Diosnö ösödo̧ Job mikwo̧ usula emawina jawa 34:4 - Dios Iwene

⁴ Jo̧kwajabetjö̧, bakobe da̧ja̧kwaja̧ omukwatö dedö, ökwödöbi, Jobbi yöka̧laduwaja̧ma di̧ya otiwojobö, jö̧balö.

Diosnö ösödo̧ Job mikwo̧ usula emawina jawa 34:4 Referans Kwoze

1 Tesalonicenses 5:21

Jo̧kwaijayonö, okobe jwiinö kwa̧ja̧kwaduwi̧ma, otiwojobö jweojobö jö̧ba̧lö kwisakwaduwo, ja̧danö kwa̧ja̧kwaduwaja̧ otiwitjö̧ma 'diinö do̧ka̧laduwo.

Romanos 12:2

Ja̧danö, ju'wedö böjȩ jojodö ja̧bö tjö̧ji̧danöma ja̧bö kwö̧jaduwoko chömöledö. Diosma kwomukwataduwi̧ balewachinö ja̧obö ösödo̧, ja̧danö balewachinö ja̧obö weköbaduwo, 'yayi̧ jawada omukwatadö bakibaduwanö. Ja̧danö, Dios ökwödö kwomukwataduwi̧ balewachinö ja̧itjö̧ma, Dios ösödi̧ jawa kwöwaisaduwena, inesö otiwa jawa, sulabe jwii̧ jawama.

Juan 7:24

Yökawaduwi̧ma, Biya̧ ja̧awa otiwa, biya̧ ja̧awa sula, jö̧ba̧lö, jweinö yökawaduwokobe. Juluwanö, wame jawa edöda kwomukwataduwobe, Ja̧ma sula, sulabenö ja̧a, jö̧ba̧lö. Jejenömaökö. Jojodö tjomajade okwa tjomukwati̧ kwöwaisaduwobö kwisakwaduwo, jweinö, waisachibö yökawaduwobö— yöawinobe Jesúsma judío jojodönöma.

Diosnö ösödo̧ Job mikwo̧ usula emawina jawa 34:36

Sulabedö yötja̧li̧danö bakwainö sulabenö yöba̧lo̧ Jobma, sulabenö ja̧bajo̧, jemi tupakwö jwiinö sulabenö ja̧bo̧. Jau, dö̧'da̧de ja̧nö, Diosnö yebabinö omukwatökönö, jwaikwöda nöinö sulabenö yöba̧lo̧ Diosnö, jo̧kwajabetjö̧ isabenö lȩekwa luwedö tjöba a'o ö̧jo jö̧ba̧lo̧ Jobma, jo̧banö lȩekwa yötjawakobetjö̧, –jö̧ba̧lö yötja̧lena waisanö omukwatadöma, —jö̧ba̧lö yöa̧linobe Eliuma, Jobnö.

Jueces 20:7

Jo̧kwajabetjö̧, baledina wene waisachibajadö, ökwödö israel jojodöma omukwatö yöka̧lakwawaduwo, ja̧danö waisanö yöba̧lakwawajadö, otiwanö ja̧dakwa̧ yökawaduwo, —jö̧ba̧lö yöa̧linobe Levisaso jojoma.

Jueces 19:30

Ja̧danö, okobe deinö jiteba'o ubulabina jawa edadöma, —Tajijö, bi̧ya baledi̧jaye la'akatjöda edinöködösa ditebotjö̧ma, da'dödö Egiptotjö latjebinemi baikwö bajalenö la'akatjöda bi̧yajaye edinöködösa. Otiwanö omukwatö, waisanö yöa̧lakwawa da̧ja̧kwaduwo, otiwanö ja̧dakwa̧ döwaisakobetjö̧, —jö̧ba̧lö yötja̧lakwawinobe.

Diosnö ösödo̧ Job mikwo̧ usula emawina jawa 34:3

Kwöwaisaduwa chömöledö, kwakwawa söinö 'dö̧ekwojobö jö̧ba̧lö, 'dȩbawö edadösa, jö̧tö? Ja̧danö, ja̧ 'dȩbawö dedi̧danö, dölakiyunö yötja̧li̧ otiwojobö jö̧balö a̧ja̧kwö edadösa, jö̧tö?

Diosnö ösödo̧ Job mikwo̧ usula emawina jawa 34:5

—Jobma baikwö yöa̧lajabe: –Dios öba a'otjö wene jwitijayonö, ötjönö pjabatö lȩekwa jweinö yöbawö̧kö̧ Diosma.