Diosnö ösödo̧ Job mikwo̧ usula emawina jawa 27:16 - Dios Iwene

¹⁶ —Ja̧danö sulabo̧ma nijiso̧pja ba̧jȩkwi̧danö nöinö plata jawa emijayonö, ja̧danö lete'o ba̧jȩkwi̧danö mö japopo baibanö nöinö kamijisi emijayonö,

Diosnö ösödo̧ Job mikwo̧ usula emawina jawa 27:16 Referans Kwoze

Mateo 6:19

Tupakwö yöawinobe Jesúsma: —Chömöledö, nöinö mikwawi̧ jawa ko̧ko̧dö junökönaduwi böjȩtjöma. Jau chömöledö, böjȩtjöma, pjȩlȩbö̧ma nöinö mikwawi̧ jawa suli̧ tjöwaedobe, ja̧danö duwetjekwachö suli̧ waekwobe nöinö mikwawi̧ jawama, ja̧danö naukwabidö sobö tebachö tjönaukwobe.

Santiago 5:2

Wanedö yötawaduwakwö: Batjo junawa 'wibö kwujuninaduwi̧ma ida̧ökö 'dolobö loajabe. Ja̧danö, kwu̧kwaduwi̧ kamisibi̧, nöinö mikwawi̧ kwujuna̧linaduwi̧ma ida̧ökö pjȩlȩbö̧ tjukwajabe.

Diosnö ösödo̧ Job mikwo̧ usula emawina jawa 22:24

—Jwaikwöda Okobe Jwiinö Juluwo̧ Diosnöda kwösödo, –Orotjöbi, platatjöbi bajalekwönönö mikwawo̧ jo̧bada, –jö̧ba̧lö. Jau Job, babe kwösödi̧ oro kwujuna̧li̧ma, nijiso̧pjanö ikwö loköbo, ja̧danö inesö otiwi̧ Ofirtjö emawa oroma, ojwe ö'öbö inawiya jȩna ikwö loköbo, –Diosnöda chösödobö jo̧be, –jö̧ba̧lö.

1 Reyes 10:27

Ja̧ möle la'aka luwo̧ Salomonma yelösöda nöinö plata ichejebinobe, ja̧danö nöinö ichejebinobetjö̧, inawiya ba̧jȩkwi̧danö ba̧jȩkwinobe platama, platama ile seinö baibenanö kabatö. Ja̧danö ju'wibi, jwiinö nöinö cedro towi okwi'iju jelobetjö ichejebinobetjö̧, a̧dekwanö Juda niji ba̧ba̧lawobe pokwi̧ sicamoro towi okwi'iju ba̧jȩkwi̧danö, cedro okwi'ijubi ba̧jȩkwachibanö ichejebinobe. Ja̧ jawa nöinö mikwawijayonö, nöinö mikwawökö ji̧danö ichejekwinobe, Salomonma isabenö nöinö ujuna̧linobetjö̧.

Diosnö ösödo̧ Job mikwo̧ usula emawina jawa 3:15

Ja̧danö ö'wö batibinatjö̧ma, luwedö, tjejunö nöinö orobi platabi ju̧na̧linadökwö, chabo jö̧ta̧lena, wene jwiinö.

Diosnö ösödo̧ Job mikwo̧ usula emawina jawa 15:29

Ajayinö nöinö tjujuna̧linajayonö, 'dö̧ibakobe, ajayinö tjitebo ba̧kwemeachibanö tjitea tjujuna̧linajayonö, jwibadö batjibakwedö.

Diosnö ösödo̧ Job mikwo̧ usula emawina jawa 20:10

Ju'wibi, ajayinö jwibadötjö önaukwinobetjö̧, iteda itji̧muma jwibö tjö̧jakwedö. Ajayinö tjabe'do iteatjö nöinö tjujuna̧lijayonö, jwibadönö tjiyobö ja̧kobe, tjabe'do nöinö ujuna̧lina jawa jwibadönö tjetjatajobö ja̧kobe, sulabo̧ itji̧muma.

Diosnö ösödo̧ Job mikwo̧ usula emawina jawa 27:15

Ja̧danö jo̧ba itji̧mutjö kwabö lotjököwö̧, ja̧danö a̧wi̧chi̧tjö ji̧badöma, inesö tjö'wöchi̧tjö debö tji̧'yakwedö, ja̧danö debö tji̧'yiawö, tjilekwamu wobekwö tjujunibawö̧ma, tjubudekwökakwedö, –Otiwanö debö tji̧'yajabe, –jö̧ba̧lö.

Diosnö ösödo̧ Job mikwo̧ usula emawina jawa 27:17

waekwakobe, emina jawama iteda ömöledöma tjujuna̧lökakwedö. Jau, iteda emina kamijisima, Dios wei̧ a̧ja̧kwadöda 'dutjawakwedö, ja̧danö wene jwibadöda, ujuna̧lina plata jawa 'da̧'yö tjemakwedö.

Proverbios 13:22

Ja̧danö, ju'wibi yötawa: Otiwanö omukwato̧ma debö i̧'yakwa̧ abönö balada ujunibakwa̧ yöbawo̧, ö'dö̧dö tjȩmakwa̧ baladama. Jobekwömakö sulabenö omukwato̧ baladama. Sulabenö omukwato̧ma debö i̧'yaja̧ ikena jo̧ba u̧kwa baladama Dios wei̧ a̧ja̧kwadöda emibadö.