Diosnö ösödo̧ Job mikwo̧ usula emawina jawa 36:11 - Dios Iwene

¹¹ Ja̧danö, Dios yöawi̧ a̧ja̧kwö, wei̧ a̧ja̧kwö tjö̧jitjö̧ma, jemi tupakwö otiwanö tjö̧jobö pjabato̧, o̧bakwena tjo̧'wo ösöwanö tjö̧jobö pjabato̧.

Diosnö ösödo̧ Job mikwo̧ usula emawina jawa 36:11 Referans Kwoze

Isaías 1:19

Jau chömöledö, isabenö otiwanö omukwatö, –Dios wei̧ a̧ja̧kwö dö̧jo, –jö̧ba̧lö weti̧ a̧ja̧kwö kwö̧jaduwitjö̧ma, isabenö otiwanö pjatatakwo̧sa, jadanö yemidanö kwiteboduwi batjo jawa otiwanö kwukwaduwakwedöja.

Hebreos 11:8

Ja̧danö, Abrahambi Diosnö o̧'wo̧ wana̧lö ji̧na. Jo̧bama Diosnö o̧'wo̧ öwana̧lobetjö̧ Dios wei̧ a̧ja̧kwinobe, Jelobekwö 'ya̧wi, chiyakwemi jo̧bekwö, jö̧ba̧lö, wei̧ma. Abrahamma i̧'yobema wajwiijayonö, Diosnö o̧'wo̧ öwana̧lobetjö̧ i̧'yinobe.

Deuteronomio 4:30

Jau chömöledö, okobe jwiinö yötawaja̧ jawa baledenama, jwiinö kwo̧'wo tjo̧bekwö usula emawö kwö̧jaduwakwedöja, ja̧danö kwo̧'wo tjo̧bekwö ja̧nö, tjebachajö kwuluwo̧duwi Isabenö Jo̧ Diosnö kwösödaduwakwedöja, ja̧danö wei̧ kwa̧ja̧kwaduwakwedöja.

Santiago 5:5

Isabenö ökwödöma böjȩnö ja̧nö nöinö kwujuna̧laduwobe, ju'wi jawabi ju'wi jawabi, okobe jwiinö kwösödaduwi̧ma. Ja̧danö, sulabenö omukwatö kwösödaduwi̧da ja̧bö kwö̧jaduwobe. Wanedö yötawaduwakwö, ökwödö juna̧ladönö wanekwachaduwobema: Bakwo̧ ajwi pakayanö kwakwawama nöinö kwajebo̧, nöamobö. Ja̧danö, ajwima nöbo̧ baibena ajikwo̧ma kwabö loobe ajwi pakayanöma, tjukwobö. Ja̧danö, pakayama wajwibo̧, ajikwo̧ jo̧banö ju'winö kwabö loakwa̧ma. Jejenö ökwödö juna̧ladöma. Pakaya ajikwo̧ jo̧banö kwabö loakwa̧ wajwii̧danö ökwödöma wajwibadöja ju'winö Dios ökwödönö lȩbebö loakwa̧ma.

Apocalipsis 18:7

Babilonianö ju̧kwadöma idödada omukwatinadö, Otiwadösa, jö̧ba̧lö. Jobadöma, idöda tjösödi̧da tjemobö ösödadö. Babema balekwa mikwa baledobö webo̧sa jobadönö. Jobadö sulabenö wetjemitjö bajalekwönönö inia tjötjinö, balekwa mikwa iyö baledobö webo̧sa. Jobadöma idödada omukwatinadö, Ökwödöma inesö la'aka luwedösa, jö̧ba̧lö. Jilekwenö wobekwinaju budekwabinö jö̧ji̧danöma la'akatjöda dö̧jökakwedösa, jö̧ba̧lö, omukwatinadö, Babilonianö ju̧kwadöma.

Diosnö ösödo̧ Job mikwo̧ usula emawina jawa 22:23

Jau Job, sulabenö ja̧awa kwejutjö 'da̧batö junö, tjebachajö Okobe Jwiinö Juluwo̧ Diosnö kwösöditjö̧ma, isabenö ökwönö pjaatakwo̧.

Diosnö ösödo̧ Job mikwo̧ usula emawina jawa 22:21

—Jobekwö yöta̧laja̧danö jo̧be Job, jo̧kwajabetjö̧ baikwö pjabatö wetakwö: Dioskwö ölakwabikwawö kwö̧ji̧ma, kabatibi. –Isabenö chuluwo̧ Diosma, –jö̧ba̧lö, jo̧ba wei̧ a̧ja̧kwö kwö̧jo. Jemi ikenama, isabenö Dioskwö wene jwiinö kwö̧jakwo̧ja Job, ja̧danö otiwanö kwö̧jakwo̧ja.

Romanos 6:17

Ja̧danö, ökwödöma ajayinöma suli̧ ömöayedödanö kwuju̧kwinaduwobe. Jo̧kwaijayonö, suli̧ ömöayedödanö kwuju̧kwaduwemi ja'ötjö, Dios iwene kwa̧ja̧kwinaduwobe. Ja̧danö, isabenö wene a̧ja̧kwibö, jwaikwöda Dios iwene kwösödinaduwobe chömöledö.

Diosnö ösödo̧ Job mikwo̧ usula emawina jawa 42:12

Isabenö otiwanö Jobnö iyinobe Isabenö Jo̧ma. Usula emawakwa abönö otiwanö iyinatjö bajalekwönönö, usula emawaja̧ o̧pe jwiinö otiwanö iyinobe. Jejenö otiwanö iyiökwe, obejadö catorce milbedönö ajikwinobe Jobma, ja̧danö camellodö seis milbedönö ajikwinobe, ja̧danö pakayadö dos milbedönö ajikwinobe, ja̧danö bu̧lu̧dö ya̧dönö, milbedönö ajikwinobe.

Diosnö ösödo̧ Job mikwo̧ usula emawina jawa 21:11

—Isabenö wene jwiinö tjuju̧kwobe sulabedöma, tji̧tji̧mu a̧petube labebö tjalewobö webadö, ja̧danö wene jwiinö jelobetenia ö'öbakwawö alewadö, ja̧danö tjo̧'wo ösöwanö baile döbadö.

1 Timoteo 4:8

Wanedö yötawa: Ju'wedö juluwadö batjibobö isakwadöma, kabatökönö ö'öba̧libadö, ja̧danö ju'wibi ja̧badö, tupakwö juluwadö batjibobö. Ja̧ ja̧tji̧ma ja'yubeda pjaatijayonö, nöinö pjaatokobe, sule böjȩnö ja̧nö tjiteba'o jawada tjujuluwachibobö pjaatobetjö̧. Jo̧kwaijayonö, Dios ösödi̧danö ja̧dobö isawama, ja̧danö Dios ösödi̧danö ja̧bö ja̧kwawama inesö pjaati̧ do̧'wo̧ luwo̧nö dujuluwachibanö. Ja̧danö, böjȩnö ja̧nöbi, mölejȩnö Dioskwö ja̧nöbi pjaatobetjö̧, do̧'wo̧ luwo̧ ösöwachibanö dö̧jakobe.

Diosnö ösödo̧ Job mikwo̧ usula emawina jawa 21:13

Okobe jwiinö tjö̧ji̧ma, nöinö juna̧lö ju̧kwadö, ja̧danö bajaliyanö damö waekwö, ö'wö batjibenanö baibanö, wene jwiinö ölakabikwawökönö ju̧kwadö, jobadö sulabedöma.

Proverbios 1:33

Jo̧kwaijayonö, ötjö yötawi̧ a̧ja̧kwadöma tjo̧'wo̧ ösöwanö tjö̧jakwedö, labi̧ jawa jobadönö baledonöbi yetjabökökakwedö— jobekwö yöbawuju jweinö omukwatö ja̧kwawa wanekwachujuma.