Diosnö ösödo̧ Job mikwo̧ usula emawina jawa 37:7 - Dios Iwene

⁷ Jejenö webö, okobe deinö tjotidawakwena katjatibobö webo̧, okobe deinö jojodö edö Dios otidi̧ tjöwaisakobetjö̧.

Diosnö ösödo̧ Job mikwo̧ usula emawina jawa 37:7 Referans Kwoze

Isaías 26:11

Chuluwo̧ Isabenö Jo̧, isabenö kwömamu kabebö jo̧ja, sulabedönö lȩkeboböma. Jo̧kwaijayonö lȩkebakwa̧ edö omukwatöködö sulabedöma. Jo̧kwajabetjö̧ lȩkebobö atebakwö chuluwo̧, jobadönö lȩbebö, inesö kwömöledönö kwösödi̧ kwi̧sebobö atebakwö, tabakwö tjö̧jakobetjö̧. Ökwö kwöpöjojodönö juwö lobo̧ja chuluwo̧, ja̧ lȩkebi̧ jawa ökwölanö jobadönö juwö lȩkebobö atebakwö chuluwo̧.

Isaías 5:12

Ja̧danö ba'ali junö, lo̧awa jawa arpabi, lirasbi, tamboresbi, flautasbi kwujuna̧laduwijayonö, jadanö ubasobu kwujuna̧laduwijayonö, Isabenö Jo̧ otidi̧ jawa omukwatöködöja. Jau, Diosnö omukwatö, —Isabenö inesö otiwi̧ jawa otidajabe duluwo̧ Isabenö Jo̧ma, —jö̧ba̧lö kwomukwataduwo jö̧ba̧ladöja, jo̧kwaijayonö omukwatöködöja.

Diosnö ösödo̧ Job mikwo̧ usula emawina jawa 36:24

Isabenö otiwanö otido̧ Diosma, jojodö jo̧banö ösödö lo̧tji̧danö, isabenö otiwanö otido̧. Jau, okobe deinö jojodöma Dios otidi̧ tjedajabe, ödö ja̧nö, Dios otiwanö otidi̧ eda̧ladö Job, ökwöbi jo̧banö ösödö yöka̧lobö kwomukwatibo, –Otiwanö otido̧ Diosma, –jö̧ba̧lö.

Diosnö ösödo̧ Job mikwo̧ usula emawina jawa 12:14

—Isabenö juluwo̧ Diosma, baikwö yötawa: Diosma ju'wi jaye söbebö loitjö̧ma, bakwo̧bi yemidanö otidobö jwiobe. Ja̧danö Diosma bakwo̧nö 'dö̧yatö ödajökwenö, bakwo̧bi ejatobö jwiobe.

Diosnö ösödo̧ Job mikwo̧ usula emawina jawa 9:7

Ju'wibi jawo̧nö, –Labebökönui, –jö̧ba̧lö weenama, labebö̧kö̧ jawo̧ma, ja̧danö ju'wibi ösödenama si̧li̧'idö tjidejatökönö tjöbeba̧lo̧ Diosma.

Diosnö ösödo̧ Job mikwo̧ usula emawina jawa 5:12

—Ja̧danö ju'wibi, suli̧ tjöwaedotö jö̧ba̧ladö suli̧ tjöwaedakwa̧ waisanö omukwatö tjujunijayonö, otiwanö tjöbeba̧lö pjabato̧ Diosma, omukwatö tjujunaja̧ badekwachinö suli̧ tjöwaedapji jö̧balö.