Diosnö ösödo̧ Job mikwo̧ usula emawina jawa 38:11 - Dios Iwene

¹¹ –Jwaibalawa, baikwöda kwichibakwo̧ja, bemi tupakwö kwichibökakwoja, jadanö buluwanö loköbi̧ juluwijayonö, bemi tupakwö kwöbaledökakwo̧ja, –jö̧ba̧lö chipje'datijatö. Ökwö deköbayi, ötjödasa jejenö chotidijatö.

Diosnö ösödo̧ Job mikwo̧ usula emawina jawa 38:11 Referans Kwoze

Proverbios 8:29

Isabenö Jo̧ma jwai balawa lo̧obö weena, jo̧ba wei̧danö li̧nobe, tupakwö baledökönö. Jobekwö weenama jobe chö̧jijatö. Ja̧danö, ötjöma chö̧jijatö bö̧jȩ okwa la'aka ujunena— yöbawuju isudada, jweinö omukwatö ja̧kwawa wanekwachujuma.

Isaías 27:8

Ökwödönö lȩebinama, baikwö yöta̧la: Döwaisachibo jö̧ba̧lö, ditebotjö labebö jelobe dö̧jobö weinobe, jawo̧ laebobekwötjö ichi̧ jwa̧lȩ'epjo labinö jwa̧lȩ'ewi̧danö, labinö pjuinobedanö ichejekwa, ditebotjö a'dewö loakobetjö̧.

Diosnö ösödo̧ Job mikwo̧ usula emawina jawa 2:6

Atadökwe, Isabenö Jo̧ma yöa̧linobe: —Yöka̧lajadanö wamenöda ösödojobö kwedo. Iteba'onö usula emawinö ja̧köbobö wetakwo, jo̧kwaijayonö jo̧banö kwabö loköboböma wetökö, —jö̧ba̧lö yöa̧linobe Isabenö Jo̧ma, Awetjanö.

Diosnö ösödo̧ Job mikwo̧ usula emawina jawa 1:22

Jobekwö okobe jwiinö jobekwö baledijayonö, sulabenö ja̧inokobe Jobma, ja̧danö Diosnö öpöjödö yöa̧linokobe, —Diosma sulabenö ja̧bo̧, —jö̧ba̧lö.

Diosnö ösödo̧ Job mikwo̧ usula emawina jawa 38:10

Ötjöda omudawö chujunijatö, jwaibalawa bakwachobeteniama, ja̧danö apjude tumatö tjipje'dati̧danö chipje'datijatö,

Diosnö ösödo̧ Job mikwo̧ usula emawina jawa 38:12

—Ökwöja Job? Bakwötanöbi möle dewachakwa̧ weköbinaji̧? Bakwötanöbi dewi̧ kwö̧ba̧ja̧dinaji̧, –Babeda kwidewachobö jo̧be,

1 Reyes 13:28

Ikenama, ajwi bulu oma'a wanö, Dios yöawi̧ yöbawo̧ iteba'o isakwö i̧'yinobe, ja̧danö iteba'o mananö bo̧be öbadekwajinobe, ja̧danö didibabi, bulubi ö'öbö tjö̧jobe öbadekwajinobe. Didiba jojonö kwabö loajayonö, iteba'o ukwinokobe, jadanö ju'wibi bulunö meibinokobe.

Diosnö ösödo̧ Job mikwo̧ usula emawina jawa 26:10

Ju'wibi dewi̧ bakwachobebi, yei̧ bakwachobebi jwaibalawanö wȩyudö lödo̧, dena yȩojobö, dena dewojobö jö̧ba̧lö webo̧ma jo̧bada.