Diosnö ösödo̧ Job mikwo̧ usula emawina jawa 27:19 - Dios Iwene

¹⁹ Jo̧kwajabetjö̧, nöinö juna̧lo̧ abobö öbamatijayonö, a̧la̧ibenama ida̧ökö jwibo̧ baibajabe sulabo̧ma, yȩayi wiluenama, nöinö ujuna̧linama ida̧ökö jwiinö baibajabe.

Diosnö ösödo̧ Job mikwo̧ usula emawina jawa 27:19 Referans Kwoze

Diosnö ösödo̧ Job mikwo̧ usula emawina jawa 24:24

—Ja̧danö ajayinöma ja'yubenö lekwe juluwadö batjibanö katjekwinajayonö, o̧bukwobeda lekwajabetjö debö tji̧'yakwedö. Jobadönö meatö loakwo̧ Diosma, ju'wedö mikwawöködödanö batjibanö, ja̧danö wanedö yötawa, trigosacho 'witji̧danö, jo̧badönö ko̧ko̧dibö 'wibö loakobe.

Mateo 23:37

Jesúsma Jerusalénnö ju̧kwadönö o̧'wo̧ tjo̧achö yöa̧linobe: —Ökwödö Jerusalénnö ju̧kwadöwe. Ökwödöma Dios yöawi̧ yöbawadönö kwabawö lobadöja, ja̧danö ökwödönö yötjawobö Dios weawö̧nö inawiya ikwawö lobadöja. Isabenö nöinö ökwödönö wo̧batö chite'ada̧lobö chösödijatö, akalasuju ji̧tji̧munö jo̧wa̧ja̧pa̧ teebe ko̧ko̧dö junö jite'ada̧li̧danö, jo̧kwaijayonö kwöpöjödaduwobe.

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Diosnö ösödo̧ Job mikwo̧ usula emawina jawa 30:23

Chöwaisa chuluwo̧, juluwanö ö'wö batibobö weköbakwo̧ja chuluwo̧, okobe deinö 'yaba̧ladö bajalianö ö'wö batjibi̧danö, juluwanö ö'wö batibobö weköbakwo̧ja.

Diosnö ösödo̧ Job mikwo̧ usula emawina jawa 21:30

Tjedaja̧ baikwö yöbawadö, –Nöinö wene baledenama, sulabedöma wenetjö ji̧badö, Dios dameakwö lȩebenama, wene jwiinö Dios lȩebi̧tjö döbibajadö, –jö̧ba̧lö yötjawobe.

Diosnö ösödo̧ Job mikwo̧ usula emawina jawa 14:10

Jo̧kwaijayonö jejenöböködösa ökwödö bö̧je jojodöma. Ökwödöma waekwö, do̧'wo emökönö ö'wö badibenama, bakobenö debö 'ya̧dösa ökwödö bö̧je jojodöma.

Diosnö ösödo̧ Job mikwo̧ usula emawina jawa 8:22

Kwösödiökwe, jejenö pjaatakwo̧ ökwönö Job, ja̧danö ökwönö pjaatonö, ökwönö öpöjödadö taba lö̧jinö tjö̧jobö weakwo̧. Jau Job, ökwönö pjaatakobe Diosma, jo̧kwaijayonö sulabedönö söbebö loakobe, tjö̧jemi jwiinö baibanö, —jö̧ba̧lö yöa̧linobe Bildadma, Jobnö.

Diosnö ösödo̧ Job mikwo̧ usula emawina jawa 7:8

Jau chuluwo̧, juluwanö debö chi̧'yakwo̧sa, babe möle ötjönö kwedijayonö, itekwayi detakwo̧sa. Itekwayi ötjönö kwedobö kwisakwenama, ida̧ökö debö chö̧ja̧kwo̧sa, juluwanö ö'wö batibakobetjö̧.

Génesis 49:10

Ina yöbawijetö: —Isabenö yötawa, Judá: Ökwötjö tupadanö jojodöma ba̧kwȩlöjatebö la'aka luwedö webö tjuju̧kwakwedö. Jejenö webö tjö̧bakobe bakwo̧, inesö la'aka luwo̧ ichenanö kabatö. Jo̧ba inesö la'aka luwo̧ma okobe deinö jojodö tjuluwo̧ ö̧jakwo̧— yöbawijetö Jacobma itji̧ Judánöma.

Diosnö ösödo̧ Job mikwo̧ usula emawina jawa 7:21

Isabenö sulabenö ja̧tinatjö̧ma, ötjönö lȩlöjinö kwedobö jwiobeji̧? Sulabenö ja̧tina söbebö loköbobö jwiobeji̧? Jau chuluwo̧, juluwanö ö'wö babibö, wobiakonö chö̧jakwo̧sa, ja̧danö ötjönö kwisakwenama, detocha, ida̧ökö debö chi̧'yajobetjö, jo̧kwajabetjö̧ lȩlöjinö ötjönö kwedobö atebakwö chuluwo̧, —jö̧ba̧lö yöa̧linobe Jobma.

Proverbios 23:4

Jemi ikena jweinö omukwatadö yötjawinama baikwö laebobe: Isabenö yötawakwö: Balada nöinö kwemobö kwösödobetjö̧ nöinö, ö'wachökönö kwotidena ¿jö̧tö̧? Jwebebö yötawakwö: Jobekwö balada nöinö kwujuna̧lobö ö'wachökönö kwotidoko kwime'dawachibapji jö̧ba̧lö. Jweinö kwomukwato, ö'wachökönö kwotidoböma kakatibo.

Proverbios 23:5

Isabenö yötawa: Ja̧ baladama juluwanö 'dö̧ibaji̧ jawa. Wanedö yötawakwö: Kwu̧kwa̧ baladama, pjiyuwa köa̧li̧danö o̧wa̧ja̧pa̧ juluwanö pokwibö jelobekwö köa̧li̧. Jao, juluwanö 'dö̧ibaji jawa. Ja̧danö, kwujuna̧li̧ baladadama juluwanö 'dö̧ibaji̧ jawaobetjö̧ kwemobö ö'wachökönö kwotidoko.