Diosnö ösödo̧ Job mikwo̧ usula emawina jawa 4:15 - Dios Iwene

¹⁵ Isapjonö kwebacho̧ chöba a'o öbaledobekwö chedatö, bulukanö yetaibanö öbaledobekwö chedatö.

Diosnö ösödo̧ Job mikwo̧ usula emawina jawa 4:15 Referans Kwoze

Hebreos 1:7

Ja̧danö chömöledö ¿dakwö yöawobeda Diosma, ángelesdönö? Baikwö labebobe Dios iwenetjöma: Damötjö ángelesdönö chotidijatö chömöayedö batjibanö. Ja̧danö, jobadönö webo̧sa jelobe jelobebi tji̧'yobö, ötjö weti̧ a̧ja̧kwö 'ya̧jadönöma. Jwa̧lȩ'epjo jwa̧lȩ'ewi̧danö tji̧'yoböbi, ja̧danö, ökwöla ubi̧ juluwi̧danö tji̧'yoböbi webo̧sa, jobadö chömöayedö ángelesdönöma. Jejenö laebobe Dios iwenetjö, Dios iteda ömöayedö ángelesdönö yöawina.

Daniel 5:6

Jejenö edö, yeaibinobe yelösöda, ja̧danö yeaibobetjö öbama deöja baibinobe, ja̧danö u̧yu̧kijuma tjö̧awinobe, ime'dawachibanö.

Isaías 13:8

—Jwiinö yetjaibakwedö ja̧ möle, baikwö wanedö yöta̧la: Jojosuju jitji̧nö jemena, jo̧'wo tjo̧bekwö inia tjöbö jö̧ji̧danö tjö̧jakwedö, ja̧danö tjöba duwamachibanö, yebabinö ju'wedö tjöbabiyakwena tjeda̧lakwawakobe, –Dakwö ja̧dakwajö? –jö̧ba̧lö.

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

Mateo 14:26

Jesús öba̧ja̧di̧ waisachadö jo̧ba o̧pesobu wamenö ichobe edö yebabinö jwötjeba̧linobe: —Ayö, itema isapjobo̧ wobina awetja ichena— jö̧ba̧lö jwötjeba̧linobe.

Diosnö ösödo̧ Job mikwo̧ usula emawina jawa 4:14

Jau Job, jwiinö yetaibanö chi̧'wi̧dikwatö, okobe jwiinö chiwe'iju tjö̧awinö chi̧'widikwatö, baikwö chi̧'widikwaja̧ yötawakwö:

Diosnö ösödo̧ Job mikwo̧ usula emawina jawa 4:16

Ikenama, chöbajale a'o baledajo̧, isapjonö kwebacho̧ma chöba a'o öjamatobekwö chedatö, ja̧danö chi̧'wi̧dinö, jo̧banö chedijayonö, otiwanöma chedökötö, dakwö ichejekwo̧jö jö̧balö. Jau, 'wiinö chöba a'o ö̧jinobe, ikenama 'wiinö ö̧jajelö, tjo̧'omanö yöa̧lobe cha̧ja̧kwijatö, baikwö yöa̧li̧ma:

Daniel 10:11

Ikenama ötjönö yöawinobe: —Daniel, Dios jwiinö ösödökweja, ja̧danö ökwönö yötawobö weajabe, jo̧kwajabetjö̧ a̧laibö yötawi̧ kwa̧ja̧kwo— jö̧ba̧lö. Jejenö yöa̧li̧tjö̧, cha̧laibijatö, jo̧kwaijayonö ina tjö̧tawijatö.