Diosnö ösödo̧ Job mikwo̧ usula emawina jawa 34:22 - Dios Iwene

²² Sulabenö ja̧badö tjuju̧kwawemi ja'yubebi jwiobe, sulabenö ja̧tji̧ Dios edapji jö̧ba̧lö, yȩa'wo okwa, bakwainö öwawökö'wo yȩa'wo okwa sulabenö jatji̧tjö̧bi, otiwanö edo̧ Diosma.

Diosnö ösödo̧ Job mikwo̧ usula emawina jawa 34:22 Referans Kwoze

Hebreos 4:13

Chömöledö ¿Diosma okobe jwiinö edokobeji̧? Edo̧. Ja̧danö ¿okobe jwiinö baledi̧ma wajwiobeji̧? Waiso̧, chömöledö. Jo̧kwaobetjö̧ Diosma isabenö okobe jwiinö domukwati̧ma waiso̧. Ja̧danö, domukwati̧ma jo̧banö i̧sekwi̧danö i̧sekwobe. Ökwödö domukwati̧ ja'yubebi dötabada̧loböma jwiobe chömöledö. Ja̧danö chömöledö, ju'wi möle, Dios öba a'o ja̧nö, ökwödöma datadakobe okobe jwiinö ja̧bö dö̧ji̧, do̧'wo̧ luwo̧tjö laebi̧ ja̧bö dö̧ji̧ma. Isabenö ökwödöma Dios wei̧ da̧ja̧kwinököbi, da̧ja̧kwinabi datadakwedösa. Isabenö chömöledö Dios wei̧, Jesúsnötjö yöawi̧ma a̧ja̧kwö dö̧jobö jo̧be.

Proverbios 10:29

Ja̧danö, ju'wibi yötawakwö: Isabenö Jo̧ma otiwanö omukwatö ju̧kwadönöma tjöbeba̧lönö te'ada̧lo̧. Jobekwö ite'ada̧lokobe sulabenö omukwatö ja̧badönöma. Isabenö Jo̧ma jobadö sulabenö omukwatö ja̧badönöma söbebö loakwo̧.

Diosnö ösödo̧ Job mikwo̧ usula emawina jawa 3:5

Ja̧ möle dewachökönö, inesö jwiinö yȩa'woda li̧natjö̧ma, otiwo jö̧a̧lena, ojwiyo'wo jwiinö yȩa'wo li̧natjöma, jojodö jwiinö yetjaibanö yȩa'wo li̧natjö̧ma otiwo jö̧a̧lena.

1 Corintios 4:5

Ja̧danö, Duluwo̧da yöawakwo̧obetjö̧, Duluwo̧ yöawakwa̧ abönöma, ju'wedönö yöbawökönaduwi, Aaa, Duluwo̧ wei̧ otiwanö ja̧badö, sulabenö ja̧badö jö̧ba̧lö. Jau chömöledö, Duluwo̧ ichakwa̧ möle badekwachenama, jo̧bada yöawakobe. Baikwö wanedö yötawa: Okobe jwiinö yȩa'wo okwa jawa Duluwo̧ma idejatakobe, otiwanö öwawinö baibanö, ja̧danö, jojodö tjomajadenö tjomukwati̧ i̧sebakobe Duluwo̧ma. Ja̧danö, iya̧da möleda Diosma jojodönö bakwo̧nökwena yöawakwo̧ otiwanö tjotidinama.

Lucas 13:27

Jo̧kwaijayonö jejenö yöka̧laduwijayonö, ökwödönö yöa̧lakobe: Yötawaduwakwö, isabenö wajwitawö̧ja, detjö ichadöjö, jö̧ba̧lö. Tetatökö ökwödönöma. Chö̧jelö da̧ja̧duwi okobe deinö ökwödö sulabenö ja̧badöma, jö̧ba̧lö atadakobe.

Mateo 7:23

Jejenö yötja̧lijayonö, baikwö chatadakwo̧sa jobadönö: Chö̧jelö döbibajaduwi, la'akatjöda wajwitawö̧ja ökwödö sulabenö ja̧badönöma, jö̧ba̧lö chatadakwo̧sa— jö̧ba̧lö yöawinobe Jesúsma.

Isaías 29:15

Ökwödö sulabenö ja̧köbaduwakwa̧ omukwatö kwujunaduwijayonö, kwomukwataduwi̧ Isabenö Jo̧ öwaisapji jö̧ba̧lö, tojö kwujunaduwobö isakwadöja. Ja̧danö ju'wedö tjedokonö, yȩa'wo okwatjö sulabenö ja̧badöja. Jobekwö sulabenö omukwatö, sulabenö ja̧köbaduwijayonö, yöba̧ladöja, —Bakwo̧bi sulabenö domukwati̧ wajwibo̧, ja̧danö bakwo̧bi sulabenö ja̧di̧ edö̧kö̧, —jö̧ba̧lö.

Isaías 9:2

Jobadö yȩa'wo okwa kwebachinadöma inesö dewi̧ tjedajabe, ja̧danö Diosnö tjöpöjödinobetjö̧ jobe bakwaida yȩa'woda ji̧najayonö, jobadönö dewinö idejatajabe.

Diosnö ösödo̧ Job mikwo̧ usula emawina jawa 31:3

Dios wei̧ a̧ja̧kwöködöma, suli̧ waekwi̧ jawa emadö, sulabenö ja̧badöma söbebö loawa jawada emadö, jö̧tö. Ja̧ jawa chemapji jö̧ba̧lö, otiwanö Dios wei̧ a̧ja̧kwö chö̧jijatö.

Diosnö ösödo̧ Job mikwo̧ usula emawina jawa 24:17

Okobe deinö jobadöma möle öpöjödadö. Jobadö yetjabi̧ma, yȩa'wo okwa ji̧maökö, yetjabi̧ma möle dewi̧, jojodö sulabenö ja̧tji̧ tjedapji jö̧ba̧lö.

Diosnö ösödo̧ Job mikwo̧ usula emawina jawa 3:13

¡Ötjöwe! Jejenö jösödinökötjö̧ma, jemaja̧ ikena ö'wö batibo jö̧ta̧linobe, chabibobedanö jenada ö'wö babibö, wene jwiinö chö̧bo jö̧ta̧linobe.

Diosnö ösödo̧ Job mikwo̧ usula emawina jawa 10:21

—Jau chuluwo̧, debö chi̧'yaja̧ ikenama, la'akatjöda tjetachökakwo̧sa. Juluwanö wobadö tjö̧jemibe chi̧'yakwo̧sa, yȩa'wo jȩmi nijibe. Jobema jwiinö yȩa'wo jȩmi, ja'yubebi dewi̧ jwiemi, ja̧danö jobe chi̧'yakwa̧ abönö, ja'yubenö cho̧'wo ösöwachibobö atebakwö, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 11:20

Jejenö baledakobe Job, yötawaja̧ otiwanö kwa̧ja̧kwitjö̧ma, jo̧kwaijayonö jejenö baledökakobe, sulabedönöma. Jobadöma tjöbajale tjewawadö batjibanö tjö̧jakwedö, ja̧danö Dios lȩebi̧tjö tjö̧jibobö jwitjakwedö. Jobadöma jwiinö usula tjemawakwedö, –Ökwödöwe, debö di̧'yobe, –jö̧ba̧lö omukwatö tjö̧jenanö, —jö̧ba̧lö yöa̧linobe Zofarma.

Diosnö ösödo̧ Job mikwo̧ usula emawina jawa 38:17

Ja̧danö ö'wö babibinadö tjuju̧kwemi apjude kwedinaji̧? Ja̧danö inesö yȩa'wo tjöekwemi apjude kwedinaji̧?

2 Samuel 12:12

Jau David, ökwöma tojata̧lö, ju'wedö wajwitjonö jelo̧ ilekwokwö kwö̧jijatö, jo̧kwaijayonö tojata̧lö ja̧köbinama, waapjida ökwönö baledobö wetocha. Jau David, ökwö kwilekwamukwö jelo̧ ö̧ja̧kwa̧ma, okobe deinö israel jojodö tjöba a'otjö baledakobe, okobe deinö tjöwaisinö, —jö̧ba̧lö Dios yöawi̧ yöawinobe Natanma, Davidnö.

Diosnö ösödo̧ Job mikwo̧ usula emawina jawa 10:14

Sulabenö ja̧takwojobö jö̧ba̧lö edo̧ja chuluwo̧, ja̧danö sulabenö ja̧titjö̧ma, sulabenö ja̧taja̧ söbebö lobökönö, jwaikwöda lȩbebo̧ja chuluwo.

Diosnö ösödo̧ Job mikwo̧ usula emawina jawa 12:22

Jojodö ajayinö wajwitjina jawa, yȩa'wo ji̧ jawa tjöwaisachibobö webo̧ Diosma, ja̧danö inesö yȩa'wo okwa dejato̧ma Diosda.

Diosnö ösödo̧ Job mikwo̧ usula emawina jawa 22:13

Jo̧kwaijayonö, ökwöma sulabenö omukwato̧ja, baikwö kwomukwati̧ yöta̧la: –Wajwibo̧ Diosma sulabenö ja̧di̧ma, jwiinö yȩiökwe, otiwanö edö̧kö̧.