Diosnö ösödo̧ Job mikwo̧ usula emawina jawa 27:9 - Dios Iwene

⁹ –Ötjöwe, wene baledi̧tjö, pjabatitjö, –Jwötjeba̧liökwe, Dios a̧ja̧kwö pjaatenaji̧? Kwöwaisaduwa, ja̧maökö.

Diosnö ösödo̧ Job mikwo̧ usula emawina jawa 27:9 Referans Kwoze

Isaías 1:15

Jo̧kwajabetjö̧, ötjönö abebö kwa̧ja̧kwaduwakobetjö̧, kwömamijuduwi kabebö dekataduwenama, jalachibö jelobekwö edo̧sa, ja̧danö nöinö abeba̧lö ötjönö akebaduwenama, a̧ja̧kwö̧kö̧sa, jojodönö sulabenö kwabö lobajadö, kwömamuduwi̧ tjökwösobu 'yoliwinö kwö̧jaduwobetjö̧.

Proverbios 1:28

Ja̧danö, ja̧ labi jawa ökwödönö ichena yebaibö ötjönö jwökeba̧laduwakobe, ökwödönö pjabati, jö̧ba̧lö. Jobekwö jwökeba̧la̧duwijayonö la'akatjöda cha̧ja̧kwökakobe. Ja̧danö, ötjönö kwisakwaduwijayonö kwöbadekwajaduwökakobe ötjönöma— jobekwö yöbawö jwöbuju, jweinö omukwatö ja̧kwawa wanekwachujuma.

Santiago 4:3

Ja̧danö, Diosnö akebaduwenabi kwujuna̧laduwobö badekwachokobe chö̧ja̧wo̧dö, jweinö omukwatö akebaduwokobetjö̧. Isabenö, ökwödöma ökwödö böjȩ jawa kwösödaduwi̧da omukwatö akebaduwobe. Jo̧kwaobetjö̧ Diosnö akebaduwijayonö kwujuna̧laduwokobe, jelobekwö omukwatö akebaduwobetjö̧, böjȩ jawa kwösödaduwi̧da kwujuna̧laduwobö.

Juan 9:31

Ökwödöma döwaisa, sulabenö omukwatö jo̧ aebi̧ma a̧ja̧kwokobe Diosma. Jo̧kwaijayonö, bakwo̧, Diosnö ösödo̧, Dios wei̧ a̧ja̧kwö jo̧ aebi̧ma a̧ja̧kwobe Diosma.

Lucas 13:25

Eju luwo̧ a̧laibö apjude utumataja̧ ikenama, teachakwawa jwiakobe. Jau chömöledö, ida̧ökö jeju okwa kwö̧jaduwökötjö̧ma, apjude a̧petukwöchobe ja̧nö jwökeba̧laduwena: Duluwo̧, apjude po̧bebi tedachobö, jö̧ba̧lö. Jo̧kwaijayonö okwatjö atadena: Ökwödönö wajwitawö̧ja, detjö ichadöjö, jö̧ba̧lö, ökwödönö atadena, apjude po̧bebö tetatökö ökwödönö, jö̧ba̧lö.

Proverbios 28:9

Ja̧danö, ju'wibi yötawa: Bakwo̧ Dios wei̧ a̧ja̧kwökötjö̧ma Diosnö aeba̧li̧bi jwiinö öpöjödobe Diosma, omewi̧ jö̧ba̧lö.

Deuteronomio 1:45

—Ikenama tjujuluwiawö̧, ökwödöma ȩwa̧bijö Isabenö Jo̧ ö̧jobekwö ichibö kwubudekwinaduwobe, ökwödönö pjaatobö. Jo̧kwaijayonö jejenö kwubudekwinaduwajayonö, a̧ja̧kwinokobe Isabenö Jo̧ma, ja̧danö pjaatobö öpöjödinobe, –Bidöma weti̧ a̧ja̧kwöködö, –jö̧ba̧lö.

Proverbios 1:27

Ina yöbawuju: —Ja̧danö, jwiinö yekabiduwi̧ jawa ökwödönö jwiinö labi̧ jawa baledakobe, usula kwemawaduwinö, ojwiyo nöobu o̧bobe labinö jwa̧lȩ'ȩwi̧danö. Ja̧danö, jwa̧lȩ'epjo labinö jwalȩ'ȩwö ichi̧danö ökwödönö labi̧ jawa ichakobe usula kwemawaduwinö. Jobekwö balediawö̧ kwo̧'wo̧duwi̧ tjo̧bekwibö kwö̧jaduwakwedöja ¡ayö ökwödöwe! jö̧ba̧lö —yöbawuju—.