Diosnö ösödo̧ Job mikwo̧ usula emawina jawa 5:10 - Dios Iwene

¹⁰ —Jau Job, baikwö yötawakwö Dios otidi̧ jawama: Diosma ojwiyo o̧bobö webo̧, döbatjiju otiwanö pokwakobetjö̧, ojwiyo otiwanö webo̧ Diosma.

Diosnö ösödo̧ Job mikwo̧ usula emawina jawa 5:10 Referans Kwoze

Hechos 14:17

Jejenö ujunibinajayonö Diosma iteda pjaati̧ma ba̧kwȩlö̧jatebö i̧sebijetö. Jo̧kwaobetjö̧, israel jojodöböködö, wainö sulabenö ja̧bö ju̧kwadöma Diosnö wajwitjijayonö jo̧ba otiwanö pjaati̧ma edijadötö. Ja̧danö ¿ökwödöja? Babebi Dios otiwanö pjaati̧ma kwedaduwobe. ¿Tajida jo̧ba pjaati̧ma? Biya̧: Ojwiyo o̧bi̧ weobe kwujuninaduwi̧ pokwobö, ju'wi möle kwukwaduwakwa̧ma. Ja̧danö, otiwanö kwö̧jaduwobe, kwakwawa kwanö, Dios pjaati̧ma. Ja̧danö, kwo̧'wo̧duwi ösöwachibanö kwö̧jaduwobö pjaatobe Diosma. Jau, damötjöbi Diosma iteda pjaati̧ma i̧sebinobe. Ja̧danö, babebi i̧sebobe Diosma iteda pjaati̧ma ökwödönöma. Jo̧kwaobetjö̧ jo̧banöda kwösödaduwo, ökwödönömaökö— yöbawijadötö Pablo, Bernabé.

Diosnö ösödo̧ Job mikwo̧ usula emawina jawa 36:27

Baikwö yöta̧la, Dios waisanö otidi̧ma: Diosda bö̧jetjö ojwiyo kaamobö webo̧, ojwiyo'wo baibanö, jadanö jemi ikenama jo̧bada tjebachajö ojwiyo baibanö ojwiyo o̧bobö webo̧, jojodönö pjabatö, otiwanö nöinö ojwiyo o̧bobö webo̧.

Diosnö ösödo̧ Job mikwo̧ usula emawina jawa 37:6

Jau, nieve jawa webo̧ Diosma, –Nijakwö tjoduwi, –jö̧ba̧lö, ja̧danö ojwiyo nöobö o̧bobö webo̧, –Nijinö tobebi, –jö̧ba̧lö.