Diosnö ösödo̧ Job mikwo̧ usula emawina jawa 27:8 - Dios Iwene

⁸ Jau chömöledö, Dios jo̧banö öpöjödadönö lȩbebö, jobadötjö ja̧kwawa 'döebenama, –Tupakwö otiwanö dö̧jakwedösa, –jö̧ba̧lö ösödö tjiteada̧lobö jȩnaji̧?

Diosnö ösödo̧ Job mikwo̧ usula emawina jawa 27:8 Referans Kwoze

Mateo 16:26

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.

Diosnö ösödo̧ Job mikwo̧ usula emawina jawa 11:20

Jejenö baledakobe Job, yötawaja̧ otiwanö kwa̧ja̧kwitjö̧ma, jo̧kwaijayonö jejenö baledökakobe, sulabedönöma. Jobadöma tjöbajale tjewawadö batjibanö tjö̧jakwedö, ja̧danö Dios lȩebi̧tjö tjö̧jibobö jwitjakwedö. Jobadöma jwiinö usula tjemawakwedö, –Ökwödöwe, debö di̧'yobe, –jö̧ba̧lö omukwatö tjö̧jenanö, —jö̧ba̧lö yöa̧linobe Zofarma.

Diosnö ösödo̧ Job mikwo̧ usula emawina jawa 8:13

Jobekwö baledobe okobe deinö Diosnö tjo̧'wo jwibibadönöma Job. Jau, ja̧ pokwi̧ baledi̧danö baledakobe Diosnö öpöjödadönö, –Otiwanö dö̧jakwedösa, –jö̧ba̧lö tjomukwatemi ja'ötjö, waekwakobe, debö tji̧'yakobe.

Lucas 9:25

Jau chömöledö, isabenö o̧penönö mikwawobe isabenö ja̧kwawa isakwö chökömanö kwichaduwobö. Baikwö yötawa: Bakwo̧ okobe jwiinö böjȩ jawa juna̧lo̧ woitjö̧ma, okobe jwiinö böjȩ jawa ujuna̧li̧ma ba̧kwȩlö̧jatebö ja̧kwawa ujuna̧lobö ¿pjaatenaji̧? Pjaatokobe, ¿jö̧tö? Jo̧kwajabetjö̧ isabenö mikwawobe chökömanö kwichaduwobö chömöledö, böjȩtjö debö kwi̧'yaduwijayonö isabenö ja̧kwawa kwujuna̧laduwakobetjö̧.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Diosnö ösödo̧ Job mikwo̧ usula emawina jawa 31:3

Dios wei̧ a̧ja̧kwöködöma, suli̧ waekwi̧ jawa emadö, sulabenö ja̧badöma söbebö loawa jawada emadö, jö̧tö. Ja̧ jawa chemapji jö̧ba̧lö, otiwanö Dios wei̧ a̧ja̧kwö chö̧jijatö.

Diosnö ösödo̧ Job mikwo̧ usula emawina jawa 15:34

—Jau Job, isabenö tjöwaekwakwedö Diosnö öpöjödadöma. Jobadöma tji̧tji̧mu tupadanö jojodö ina deayi debö tji̧'yakwedö. Ja̧danö ju'wibi, ju'wedö sulabenö ja̧tjobö tjimidawö̧, tjimidi̧ balada emö sulabenö ja̧tjobö ösödadöma, ajayinö nöinö tjujuna̧lakobe, jo̧kwaijayonö waekwakobe tupakwöma, tjejubiya jwiinö ubakobe.

Diosnö ösödo̧ Job mikwo̧ usula emawina jawa 13:16

Sulabedö Diosnö öpöjödadöma la'akatjöda Dios öba a'o tjichiboböma jö̧ba̧löködö, ja̧danö sulabo̧ chö̧jitjö̧ma, jo̧ba öba a'o ichibö yöta̧lakwawobö chöpöjödena. Jo̧kwaijayonö jejenöbö̧kö̧sa ötjöma, jo̧kwajabetjö̧ chedemi Dios öba a'o ichibö, labebö lobö yöta̧liökwe, isabenö chö̧jibinö pjaatena, —jö̧ba̧lö atadinobe Jobma, ömöledönö.

Juan 9:31

Ökwödöma döwaisa, sulabenö omukwatö jo̧ aebi̧ma a̧ja̧kwokobe Diosma. Jo̧kwaijayonö, bakwo̧, Diosnö ösödo̧, Dios wei̧ a̧ja̧kwö jo̧ aebi̧ma a̧ja̧kwobe Diosma.

Deuteronomio 1:45

—Ikenama tjujuluwiawö̧, ökwödöma ȩwa̧bijö Isabenö Jo̧ ö̧jobekwö ichibö kwubudekwinaduwobe, ökwödönö pjaatobö. Jo̧kwaijayonö jejenö kwubudekwinaduwajayonö, a̧ja̧kwinokobe Isabenö Jo̧ma, ja̧danö pjaatobö öpöjödinobe, –Bidöma weti̧ a̧ja̧kwöködö, –jö̧ba̧lö.

Diosnö ösödo̧ Job mikwo̧ usula emawina jawa 12:10

Jau chömöledö, Diosda okobe deinö bö̧jȩnö ju̧kwadö tjö̧ji̧ jawa webo̧, jo̧bada okobe deinö jojodönö iyo̧, tjo̧'wo emapjo tjemakobetjö̧, jö̧tö? Ja̧danö öwawinö öwawobe, ötjönö baledi̧ma Diosda weobetjö, baledökwesa, jö̧ba̧lö.

Diosnö ösödo̧ Job mikwo̧ usula emawina jawa 27:7

—Chöpöjojodönö baikwö yöta̧la, ju'wedö sulabedönö lȩebi̧danö, chöpöjojodönöbi Dios lȩebobö chösöda. Iteda wei̧ a̧ja̧kwöködönö lȩebi̧danö, ötjönö metjibotö jö̧ba̧lö a̧la̧ibadönö lȩebobö chösöda.

1 Samuel 8:18

Jau chömöledö, jejenö ökwödönö weakobe kwuluwo̧duwi ö̧jakwo̧ ökwödöda omudawö kwujunaduwakwo̧ma, isabenö nöinö usula kwemawaduwinö weakobe, usula emawö kwubudekwaduwenanö baibanö. Ja̧danö, usula emawö, Isabenö Jo̧nö budekwö akebaduwakwedöja, pjaatobö. Jo̧kwaijayonö budekwö akebaduwijayonö a̧ja̧kwökakwo̧ Isabenö Jo̧ma, ja̧danö usula kwemawaduwi̧tjö kwö̧jibaduwinöma pjaatökakwo̧, —jö̧ba̧lö yöawinobe Samuelma, israel jojodö inesö la'aka tjuluwo̧nö ujunobö abebadönöma.