Diosnö ösödo̧ Job mikwo̧ usula emawina jawa 28:21 - Dios Iwene

²¹ Okobe deinö 'yaba̧ladö tjisakwemi, öwawökö, tjedapji jö̧ba̧lö Dios tojö ujuninobetjö̧, ja̧danö pji̧yu̧bi tjedapji jö̧ba̧lö, tojö ujuninobe.

Diosnö ösödo̧ Job mikwo̧ usula emawina jawa 28:21 Referans Kwoze

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Colosenses 2:3

Jo̧ba Cristoda okobe jwiinö jojodö ajayinö wajwitjina jawa waiso̧ma, jo̧batjö waisanö omukwatakwawabi, ja̧danö waisakwawabi döwaisachibo jö̧ba̧lö.

Mateo 13:35

Jejenö yöawi̧ma, Dios yöawi̧ yöbawina iwȩyudinadanö badekwachinobe, baikwö laebobe iwȩyudinama: Jojodönö yötawenama, wanedö yötawocha jobadönö, ja̧danö Dios böjȩ otidinobekwö baikwö bajalenö jojodö la'akatjöda wajwitjina jawa jobadönö yötawocha, jö̧ba̧lö laebobe.

Mateo 13:17

Isabenö yötawaduwakwö chömöledö, Dios yöawi̧ yöbawinadö ja̧danö ju'wedö Dios ömöledöma ökwödö kwedaduwobedanö tjedobö nöinö tjösödinobe, ja̧danö ökwödö kwa̧ja̧kwaduwi̧danö tja̧ja̧kwobö nöinö tjösödinobe, jo̧kwaijayonö tjedobö ja̧danö tja̧ja̧kwobö jwiinobe, damötjö debö tji̧'yinobetjö̧— jö̧ba̧lö yöawinobe.

Diosnö ösödo̧ Job mikwo̧ usula emawina jawa 28:20

—Jo̧kwajabetjö̧ chömöledö, isabenö waisanö omukwatakwawama, delö ichobeda? Okwa jawa waisachibakwawelöma, delöda?

Diosnö ösödo̧ Job mikwo̧ usula emawina jawa 28:22

Debö 'yi̧nadö tju̧ju̧kwemi ju̧kwadöbi wajwibadö, delö ichobejö jö̧ba̧lö, –Ja'yubenö yötja̧li̧ da̧ja̧kwinajayonö, isabenö waisanö omukwatakwawa la'akama wajwibadösa, –jö̧ba̧lö yöba̧ladö, debö 'yi̧nadö tju̧ju̧kwemi ju̧kwadöma.