Diosnö ösödo̧ Job mikwo̧ usula emawina jawa 30:4 - Dios Iwene

⁴ Kwakwawa jwitjobetjö̧, ösötje isakwö, lei̧ pokwi̧ kwadö, retama ötjabötje öjiya kwadö, ju'wi kwakwawa jwitjobetjö̧.

Diosnö ösödo̧ Job mikwo̧ usula emawina jawa 30:4 Referans Kwoze

Lucas 15:16

Isabenö jwiinö a̧wi̧chi̧ lö̧jinobe jo̧banö, ku̧si̧dö tju̧kwa kwakwawa ukwobö omukwatenanö. Ku̧si̧dö tju̧kwa jwiinö suli̧jayonö, ja̧bi edö, chukwowe jö̧ba̧lö omukwatinobe. Jo̧kwaijayonö jwiinö a̧wi̧chi̧ lö̧jijayonö, jo̧banö ja'yubebi kwakwawa tjiyinokobe, ukwobö.

1 Reyes 19:4

ja̧danö jemi tupakwö jojodö deobe jo̧dawa'ye i̧'yinobe, bakwöta möle baledibanö. Möle baledibanö jojodö deobe kwebachajo̧, arbusto towi ösadalena öbamatinobe. Jobe bamatajo̧, ö'wö baibotö jö̧ba̧lö Isabenö Jo̧nö aebinobe, —Chuluwo̧ Isabenö Jo̧, tjo̧wita, chö̧ji̧ chöpöjödachibajabe, tjo̧wi ötjönö kwabö loköbobö atebakwö. Jau chuluwo̧, cha'dödö tjotiwi̧tjö bajalekwönönö otiwö̧kö̧sa ötjöma, ja̧danö ö'wö babibajadö tjö̧ji̧danö, ida̧ökö ötjöbi ö'wö batibobö chösöda, kwabö loköbotjö, —jö̧ba̧lö aebinobe.

Diosnö ösödo̧ Job mikwo̧ usula emawina jawa 30:3

ja̧danö jwiinö jwibö ja̧nö, a̧wi̧chi̧ tjöbö 'dalökachadö tjö̧ji̧danö ju̧kwadö. Jwiinö a̧wi̧chi̧ tjöbö tjö̧jobetjö̧, jojodö deobe kököobe janö, towi bö'diyada cha'öbadö.

Diosnö ösödo̧ Job mikwo̧ usula emawina jawa 30:5

Jobadöma ju'wedö comunidadtjö a'dewö lotjawö̧, –Naukwabidö, –jö̧ba̧lö, jojodö tjö̧jelö a'dewö lotjawö̧. Jobadö inesö usula emawadöbi ötjönö otjobe babema.