Diosnö ösödo̧ Job mikwo̧ usula emawina jawa 37:3 - Dios Iwene

³ Okobe jwiinö bö̧jȩ ba̧kwemeachibanö ökwöobö webo̧, bö̧jȩ bajale ichibanö böba dejatobö webo̧ Diosma.

Diosnö ösödo̧ Job mikwo̧ usula emawina jawa 37:3 Referans Kwoze

Mateo 24:27

Jau chömöledö, yemidanö chichenama, öwaetjöda öwawinö chichakobe. Wanedö yötawa: Böba idejena okobe jwiinö mölejȩ öwawinö ideji̧danö, ötjö jojo baibanö jeminökwe chichakwa̧bi juluwanö öwaetjöda öwawakobe, okobe deinö tjedobö.

Diosnö ösödo̧ Job mikwo̧ usula emawina jawa 38:13

babeda yö̧te, jojodö sulabenö ja̧tjena yȩi̧ jamatö lobö, bö̧jȩ ö'öbö kwidejatobö jo̧be, –jö̧ba̧lö weköbinaji̧?

Isaías 11:12

Iteda itea bandera kaebakobe, tjitebotenia jojodö öwawinö tjedobö, ja̧danö israel jojodö, ajayinö tjitebotjö a'dewö loinawö̧nö o̧ko̧kodakobe, ja̧danö Juda jojodö tjipjelekwachinö ju̧kwadönöbi o̧ko̧ko̧dakobe, bö̧jȩ bajale ju̧kwadönöbi o̧ko̧kodakobe, a̧dekwanö tjitebobe tjetjachajakobetjö̧.

Apocalipsis 11:19

Ikenama mölejȩbetjö Dios eju apjude po̧ibobe chedijatö. Jejenö po̧ibobe chedemi okwa isapjo chedijatö, Dios u̧kwapjo, domulataja weina jawa a̧japjoma. Ikenama, böba ölabi̧ a̧ja̧kwö, ja̧danö, nekakanö dejö baledobe chedijatö. Tjiwenebi, böba labinö ökwödi̧bi ökwöi̧ma cha̧ja̧kwijatö. Ja̧danö, niji tjö̧bebö li̧leibobe chedijatö. Ikenama ojwiyo o̧bi̧danö, inawiyadanö ichejekwi̧ labinö mölejȩbetjö nijakwö tjoduwobe chedijatö.

Diosnö ösödo̧ Job mikwo̧ usula emawina jawa 28:24

Jau chömöledö, Diosma okobe jwiinö edo̧, baikwö yöta̧la: Diosma okobe jwiinö mölȩjȩ teebe ji̧ edo̧, bö̧je bajalebi ichibanö.

Diosnö ösödo̧ Job mikwo̧ usula emawina jawa 37:4

Ja̧danö, böba idejatobö webajo̧, iwene ökwöobö webo̧, iteda iwene ökwöi̧danö, böba labinö ökwöobö webo̧, ja̧danö jejenö yöa̧lo̧nö, böba nöinö dejatinö webo̧.

Diosnö ösödo̧ Job mikwo̧ usula emawina jawa 37:11

Ojwiyo emö, ojwiyo'wo okwa ano̧ Diosma, ja̧danö ojwiyo'wotjö böba dejatinö kwaobö webo̧.

Diosnö ösödo̧ Job mikwo̧ usula emawina jawa 37:12

—Ojwiyo'wo kweachi̧tenia webo̧ Diosma, jelobekwö, jelobekwö kweachobö, iteda ösödi̧danö jojodö tjö̧jemi ba̧kwemeachibanö kweacha'wo, Diosda omukwatö ujuni̧danö baledakobetjö̧.

Diosnö ösödo̧ Job mikwo̧ usula emawina jawa 38:35

Ja̧danö böbanö idejatobö weköbitjö̧ma, weköbi̧danö dejatö kwaenaji̧? Weköbökwe, –Chuluwo̧, –jö̧ba̧lö böba atadenaji̧?