Diosnö ösödo̧ Job mikwo̧ usula emawina jawa 4:14 - Dios Iwene

¹⁴ Jau Job, jwiinö yetaibanö chi̧'wi̧dikwatö, okobe jwiinö chiwe'iju tjö̧awinö chi̧'widikwatö, baikwö chi̧'widikwaja̧ yötawakwö:

Diosnö ösödo̧ Job mikwo̧ usula emawina jawa 4:14 Referans Kwoze

Apocalipsis 1:17

Ötjöma jo̧banö edinö, ¡Ayö! jö̧ba̧lö, 'dö̧bachibö metji̧danö metijatö nijibe, de'bo'bonö bamatö, jo̧ba ömasapiya la'aka. Jejenö chöbamatiökwe ömamu öwaisobekwöchobesamunö ötjönö tjo̧'omanö mabö yöawijatö: —Yekabi. Ötjöma la'akatjöda ji̧nasa. Ja̧danö, 'dö̧ibajenanö kabatö chö̧jakwo̧sa, chö̧ji̧ma 'dö̧ibajökönö.

Diosnö ösödo̧ Job mikwo̧ usula emawina jawa 33:19

—Ja̧danö ju'wikwenama, jojodönö jweebotö jö̧ba̧lö, inia tjötobö weena Diosma. Jejenö weiökwe, bakwo̧ camapjonö ba̧nö, iwe'iju niökwe ö̧bena.

Lucas 1:29

Jejenö yöa̧lioko, ¿Tajijö? ¿Dakwö jö̧ba̧lö jejenö ötjönö yöa̧lobejö? jö̧ba̧lö jo̧'wo̧ tjo̧bekwö jomukwatinobe Maríama.

Lucas 1:12

Jejenö öwawachiökwe, Zacaríasma yelösöda tjö̧awinobe yebabinö.

Daniel 10:11

Ikenama ötjönö yöawinobe: —Daniel, Dios jwiinö ösödökweja, ja̧danö ökwönö yötawobö weajabe, jo̧kwajabetjö̧ a̧laibö yötawi̧ kwa̧ja̧kwo— jö̧ba̧lö. Jejenö yöa̧li̧tjö̧, cha̧laibijatö, jo̧kwaijayonö ina tjö̧tawijatö.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Diosnö ösödo̧ Job mikwo̧ usula emawina jawa 7:14

waekwobe. Bö̧ti̧ söinö chabobö jö̧ta̧lijayonö, yetaibanö chi̧'wi̧dikwobö webo̧ja, chi̧'wi̧didanö edö, jwiinö yetaibobö webo̧ja chuluwo̧, bakobenö mölebi, yö̧tebi usula chemawinö.

Diosnö ösödo̧ Job mikwo̧ usula emawina jawa 4:15

Isapjonö kwebacho̧ chöba a'o öbaledobekwö chedatö, bulukanö yetaibanö öbaledobekwö chedatö.