Diosnö ösödo̧ Job mikwo̧ usula emawina jawa 33:22 - Dios Iwene

²² Jejenö baledökwe, ö'wö baibakwa̧ yöneawachibobe, ja̧danö ö'wö babibajadö tju̧ju̧kwemibe i̧'yakwa̧ yöneawachibobe.

Diosnö ösödo̧ Job mikwo̧ usula emawina jawa 33:22 Referans Kwoze

2 Samuel 24:16

Ja̧danö, weökwe kwabawö lobo̧ angel Jerusalenbe ichibö, jojodö tjö'wöchinö kwabawö loobö ichibenama, Isabenö Jo̧ma lȩlöinö edö, angel kaatakwawobö weinobe, —Tjo̧wita, kwabawö lobö kabatakwawi, —jö̧ba̧lö. Ja̧danö jejenö weenama, Isabenö Jo̧ weökwe angelma jebuseo jojo Arauna eju, trigo sula'wo chabö loawejunö ö̧jinobe.

Apocalipsis 9:11

Jobadö ma̧la̧ka̧yö̧ tjuluwo̧ma sulabo̧ ángelso̧. Jo̧bama böjȩ teebe, laju a'o ja̧nö te'ada̧lo̧. Jo̧bama hebreo tjiwenenö Abadón mikwo̧. Ja̧danö, griego tjiwenenö Apolión mikwo̧, ma̧la̧ka̧yö̧ tjuluwo̧ma.

1 Corintios 10:10

Ja̧danö, Diosnö öpöjödö yöda̧lakwawoko chömöledö, Diosma sulabenö iyo̧ jö̧ba̧lö. Jobadö ajayinö ji̧nadö jejenö sulabenö öpöjödö yötja̧liökwe, Diosma ángelso̧ kwabawo̧nö weinobe, jobadönö kwabö loo jö̧ba̧lö.

Hechos 12:23

Ikenama omönanö Duluwo̧ weajökwe ángelma Dios ujulunö isȩbö ja̧ijetö Herodesnö wi̧ba̧'dö̧ nöinö tja̧jinö, ukwa'wo 'ye'yeachibanö. Herodesma, jojodönö jwebeba̧lö yöa̧lokobetjö̧, Ötjöma Diosbö̧kö̧sa, jö̧ba̧lö, Diosnöda ösödaduwi, jö̧ba̧lö, jejenö baledijetö, wi̧ba̧'dö̧ tja̧jinö Herodes ukwa'wonö. Ikenama ju'wi möle, lekwokobetjö, Herodesma ö'wö babibijetö, ukwa'wo wiba'dö̧ nöinö tja̧jobetjö̧.

Isaías 38:10

Omukwatö yöta̧lijatö, —Ina juluwo̧ pöe waekwö̧kö̧ chö̧jemi ja'ötjö, isabenö ö'wö batibobö jo̧be. Ina pöe batibapji, ö'wö babibadö tju̧ju̧kwemi apjude tetachobö weökwesa, ina lekwe möle chö̧jo jö̧ta̧li̧ma, chö̧jökönö 'döebena Diosma, —jö̧ba̧lö chomukwatijatö.

Diosnö ösödo̧ Job mikwo̧ usula emawina jawa 33:28

Ö'wö batibapji jö̧ba̧lö, lȩlöjinö edö pjaatinobe Diosma, ö'wö babibajadö tjuju̧kwemibe chi̧'yapji jö̧ba̧lö pjaatinobe. Jo̧kwajabetjö̧ sulabenö jatinajayonö, ina 'yaba̧lo̧ chöjobe, –jö̧ba̧lö o̧'wo ösöwanö lo̧ena.

Diosnö ösödo̧ Job mikwo̧ usula emawina jawa 17:1

Tupakwö o̧'wo tjo̧achö yöa̧linobe Jobma: —Isabenö chime'dawachibajabe, wanedö yötawa, chö̧ji̧ma juluwanö tiibobe, ja̧danö wobiakoma ida̧ökö wotakwa̧ teada̧lobe.

Diosnö ösödo̧ Job mikwo̧ usula emawina jawa 15:21

Jobadöma kabatökönö yetjaibanö ökwöi̧ a̧ja̧kwadö, ja̧danö otiwanö tjö̧jemi ja'ötjö, wene jwia jö̧ba̧lö tjomukwatemi ja'ötjö, söbebö lobadö ichibö jobadönö tjujuluwobe.

Diosnö ösödo̧ Job mikwo̧ usula emawina jawa 7:7

Chuluwo̧ Dios, kwomukwatibobö atebakwö, ötjö chö̧ji̧ma lekwökö ji̧, jwa̧le epjo juluwanö 'dö̧ibi̧danö, juluwanö 'dö̧ibakobe ötjö chö̧ji̧ma. Ja̧danö chuluwo̧, usula emawö ja̧nö, chedemi cho̧'wo ösöwachibökönö, jwaikwöda o̧'wo tjo̧achö chö̧jakwo̧sa, ö'wö batibenanö.

1 Samuel 2:6

Isabenö badedö edö jwebebo̧ Isabenö Jo̧ chuluwo̧ma, woawabi ja̧kwawabi luwo̧ma jo̧bada. Ju'wedönö ö'wö batjibobö weonö, ju'wedönö 'yatja̧lobö webo̧ Diosma.

Éxodo 12:23

Ja̧ yö̧tema Isabenö Jo̧ma Egipto niji okobe jwiinö kwebachö okobe deinö Egipto jojodö tji̧tji̧mu ömadönö, abönö damönö kwabö loakobe. Ja̧danö, kweachena kwejubiyaduwi apjudebiya tjökwösobu dukebaja̧duwa edö ja ejubiyanöma tebachökönö wameda öbaledakobe. Ja̧danö, iteda weökwe ángel, ö'wö batjibanö lȩbebo̧nöma kwejuduwinö kwabö lobö teachobö weökakobe, Isabenö Jo̧ma.

Diosnö ösödo̧ Job mikwo̧ usula emawina jawa 33:18

Jau Job, jejenö yöba̧lö, tjöbeba̧lönö pjabato̧ Diosma, jojodö suli̧ tjöwaekwapji jö̧ba̧lö, juluwanö ö'wö batjibapji jö̧ba̧lö, jobekwö yöba̧lö pjabato̧ Diosma.