Diosnö ösödo̧ Job mikwo̧ usula emawina jawa 40:11 - Dios Iwene

¹¹ —Sulabedönö kwödameakwi̧ i̧sȩbö, jelobekwena ju̧kwadönö lȩkebo, ja̧danö okobe deinö otiwadösa jö̧ba̧lö sulabenö omukwatadönö, nijakwö batjibanö jwibatö loköbo.

Diosnö ösödo̧ Job mikwo̧ usula emawina jawa 40:11 Referans Kwoze

Daniel 4:37

Ja̧danö, babema ötjö Nabucodonosorma, Diosnö otiwanö omukwatö chösödobe, mölejȩbe jo̧ Diosnö. Okobe jwiinö Dios otidi̧ma otiwanö otidobe, ja̧danö okobe jwiinö ja̧i̧ma, jweinö otiwanö ja̧obe. Ja̧danö otiwadösa jö̧ba̧lö omukwatadönö nijakwönönöbedösa jö̧ba̧lö omukwatadö batjibanö ujunobö waiso̧ Diosma, jö̧ba̧lö yöbawö iwȩyudinobe Nabucodonosorma, böjȩ bakwameachibanö ju̧kwadö jojodönö.

Isaías 2:17

Jobekwö omukwatadö bö̧je jojodöma, jo̧kwaijayonö Dios omudawö ujunina möle badekwachenama, okobe jwiinö ja̧jaye tjomukwati̧ma söbebö loakwo̧ Isabenö Jo̧ma. —Ju'wedötjö bajalekwönönö otiwo̧sa, bajalekwönönö juluwo̧sa, —jö̧ba̧lö tjomukwati̧ma söbebö loakwo̧ Diosma. Ja̧danö ja̧ möle sule Isabenö Jo̧ Diosnöda omukwatö tjösödakwedö, —Isabenö Jo̧ Diosda okobe deinö ju'wedötjö bajalekwönönö bo̧ma, —jö̧balö.

Santiago 4:6

Jo̧kwaijayonö Diosma ökwödönö pjaatobö juluwo̧ ökwödö dösödi̧da omukwatö junibö dö̧jobö. Chö̧ja̧wo̧dö, Diosma ökwödönö pjabatö ujuluwobe ökwödö sulabe dösödi̧ma. Isabenö chö̧ja̧wo̧dö, Dios pjaati̧ma ökwödö sulabenö dösödi̧tjö o̧penönö juluwobe. Jejenöobetjö̧ Dios iwenetjö baikwö laebobe: Diosma, Luwedösa, jö̧ba̧lö, omukwatadönö ölakwabikwawö jo̧. Jo̧kwaijayonö, Jo̧kwadabedösa, jö̧ba̧lö omukwatadönö lȩlö̧jinö pjabato̧. Jejenö laebobe Dios iwenema. Chö̧ja̧wo̧dö, Luwedösa, jö̧ba̧lö, domukwataduwoko. Jejenö omukwatökönö dö̧jiökwe Diosma lȩlö̧jino edö pjaatakwo̧.

Lucas 18:14

Isabenö yötawaduwakwö, jejenö aebiökwe Diosma jo̧ba impuesto ötjabi̧ balada emawa otido̧ usula söbebö loinobe, ja̧danö jobetjö ȩwa̧jenama, sulabe jwibö ȩwa̧jinobe. Jo̧kwaijayonö sulabe jwiböma ȩwa̧jinokobe jelo̧ abebo̧ fariseo jojoma chömöledö. Otiwo̧sa jö̧ba̧lö omukwatijayonö isabenö otiwo̧inokobe, Diosma usula söbebö loinokobetjö̧. Jau chömöledö, okobe deinö otiwadösa jö̧ba̧lö omukwatadönöma, otiwöködö tjö̧ji̧ i̧sebakobe Diosma, ja̧danö sulabedösa jö̧ba̧lö omukwatadönöma Diosma i̧sebakobe, chedemi bidöma otiwadö, jö̧ba̧lö— Jejenö wanedö yöawinobe Jesúsma, Diosma tjusula waisadönö pjabato̧ jö̧ba̧lö.

Isaías 42:25

Ja̧danö, jobekwö sulabenö döpöjödiökwe, jwiinö ödameakwinobe ökwödönö, ja̧danö dameakwö ja̧nö, labinö lȩbebö döpöjojodö mebibö tjölakwabikwawobö weinobe. Jobekwö baledi̧ma, baikwö wanedö yötawa, Dios inesö ödameakwi̧ma dö̧'da̧de ökwöla ubi̧danö ubinobe, jo̧kwaijayonö tajawedöjö jö̧ba̧löma domukwatijökötö. Jau, Dios ödameakwi̧ i̧sȩkwolatjö ubawö̧ döwaekwijayonö, yayonö otiwanö domukwatijökötö, ja̧danö, —Aaa, Dios wei̧ a̧ja̧kwökönö dö̧jobetjö̧ baledajabe, —jö̧ba̧lö okwa jawa döwaisachibijökötö. Isabenö tjöbajale tjewawadödanö, ja̧danö tjölakiyu a̧ja̧kwöködödanö ichejekwadösa, ökwödö israel jojodöma.

Diosnö ösödo̧ Job mikwo̧ usula emawina jawa 27:22

Jau chömöledö, jwa̧lȩ'epjoma, lȩlöjinö edökönö jo̧banö mebibö doibakobedanö ichejekwa, ja̧danö döibajotö jö̧ba̧lö, labinö juluwanö ö'öbakwawo̧, sulabo̧ma.

Diosnö ösödo̧ Job mikwo̧ usula emawina jawa 20:23

Jau, omeawinö ukwemi ja'ötjö, Dios inesö ödameakwi̧ i̧sȩbö lȩebakobe, ukwemi ja'ötjö, ojwiyo o̧bi̧danö inesö labi̧ jawa jo̧ba sulabo̧nö lȩebakobe Diosma.

Deuteronomio 32:22

Ökwöla labinö ubi̧danö chödameakwakwo̧sa israel jojodönö, wanedö yötawa, chödameakwi̧ ökwölama okobe jwiinö juwö loola, bö̧je okwa ö'wö babibinadö tju̧ju̧kwemibi, okobe jwiinö bö̧jebi, bö̧jenö pokwi̧bi, mösa'iju la'akabi juwö loola ökwöladanö chödameakwakwo̧sa israel jojodönö.

Éxodo 18:11

Jejenö Egipto jojodötjö kwö̧jibaduwinö pjaatinobetjö̧ babeda chöwaisachiba, Isabenö Jo̧ma ju'wedö tjo̧'wo jawa tjöwa̧na̧lawö̧nötjö̧ o̧penönö juluwo̧, jö̧ba̧lö. Egipto jojodöma tjo̧'wo sulabenö edö, Israel jojodötjö bajalekwönönöbedösa, jö̧ba̧lö, ökwödönö tjujuluwobö jö̧tja̧lijayonö Isabenö Jo̧da jobadötjö kwö̧jibaduwinö pjaatinobe— ösödö yöba̧lijetö Jetroma.

Éxodo 15:6

Isabenö Jo̧ kwömamu kwöwaisachamuma jwiinö juluwamu. Jamu jwiinö juluwamunö pjebebö loköbajabe kwöpöjöjödönö.

Diosnö ösödo̧ Job mikwo̧ usula emawina jawa 4:9

Jau Job, sulabenö ja̧tji̧ökwe, Dios lȩebi̧tjö debö tji̧'yakwedö, jobadönö ödameakwobetjö̧, debö tji̧'yinö söbebö lobo̧ Diosma, jö̧tö? Ja̧danö ökwönö baledi̧ma, ja̧dajiobe Job.

Diosnö ösödo̧ Job mikwo̧ usula emawina jawa 21:30

Tjedaja̧ baikwö yöbawadö, –Nöinö wene baledenama, sulabedöma wenetjö ji̧badö, Dios dameakwö lȩebenama, wene jwiinö Dios lȩebi̧tjö döbibajadö, –jö̧ba̧lö yötjawobe.

Isaías 22:19

Jo̧kwajabetjö̧ kwotidelö lakebinö wetocha, ökwönö jibebö lotakwo̧sa, kwotidelö lakebakobetjö̧.

Isaías 23:9

—Isabenö Jo̧ Okobe Jwiinö Juluwo̧ Diosda bejenö baledobö omukwatö juninama. Otiwadösa jö̧ba̧lö omukwatö tjö̧ji̧ 'dö̧ibakobetjö̧, bejenö baledobö weinobe chömöledö. Jau, bö̧jȩ jojodötjö inesö otiwanö tjomukwatawö̧, otiwanö tjomukwatököwö̧ batjibanö meatö loakobetjö̧, bi̧ya inesö suli̧ waekwi̧ baledobö weinobe.

Isaías 25:11

Lȩebawö̧, Moab niji jojodöma lȩebi̧tjö latjebobö tjisakwakwedö, wanedö yöta̧la, ojwenö kwöbadö kwötjobö tjömamiju tjiwechi̧danö, latjebobö tjisakwakwedö, jo̧kwaijayonö waekwakobe. Moab jojodö otiwadösa jö̧ba̧lö tjomukwati̧ söbebö loakwo̧, ja̧danö waisanö suli̧ tjöwaedobö tjotidi̧bi söbebö loakwo̧.

Isaías 26:5

Isabenö Diosnö do̧'wo döwana̧lobö jo̧be. Jo̧bama otiwadösa jö̧ba̧ladönö tabakwö tjö̧jobö webo̧, otiwadösa jö̧ba̧ladö tjitebo comunidad, möakwö kaekwobe comunidadma, meatö lobo̧ Diosma. Jwiinö nijakwö baibanö meatö lobo̧ Diosma, nijiso̧pja̧ jȩmi baibanö meatö lobo̧.

Daniel 4:24

Chuluwo̧ Nabucodonosor, ja̧ kwedina baikwö labebö lobö yötawakwö: Ja̧ yöawinama, Okobe Jwiinö Juluwo̧ Dios yöbawö wei̧ma, ökwönö baledobö.

Diosnö ösödo̧ Job mikwo̧ usula emawina jawa 9:5

—Isabenö jwiinö juluwo̧ Diosma, baikwö yötawa: Baledakwa̧ wajwitjonö, mösa'iju pjolatö lobo̧ Diosma. Jwiinö juluwo̧obetjö̧, ödameakwenama mösa'iju 'yebö lobo̧,