Diosnö ösödo̧ Job mikwo̧ usula emawina jawa 41:14 - Dios Iwene

¹⁴ Ja̧danö bakwobi jo̧ba aa po̧ebobö jwibo̧, oo'ye jwiinö yetjaibo'ye ujuna̧lobetjö̧.

Diosnö ösödo̧ Job mikwo̧ usula emawina jawa 41:14 Referans Kwoze

Daniel 7:7

Ja̧danö jemi ikenama jelo̧nöbi chedatö, ju'wedötjö bajalekwönönö juluwo̧nö, ja̧danö nöinö yetjaibökwe jwiinö labo̧nö. Jo̧ba o'yema 'dii jawatjö otikwo'ye ujuna̧linobe aanö, ja̧danö ju'wedönö yö̧bö libawö loinobe, ja̧danö 'delachajinö kwainobe, ja̧danö ji̧bajadönö ömasapiyanö ja̧tö loinobe. Jo̧bama jo̧batjö ajayinö jwaibalawatjö labebajadötjö jwiinö wainö ichejekwo̧ ö̧jinobe, ja̧danö ju'wibi uunö i'yeka domulataja jawaökiya ujuna̧linobe.

Proverbios 30:14

Jojodötjö ju'wedöma jwibadönö, jwiinö usulasedönöma usula tjȩmawobö webadö. Wanedö yötawa: Jobadö, usulasedönö sulabenö ja̧badöma tjo'ye kwölöte'odanö sȩbadö, ja̧danö, tjaakama sȩapi̧danö sȩbadö usulasedönö usula tjȩmawobö. Ja̧ wanedöma usulasedönö debö tji̧'yakobetjö̧ ja̧badö, tjitebonö deinö, jö̧ba̧lö wanekwachobe. Jobekwö ja̧ ö'wejemu jawa, jojodö sulabenö omukwatö tjö̧ji̧ jawama Agur yöawinobe.

Diosnö ösödo̧ Job mikwo̧ usula emawina jawa 38:10

Ötjöda omudawö chujunijatö, jwaibalawa bakwachobeteniama, ja̧danö apjude tumatö tjipje'dati̧danö chipje'datijatö,

Diosnö ösödo̧ Job mikwo̧ usula emawina jawa 41:13

Jo̧bama, tjöekwa̧do̧ 'dia̧do̧ 'duawobedanö ichejekwa, ja̧danö bakwobi ja̧ tjöekwa̧do̧ kaoböma jwiobe. Bakwo̧bi tjöekwa̧do̧ söbibö, okwa doobö jwiobe.

Diosnö ösödo̧ Job mikwo̧ usula emawina jawa 41:15

Ja̧danö ibekabi titjatobö jwiobe, baikwö wanedö yötawa: Ibeka ba̧kwemeachibanö nöinö tjöekwa̧ öpiya juna̧lo̧ ichejekwa, 'diinö dötewinö.