

Ja̧danö jobadö ölakwabikwawadö yemidanöbi, yemidanöbi kwitebobenö baledö, ökwödönö tjemakwedö, yȩayibi, möle ja'öbi, yö̧tebi ökwödönö emibö tjöbaledakwedö. Ja̧danö sule jwiinö bakwainö yekabiduwenada, bajalianö yötawi̧ okwa jawa kwöwaisachibaduwakwedöja.

Diosnö ösödo̧ Job mikwo̧ usula emawina jawa 7:20

—Chuluwo̧ Inesö Jojodönö Teada̧lo̧, tajawedö ötjönö lȩkebobö kwomukwataja̧da? Sulabenö ja̧tinatjö̧ma, abebö cha̧ja̧kwakwö, ökwönö sulabenö ja̧tinama di̧yada? Tajawedö ötjönö öpöjödachibö, mekibobö jö̧kalobeda?

Diosnö ösödo̧ Job mikwo̧ usula emawina jawa 16:9

Isabenö ötjönö ödameakwajabe Diosma ichejekwa, wanedö yötawa: Tebonö jo̧ ötjönö lubö, o'yenö ötjönö yö̧yö̧bö seebajabe ichejekwa, ja̧danö chöpöjojo ja̧nö, labinö ötjönö suli̧ öwaedotö jö̧ba̧lö eda̧lobedanö ichejekwa.

Diosnö ösödo̧ Job mikwo̧ usula emawina jawa 19:12

Jau, iteda ömöayedö ölakwabikwawa jojodö bakobe ötjönö metji̧botö jö̧ba̧lö tjichobedanö ichejekwa, ja̧danö cheju tjösawö ja̧nö, 'dieju pjolö loawaka tjujunobedanö ichejekwa, ötjönö tjujuluwobö, isabenö Dios suli̧ öwaedökwesa, —jö̧ba̧lö yöa̧linobe Jobma.

Proverbios 14:10

Ja̧danö, ju'wibi yötawa: Bakwo̧ma iteda ö̧ji̧ma waiso̧ o̧'wo̧ tjo̧achi̧bi, ja̧danö o̧'wo ösöwi̧bi, iteda o̧'wo̧ okwa jawa jobetjö̧. Jelo̧ma wajwibo̧.