Diosnö ösödo̧ Job mikwo̧ usula emawina jawa 29:16 - Dios Iwene

¹⁶ Jwibadö tjabe'dodanö chichejekwijatö, otiwanö jobadönö pjatatobetjö̧, ja̧danö jojodö lȩekwa luwedö tjöba a'o tjichibenabi, otiwanö pjatatijatö. Jau, jelobetjö ichajadö, wajwitawö̧nöbi pjatatotö jö̧ba̧lö, otiwanö chöwaisachibobö chisakwijatö, lȩekwa otiwanö jweinö yötawakobetjö̧.

Diosnö ösödo̧ Job mikwo̧ usula emawina jawa 29:16 Referans Kwoze

Proverbios 29:7

Ju'wibi yötawa: Jweinö omukwato̧ma jwibadönö edö omukwatobe, idöbi wene tju̧juna̧lakwawitjö̧ma lȩekwa yöbawo̧nö yötjawobö jo̧be, balada jwiijayonö. Ju'wedönö, balada juna̧la̧dönö tjedi̧danö bakwemiinö tjedobö jo̧be. Jo̧kwaijayonö sulabenö omukwato̧ma jwibadönöma balada juna̧la̧dönö bakwemiinö omukwatokobe. Ja̧danö, jwibadöbi wene tju̧juna̧lakwawitjö̧ma lȩekwa yöbawo̧nö yötjawobö jo̧be jö̧ba̧lö la'akatjöda omukwatokobe.

Proverbios 25:2

Dios omukwati̧ma jojodönöma waiyobe, wajwibadö. Ja̧danö okobe jwiinö tjöwaisobö labebö lobö̧kö̧ Diosma jojodönöma. Jobekwö jojodö wajwitji̧ jawa öwaisobetjö̧ Diosnö ösödö yötja̧lobe, inesö waiso̧, jö̧ba̧lö. Ja̧danö, bö̧jenö inesö la'aka luwedöma nöinö waisadö. Jobadöma, nöinö tjöwaisi̧tjö jojodönö labebö lobö yöbawadö. Jo̧kwaobetjö̧ inesö la'aka luwedönö yötja̧lobe, waisadö, jö̧ba̧lö.

Diosnö ösödo̧ Job mikwo̧ usula emawina jawa 31:18

—Jo̧kwaijayonö jejenö ja̧bö ji̧nö̧kö̧sa la'akatjöda chömöledö, ba̧kwelöjatebö tjemubayo̧ chö̧jelö baikwö bajalenö, ba̧kwelöjatebö jobadöjayedönö pjabato̧sa. Isabenö ba̧kwelöjatebö löyödönö pjabatinasa̧, tjabe'dodanöbo̧sa jö̧ba̧lö, jadanö chojo'do jeminelö baikwö bajalenö ba̧kwelöjatebö pjabatiachijatö tjilekwamunö wobekwinadönö.

Diosnö ösödo̧ Job mikwo̧ usula emawina jawa 24:4

Ja̧danö usulasedönö pjatjato jö̧tja̧lijayonö, pjabatökönö manatjö a'dewö lobadö, okobe deinö usulasedö bakobe tju̧ju̧kwawenanö baibanö.

Efesios 5:1

Jo̧kwaobetjö̧ chömöledö, Dios ösödawö̧ i̧tji̧mu bakibinaduwobetjö̧ jo̧badanö ja̧duwi.

Deuteronomio 13:14

Jejenö kwa̧ja̧kwaduwitjö̧ma, jweinö abebö a̧ja̧kwö kwisakwaduwo, isabenö yötja̧laja̧danö sulabenö ju'wedö tjösödadawö̧nö ösödö tjö̧jojobö jö̧ba̧lö. Ja̧danö, teada̧lönö abebö a̧ja̧kwajadö, –Jau, isabenö inesö suli̧ jawa ja̧bö, ju'wedö tjösödawö̧nö tjösödobe, –jö̧ba̧lö kwöbadekwaduwitjö̧ma,

Éxodo 18:26

'Da̧batö ujunajawö̧ma ba̧kwelöjatebö wene juna̧ladö yötja̧lakwawi̧ a̧ja̧kwö omukwatö junadijadötö, diteda jweinö omukwatojobö, diteda ö'öbönö omukwatojobö, jö̧ba̧lö. Ja̧danö, jwiinö waiyi̧ wene tjujuna̧li̧ma Moisesda a̧ja̧kwobö abebijadötö, jo̧bada omukwatö junö. Jo̧kwaijayonö waiyökö wene jawama idödada omukwatö junijadötö.

Santiago 1:27

Ja̧danö, Dios, ökwödö Dabe'do Diosma ¿dakwö yöawobeda, Biya̧ ötjönö inesö kwösödaduwi̧ kwi̧sekwaduwi̧ma, jö̧ba̧lö? Biya̧ chö̧ja̧wo̧dö, Diosnö jwiinö inesö dösödi̧ma: Usulasedönö, tjabe'do tjojo'do debadönöbi, tjilekwe wotjinawö̧nöbi pjadatobö jo̧be, usula tjemawena. Ju'wi jawabi chö̧ja̧wo̧dö, biya̧: Böjȩnö ju̧kwadö sulabenö ja̧tji̧tjö 'da̧bachibö dö̧jobö jo̧be, ja̧ suli̧kwö pjabacha̧lökönö. Jejenö kwö̧jaduwo chö̧ja̧wo̧dö, Dios kwö̧jaduwobö ösödi̧danö, jo̧ba iwene ösödinö a̧ja̧kwö.

Diosnö ösödo̧ Job mikwo̧ usula emawina jawa 4:3

—Baikwö yötawakwö Job, ökwöma isabenö ba̧jȩkwadö jojodönö ba̧ja̧dö yöbawinaja, ja̧danö ba̧jȩkwadö me'dawadönö tjujuluwachibanö pjabatinaja.

Isaías 22:21

Ökwö o̧do la'aka luwo̧ kwökamisi, jo̧banöda 'dutatocha, jadanö kwitea koleasö̧jȩ jo̧banöda 'dutatocha, ja̧danö ökwö o̧do la'aka luwo̧ kwö̧ja̧ja̧ma, jo̧bada la'aka luwo̧ baibobö chujunakwo̧sa. Ja̧danö jo̧ba Eliaquinda Jerusalennö ju̧kwadöbi, ju'wedö Judasaso jojodöbi tjabe'dodanö babibö, jobadönö iteada̧lakwo̧.

Génesis 39:19

Ja̧danö Potifarma, ilekwo yöjawi̧, Kwömöayo̧ma sulabenö ja̧atö ötjönöma, jö̧ba̧lö, yöjawi̧ a̧ja̧kwö jwiinö labijetö Josénöma.

2 Samuel 14:8

Ajebökwe, la'aka luwo̧ Davidma atadinobe, —Jau, pjatatocha. Kwejube daji̧, ja̧danö weawa wetocha, jo̧banö kwabö lotjapji jö̧ba̧lö.

Diosnö ösödo̧ Job mikwo̧ usula emawina jawa 30:25

Ötjöbi ja̧danö chuluwo̧, usulasedönö chedenema, jobadönö suli̧ waedökönö, cho̧'wo tjo̧achö chubudekwijatö jobadönö, ja̧danö jwibadö jwibö tjö̧ji̧ edö, cho̧'wo tjo̧achö lȩlöjinö chedijatö jobadönö.

Diosnö ösödo̧ Job mikwo̧ usula emawina jawa 31:31

—Isabenö otiwanö pjabato̧sa jojodönö chömöledö. Isabenö sulabenö pjabatökönö chöjinatjö̧ma, chömöayedöma yötjawobö jȩna, –Sulabenö pjabatö̧kö̧ Jobma, –jö̧ba̧lö. Jo̧kwaijayonö otiwanö pjatatinada edinadö chömöayedöma, ja̧danö yötjawobö jo̧be, –Dululuwo̧ Jobma isabenö otiwanö jojodönö pjabatö jo̧, –jö̧ba̧lö. Jau, jelobetjö ichajadö chejube tjichibenama, la'akatjöda a̧petutjöda tjabobö webö̧kö̧sa, ba̧kwelöjatebö jobadönö tebato̧sa, chejunö otiwanö tjabobö. Ja̧danö la'akatjöda chu̧kwa kwakwawa a̧'dȩlö̧kö̧sa, okobe deinö jojodönö a̧'dȩlökönö iyo̧sa, otiwanö tjukwobö, chömöayedöbi ja̧ wene edö waisadö chömöledö.