25 Jejenö yöa̧litjö̧ma, iteba'o yemidanö juluwo̧ baibena, ina möayo̧ ö̧jinadanö, iteba'o yemidanö otiwachibakobe.
Yöa̧lökwe, a̧ja̧kwinobe Naamanma, ja̧danö Jordan ojwe okwa tebachö, Dios yöawi̧ yöbawo̧ weaja̧danö, jelemutjö dötölatajanö u̧bu̧dachinobe. Jemi ikenama, i̧sȩdo̧ma bakwainö otiwachibinobe, tjemu ja'yuwo̧ i̧sȩdo̧ otiwi̧danö, ja̧danö lepra ö'wöchi̧ jwiinobe.
Moises ö'wö baibenama, ciento veinte o̧biya ujuna̧linobe, jo̧kwaijayonö jwiinö pöe ö̧jijayonö, ina juluwo̧ ö̧jinobe, ja̧danö öbajale tjewawö̧kö̧ ö̧jinobe.
Job wene öbaledaja̧ ikenama, ina lekwe möle ö̧jinobe, ciento cuarenta o̧biya baibanö. Isabenö jwiinö lekwe ö̧jinobe, iteda ö̧'dö̧dö tupadanö tjö̧'dö̧dönöbi edenanö baibanö.
Ja̧danö Diosma jo̧banö lȩlö̧jinö edena, jadanö lȩlö̧jinö edö yöa̧lena, –Bite ö'wö baibapji jö̧ba̧lö, ö̧jibinö pjabati, ö̧jibinö midawama chöbadekwajabe, ö̧jibinö pjabati, –jö̧ba̧lö yöa̧lena.
Jejenö balediökwe, Diosnö aebena, jadanö Diosma aebi̧ a̧ja̧kwö ösödena. O̧'wo ösöwachibanö Dios öba a'o ichibena, ja̧danö Diosma jo̧banö ösödakobe, –Bitema chöba a'o wene jwibo̧, –jö̧ba̧lö.