Diosnö ösödo̧ Job mikwo̧ usula emawina jawa 23:3 - Dios Iwene

³ —Ötjöwe! Dios ö̧jemi chöwaisitjö̧ma, ja̧danö jo̧ba öba a'o chichibobö ji̧tjö̧ma, otiwo jö̧a̧lena, baikwö yöta̧la:

Diosnö ösödo̧ Job mikwo̧ usula emawina jawa 23:3 Referans Kwoze

Diosnö ösödo̧ Job mikwo̧ usula emawina jawa 16:21

chö̧ji̧ waiso̧ yöbawo̧ma Dios öba a'o yöawakobetjö̧. Jau, bakwo ömöledöso̧kwö wene ujuna̧lena, baledina waiso̧ lȩekwa luwo̧ öba a'o yöbawö, pjabato̧, –Bitema sulabenö ja̧bi̧nö̧kö̧, –jö̧ba̧lö edina yöbawö, jö̧tö? Jo̧ba pjaati̧danö, ötjö chö̧ji̧ waiso̧ Dios öba a'o yöbawö pjaatobö ateba.

Diosnö ösödo̧ Job mikwo̧ usula emawina jawa 13:3

Ötjö chösödi̧ma, baikwö yötawaduwakwö chömöledö, ötjöma Okobe Jwiinö Juluwo̧ Dioskwö yöta̧lakwawobö chösöda, jo̧bakwöda yöba̧lakwawö, jo̧banö yöta̧lobö jö̧ta̧la, –Chuluwo̧, isabenö kwöpöjödi̧nö ja̧binö̧kö̧sa, –jö̧ba̧lö.

Hebreos 4:6

Chömöledö, Dios yöbawö ujuninama babebi badekwachobetjö̧ jojodötjö ju'wedöma Dioskwö ö'wachö tjöbamatobe. Jo̧kwaijayonö da'dödömine, Dios iwene, otiwi̧ jawa wene waisinadöma, ja̧ iwene öpöjödö tja̧ja̧kwokobetjö̧ Dioskwö tjo̧'wo̧ luwo̧nö ö'wachö tjöbamatinokobe.

Isaías 26:8

Duluwo̧ Isabenö Jo̧, lȩekwa yökawakwa̧ teada̧ladösa, weköbi̧ a̧ja̧kwö, do̧'wo wana̧lö teada̧ladösa, —Duluwo̧ Diosma lȩekwa jweinö yöawakwo̧, —jö̧ba̧lö. Isabenö ökwönö ösödadösa duluwo̧ Dios, okobe deinö ökwönö tjaja̧kwobö ösödadösa, okobe deinö ökwönö tjomukwatibobö ösödadösa, —Isabenö Jo̧ Diosma otiwo̧, —jö̧ba̧lö.

Diosnö ösödo̧ Job mikwo̧ usula emawina jawa 23:2

—Babe mölȩbi ina öpöjödachibö, cho̧'wo suli̧nö yöba̧lo̧sa, ja̧danö –Akö, –jö̧ba̧lö chubudekwijayonö, ina jwaikwöda usula chemawinö webo̧ Diosma.

Diosnö ösödo̧ Job mikwo̧ usula emawina jawa 23:4

Dios öba a'o ichibö, ötjönö baledi̧ jawa labebö lobö yötawena, –Otiwanö weköbi̧ a̧ja̧kwö chö̧jijayonö, usula emawo̧sa̧, lȩkebobö jwiijayonö, lȩkebi̧tjö emawo̧sa, –jö̧ba̧lö labebö lobö yötawena.

Diosnö ösödo̧ Job mikwo̧ usula emawina jawa 16:20

Bidö chömöledöma ötjönö obö yöba̧ladö, –Bite Jobma sulabo̧, –jö̧ba̧lö, jo̧kwajabetjö̧ Diosnö budekwabinö abebo̧sa,

Isaías 45:15

Jau chuluwo̧ Dios, isabenö ökwöma dedökökwe Diosja, jo̧kwaijayonö döbajalenö ökwönö dedobö jwiijayonö, ökwö Israel jojodö dösödökwe Diosma, isabenö dö̧jibinö pjabato̧ja.