Diosnö ösödo̧ Job mikwo̧ usula emawina jawa 30:15 - Dios Iwene

¹⁵ jwiinö yetaibanö sulabenö ja̧badö. Jau, ajayinö jojodö otiwanö ötjönö tjomukwatinama, jwa̧lȩ'epjo e'ewö loinobedanö ichejekwa, jadanö ojwiyo'wo juluwanö jwiibi̧danö, nöinö chujuna̧linama juluwanö jwiibinobe, isabenö usula emawö jo̧sa, ¡ötjöwe!

Diosnö ösödo̧ Job mikwo̧ usula emawina jawa 30:15 Referans Kwoze

Isaías 44:22

Isabenö kwö̧jibaduwinö pjabato̧sa chömöledö, sulabenö weti̧ a̧ja̧kwökönö kwö̧jaduwinajayonö, kwusuladuwima söbebö lotajabe. Sulabenö ja̧bajadö wene kwujuna̧laduwima, jwa̧le'epjo ojwiyo'wo, yȩa'wo jelobekwö e'ewibi̧danö söbebö lotajabe. Isabenö ötjökwö ja̧nö tjekachaduwo chömöledö, isabenö ökwödönö tjöbeba̧lö chö̧jobetjö̧, jö̧ba̧lö laebobe Dios yöa̧li̧ma.

Diosnö ösödo̧ Job mikwo̧ usula emawina jawa 6:4

—Jau, wene chujuna̧li̧ma, baikwö wanedö yötawa, Okobe Jwiinö Juluwo̧ Diosma ötjönö 'böajobedanö ichejekwa, niekwa madeba ji̧ na̧yunö, ja̧danö ja̧ niekwa madebama cho̧'wo luwo̧nö teachajabe ichejekwa. Ölakwabikwawadö metji̧botö jö̧ba̧lö badekwanö tjö̧jamati̧danö, inesö labi̧ jawa chöba a'o i̧sȩbajabe Diosma, jwiinö yetaibanö, isabenö Diostjö wene juna̧lo̧sa ötjöma, ¡ötjöwe!

Diosnö ösödo̧ Job mikwo̧ usula emawina jawa 31:23

Jo̧kwaijayonö, Diosnö yetabobetjö̧ jejenö ja̧binö̧kö̧sa chömöledö. Jau chömöledö, Dios inesö ujulu edö, chujulu jwibö yetabijatö, ja̧danö yebabinö ja̧nö, jejenö ja̧tijökötö, –Dios labinö lȩebapji, –jö̧ba̧lö.

Diosnö ösödo̧ Job mikwo̧ usula emawina jawa 10:16

—Chuluwo̧ Dios, tabakwö jo̧sa. Tabakwökönö ja̧nö, isabenö sulabenö ja̧binö̧kö̧sa jö̧ba̧lö chö̧jitjö̧ma, didiba lui̧danö lubo̧ja ötjönö chuluwo̧, ja̧danö ökwöda inesö kwujulunö, labinö lȩbebo̧ja ötjönö.

Diosnö ösödo̧ Job mikwo̧ usula emawina jawa 7:14

waekwobe. Bö̧ti̧ söinö chabobö jö̧ta̧lijayonö, yetaibanö chi̧'wi̧dikwobö webo̧ja, chi̧'wi̧didanö edö, jwiinö yetaibobö webo̧ja chuluwo̧, bakobenö mölebi, yö̧tebi usula chemawinö.

Diosnö ösödo̧ Job mikwo̧ usula emawina jawa 7:9

Ökwödö woba jojodöma ojwiyo'wodanö ichejekwadösa. Ojwiyo'wo jwiamachibi̧danö, deinö babibadösa. Jau, ö'wö badibaja̧ ikenama, la'akatjöda tjebachajöködösa,

Diosnö ösödo̧ Job mikwo̧ usula emawina jawa 3:25

Jau, yetabina jawama ötjönö baledajabe, inesö yebabinö chomukwatinama usula chemawinö baledobe.

Diosnö ösödo̧ Job mikwo̧ usula emawina jawa 30:14

—Ötjönö mebibö tjujuluwi̧ma, baikwö wanedö yötawa: Tjöekwemi 'dobö lobajadö, tebachö ötjönö metjibobedanö ichejekwa,