Diosnö ösödo̧ Job mikwo̧ usula emawina jawa 33:12 - Dios Iwene

¹² Jejenö a̧ja̧kwajo̧, baikwö yötawakwö Job, yöka̧li̧ma sula. Diosnö yöka̧laja̧ma, Diosma bakwainö jojodanö jo̧ yöka̧lajabedanö ichejekwa, jo̧kwaijayonö jo̧bama ökwödö bö̧jȩnö ju̧kwadötjö jwiinö bajalekwönönöbo̧ Job.

Diosnö ösödo̧ Job mikwo̧ usula emawina jawa 33:12 Referans Kwoze

Diosnö ösödo̧ Job mikwo̧ usula emawina jawa 36:5

Diosma isabenö juluwo̧, jo̧kwaijayonö juluwo̧jayonö, jojo bakwo̧nöbi öpöjödö̧kö̧, –Bitema mikwawö̧kö̧, –jö̧ba̧lö. Isabenö juluwo̧ Diosma, ja̧danö okobe jwiinö okwa jawa waiso̧ Diosma.

Diosnö ösödo̧ Job mikwo̧ usula emawina jawa 40:2

—Job, ökwöma ötjö Okobe Jwiinö Juluwo̧ Dioskwö jwöjwöbakwawö, jwekebobö jö̧ka̧li̧ji̧? Ötjö Diosnö yöka̧lajabe, –Diosma sulabenö ja̧ajabe, –jö̧ba̧lö, tajawedö abebö cha̧ja̧kwaja̧ atadökönö kwö̧jobeda? Isabenö ötjönö jwekebobö ji̧tjö̧ma, kwatado jö̧ka̧lena, —jö̧ba̧lö yöa̧linobe.

Diosnö ösödo̧ Job mikwo̧ usula emawina jawa 35:4

—Jejenö yöka̧li̧tjö̧, baikwö chatadakwö, ökwönöbi, kwömöledönöbi:

Diosnö ösödo̧ Job mikwo̧ usula emawina jawa 35:2

—Ökwö yöka̧laja̧ma, Diosnö yöka̧lajabe ichejekwa, –Ötjöma Diostjö bajalekwönönö otiwanö ja̧bö jo̧sa, –jö̧ba̧lö. Kwedemi jejenö yöka̧loböma otiwenaji̧?

Diosnö ösödo̧ Job mikwo̧ usula emawina jawa 34:23

—Diosma ida̧ökö okobe jwiinö waiso̧ jojodönö, sulabenö ja̧badö tjö̧jojobö, otiwanö ja̧badö tjö̧jojobö jö̧ba̧lö. –Ötjö lȩekwa luwo̧ chöba a'o ichibajadö, yötjawaja̧ ikenada chöwaisakwo̧sa, –jö̧ba̧löma omukwatö̧kö̧ Diosma, yötjawakwa̧ abönö ida̧ökö waiso̧.

Diosnö ösödo̧ Job mikwo̧ usula emawina jawa 32:17

ötjöbi yöta̧locha, ötjöbi chöwaisi̧ jawa labebö lobö yötawocha.

Diosnö ösödo̧ Job mikwo̧ usula emawina jawa 26:14

—Jobekwö wamenöda yötawaduwakwö Dios inesö ujuluma, wanedö yötawa, tjo'omanö sewoba̧lö yötja̧li̧danö, iteda ujulutjö sule ja'yubeda i̧sȩbajabe. Jau chömöledö, böba ökwöi̧ da̧ja̧kwenama, –Ayö, Dios inesö ujuluma, dokwa nöinö juluwo̧jö, –jö̧ba̧lö a̧ja̧kwö omukwatadösa, isabenö ujuluma ja'önöda döwaisobetjö̧, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 9:4

Jau, isabenö jwiinö waisanö omukwato̧ Diosma, ja̧danö isabenö jwiinö juluwo̧. Bakwo̧bi Dios öba a'o 'diinö jwöjwöbakwawö jo̧ ö̧jȩnaji̧? Bakwo̧bi Dios öba a'o ja̧nö, isabenö wene jwibo̧sa i̧sȩbo̧ma ö̧jenaji̧? Deobe la'akatjöda. Bakwo̧bi Dios öba a'o 'diinö jo̧ma deobe.

Diosnö ösödo̧ Job mikwo̧ usula emawina jawa 1:22

Jobekwö okobe jwiinö jobekwö baledijayonö, sulabenö ja̧inokobe Jobma, ja̧danö Diosnö öpöjödö yöa̧linokobe, —Diosma sulabenö ja̧bo̧, —jö̧ba̧lö.

Diosnö ösödo̧ Job mikwo̧ usula emawina jawa 11:7

—Isabenö Dios öwaisi̧tjö̧ baikwönönö wajwibo̧ja Job, baikwö yötawa: Dios jawa, ju'wedö wajwitji̧ jawama, ökwö kwöwaisachibobö kwujuna̧lobeji̧? Okobe jwiinö juluwo̧ Dios ujulu, dokwa nöinö ujuluwojobö jö̧balö kwöwaisachibobö kwujuna̧lobeji̧?

Diosnö ösödo̧ Job mikwo̧ usula emawina jawa 11:6

Okobe jwiinö waisanö omukwato̧ Diosma Job, jo̧kwajabetjö̧ jo̧bada ökwönö ataditjö̧ma, waisanö omukwatakwawa okwa jawa labebö lobö yöawena. Ja̧danö, baikwö yötawakwö Job, –Wene jwibo̧sa —jö̧ba̧lö yöka̧lajayonö, isabenö wene juna̧lo̧ja, ja̧danö, –Nöinö lȩebökwesa, –jö̧ba̧lö budekwö yöka̧lijayonö, ja'yubeda Dios lȩebökweja. Sulabenö ja̧köbiökwe, isabenö babe lȩebi̧tjö̧ bajalekwönönö labinö ökwönö lȩebobö jo̧be.

Diosnö ösödo̧ Job mikwo̧ usula emawina jawa 11:9

ja̧danö bö̧jȩ bajaletjö tupakwönönö ji̧, ja̧danö jwaibalawatjö bajalekwönönö jalobe ji̧, okobe jwiinö Dios jawa tjöwaisachobö jwii̧, la'akatjöda.