Diosnö ösödo̧ Job mikwo̧ usula emawina jawa 30:3 - Dios Iwene

³ ja̧danö jwiinö jwibö ja̧nö, a̧wi̧chi̧ tjöbö 'dalökachadö tjö̧ji̧danö ju̧kwadö. Jwiinö a̧wi̧chi̧ tjöbö tjö̧jobetjö̧, jojodö deobe kököobe janö, towi bö'diyada cha'öbadö.

Diosnö ösödo̧ Job mikwo̧ usula emawina jawa 30:3 Referans Kwoze

Diosnö ösödo̧ Job mikwo̧ usula emawina jawa 24:5

Jejenö balediawö̧, jwiinö usula emawadö usulasedöma. Tebonö ju̧kwadö bu̧ludö kwakwawa ja'yuwemi tju̧kwa isakwö tjö̧ji̧danö, labinö otidö tjukwakwa̧ isakwadö usulasedöma, sulabedö sulabenö ja̧tji̧awö̧, jojodö deobetjöda idöbi, tji̧tji̧mubi tjukwakwa̧ kwakwawa isakwö ju̧kwadö.

Hebreos 11:38

Ja̧danö, jobadöma tjeju jwibadöda, mejenö mö'ösa'ijunö kwebachö i̧lȩdo̧nöbi, lajunöbi ji̧atjinobe, jwiinö usula emawö. Chömöledö yötawaduwakwö. Jejenö usulasedöda tjuju̧kwijayonö Diosma jobadönö edö, Jwiinö mikwawadö, jö̧ba̧lö, omukwatinobe. Isabenö chömöledö, jobadöma jwiinö mikwawadötjobetjö̧ böjȩ mikwawököjȩ jobadö tjitebo baibanö tjö̧joböma jwiobe. Tjiteboma mölejȩbeda.

Diosnö ösödo̧ Job mikwo̧ usula emawina jawa 30:2

—Isabenö nöinö usula emawo̧sa ötjöma, inesö mikwawöködö usulasedöbi ötjönö otjenanö baibanö. Jau, ajayinö weti̧ tjotidobö mikwawöködö, ida̧ökö tjujulu 'dö̧ibajawö̧, ja'yubebi weti̧ tjotidobö mikwawöködöbi ötjönö obadö batjibajabe. Jobadöma isabenö tjujulu jwibadö,

Diosnö ösödo̧ Job mikwo̧ usula emawina jawa 30:4

Kwakwawa jwitjobetjö̧, ösötje isakwö, lei̧ pokwi̧ kwadö, retama ötjabötje öjiya kwadö, ju'wi kwakwawa jwitjobetjö̧.

Daniel 5:21

Jojodöma jo̧banö tjö'da̧detjö a'dewö lotjinobe, ja̧danö omukwati̧ma tebonö ju̧kwadö tjomukwati̧danö omukwatinobe, ja̧danö labidö buludökwö ö̧jinobe. Pa̧ka̧yö̧ tjukwi̧danö meje'ye ukwinobe, ja̧danö yȩayikwena si̧li̧'idö tji'olitjö i̧'bȩkwinobe. Jejenö ö̧jinobe, bajalianö otiwanö Diosnö öwaisachibenanö kabatö. Jau, böjȩtjö tjitebotenia yöbawö waeawatenia isabenö yöbawö webo̧ma Okobe Jwiinö Juluwo̧ Diosda, ja̧danö tjitebotenia yöbawö weawatenia la'aka luwo̧nö 'da̧batö juno̧ma, Okobe Jwiinö Juluwo̧ Diosda, ja̧danö jejenö öwaisachibenanö kabatö kwabe'do Nabucodonosorma tebonö ju̧kwadö tjö̧jidanö ö̧jinobe.