Diosnö ösödo̧ Job mikwo̧ usula emawina jawa 5:7 - Dios Iwene

⁷ Baikwö wanedö yötawa bö̧je jojodö wene tjujuna̧li̧ma: Ökwöla ubenama, ökwöla ubö kaami̧ jawa ba̧kwelöjatebö möakwö kaamobe, jö̧tö? Ja̧danö, tjojo'do jeminelö, ö'wö batjibenanö kabatö, bö̧je jojodöma ba̧kwelöjatebö wene ju̧na̧ladö, bö̧je jojodötjobetjö̧, —jö̧ba̧lö yöa̧linobe.

Diosnö ösödo̧ Job mikwo̧ usula emawina jawa 5:7 Referans Kwoze

Diosnö ösödo̧ Job mikwo̧ usula emawina jawa 14:1

Tupakwö yöa̧linobe Jobma: —Ökwödö jojodö, dojo'dodö tjeminawö̧ma, lekwe möle jö̧ködösa, ja̧danö ina 'ya̧dalayi, ba̧kwelöjatebö wene juna̧lakwawadösa.

1 Corintios 10:13

Ja̧danö chömöledö, nöinö baledobe otiwanö ja̧köbaduwojobö sulabenö ja̧köbaduwojobö jö̧ba̧lö. Ja̧danö, jejenö ökwödönö baledi̧ma, ju'wedö jojodönö baledi̧danö baledobe ökwödönöma. Ja̧danö, ökwödönö baledenama, Dios jö̧a̧linadanö ökwödönö pjaatakobe ja̧ baledi̧ma ökwödönö juluwapji jö̧ba̧lö chömöledö. Jau chömöledö, ja̧ jawa baledenama, ju'wibi Diosma ujulu iyobe ökwödönöma, kwo̧'wo̧ 'dibachibö waekwökönö kwöbaledaduwo jö̧ba̧lö.

Diosnö ösödo̧ Job mikwo̧ usula emawina jawa 7:1

Tupakwö yöa̧linobe Jobma: —Isabenö waiya bö̧je jojodö dö̧ji̧ma, ina bö̧jȩnö dö̧jayi, ölakwabikwawa jojodö ölakwabikwawö tjö̧ji̧danö, 'diinö otidö dö̧jobö jo̧be. Baikwö wanedö yötawa bö̧jenö dö̧ji̧ma, ina 'ya̧dala̧yi, tjömöayedö 'diinö otidö tjö̧ji̧danö 'diinö otidö ju̧kwadösa.