Diosnö ösödo̧ Job mikwo̧ usula emawina jawa 41:11 - Dios Iwene

¹¹ Bakwo̧bi ötjönö iyajo̧, –Chiyaja̧ tjekatobö wetakwö, –jö̧ba̧lö ötjönö weobö jȩnaji̧? Ja̧maökö Job. Kwöwaisa, okobe jwiinö bö̧jȩnö ji̧ma, ötjöda chitea jo̧be, bakwo̧bi, –Tjebatitjö, –jö̧ba̧lö weoböma jwibo̧.

Diosnö ösödo̧ Job mikwo̧ usula emawina jawa 41:11 Referans Kwoze

Romanos 11:35

Bakwo̧bi deobe, Diosnö iyo̧ma, Diosma musido̧ baibanö. jö̧ba̧lö laebobe Dios iwenema.

Diosnö ösödo̧ Job mikwo̧ usula emawina jawa 35:7

Jadanö otiwanö Dios wei̧ a̧ja̧kwö kwö̧jitjö̧ma, Diosnö kwiyi̧ma di̧ya̧da? Jo̧banö pjabatö, jwii̧ jawa ju'wi jaye kwiyenaji̧? Kwöwaisa Job, ja̧maökö, jö̧tö?

Deuteronomio 10:14

Chömöledö, kwuluwo̧duwi Isabenö Jo̧ Diosma okobe jwiinöbi, okobe deinöbi inesö la'aka tjuluwo̧, okobe jwiinö mölejȩbi, bö̧jebi, okobe jwiinö bö̧jȩnö ji̧bi, inesö la'aka luwo̧ma jo̧bada.

Éxodo 19:5

Jo̧kwaobetjö̧ ötjö weti̧ma ö'wi̧yawakwawalö̧jinö a̧ja̧kwö, ja̧danö, yöbawö junö chiwene a̧ja̧kwö, weti̧danö ja̧bö kwö̧jaduwitö̧ma okobe deinö böjȩnö jukwadö jojodötjö ökwödönöda 'da̧batö chujunena, ötjö cha'dȩlawö̧, jö̧ba̧lö. Jejenö 'da̧batö chujunena, ötjödasa okobe jwiinö böje luwo̧chobetjö̧, ja̧danö,okobe deinö böjȩnö ju̧kwadö tjuluwo̧chobetjö̧.

1 Corintios 10:26

Dios iwenema baikwö laebobe chömöledö: Böjȩbi, okobe jwiinö böjȩnö ji̧bi Duluwo̧ jawadaobe, jö̧ba̧lö laebobe. Ja̧danö, okobe jwiinö Duluwo̧ jawaobetjö̧, domajadenö sulabenö omukwatökönö dukwena.

1 Corintios 10:28

Jo̧kwaijayonö, bakwo̧ ökwönö Aaa, biya̧ma o̧'wo̧ jawa tjiyina jö̧ba̧lö yöawitjö̧ma, jejenö yöawobetjö̧ kwukwaduwoko, jo̧ba yöbawajo̧nö omukwatö, ja̧danö jo̧ba omajadenö omukwati̧ omukwatö kwukwaduwoko.

Josué 3:11

Ja̧ wene i̧sȩbi̧ baledakwa̧ baikwö yötawaduwakwö: Okobe jwiinö bö̧jȩ la'aka luwo̧ Dios iteapjo, iteda wei̧ wȩyukwa öbiya döbölataja a̧ja̧pjoma, kwabönöduwi Jordan mikwödönö baledakobe.

Diosnö ösödo̧ Job mikwo̧ usula emawina jawa 9:5

—Isabenö jwiinö juluwo̧ Diosma, baikwö yötawa: Baledakwa̧ wajwitjonö, mösa'iju pjolatö lobo̧ Diosma. Jwiinö juluwo̧obetjö̧, ödameakwenama mösa'iju 'yebö lobo̧,

Diosnö ösödo̧ Job mikwo̧ usula emawina jawa 26:6

Jau, debö 'yi̧nadö tju̧ju̧kwemibi edö waiso̧ Diosma, ju'wedö debö 'yi̧nadö tju̧ju̧kwemi tjedököjayonö, tjöekwi̧ma ja'yubebi jwiobe, jobe debö 'yi̧nadö tjuju̧kwemibi Dios edapji jö̧ba̧lö. Isabenö okobe jwiinö edo̧ Diosma.

Diosnö ösödo̧ Job mikwo̧ usula emawina jawa 28:24

Jau chömöledö, Diosma okobe jwiinö edo̧, baikwö yöta̧la: Diosma okobe jwiinö mölȩjȩ teebe ji̧ edo̧, bö̧je bajalebi ichibanö.

Diosnö ösödo̧ Job mikwo̧ usula emawina jawa 34:33

Jobekwö akebököjayonö, kwedemi Diosnö weköbobö jȩnaji̧? –Dios, baikwö pjakatotjö, baikwö lȩkebokotjö, –jö̧ba̧lö weköbobö jȩnaji̧? Omudawö junö̧kö̧sa ötjöma ja̧ jawama Job, ökwöda omukwatö yökawo, otiwi̧ma di̧ya, jö̧ba̧lö. Jo̧kwajabetjö̧ yöka̧lobö atebakwö Job, ja̧ jawa dakwö kwomukwatobeda?

Diosnö ösödo̧ Job mikwo̧ usula emawina jawa 41:12

—Tupakwö yöta̧la chotidinökwe Leviatannö, baikwö: Isabenö juluwo̧ baibanö chotidijatö, iteba'obi, ibȩjwa̧bi otiwo̧, juluwo̧ baibanö chotidijanötö.