Diosnö ösödo̧ Job mikwo̧ usula emawina jawa 22:3 - Dios Iwene

³ Ja̧danö otiwanö Dios wei̧ a̧ja̧kwö ja̧nö, jwaikwöda otiwanö ja̧bö kwö̧ji̧tjö̧ma, Okobe Jwiinö Juluwo̧ Dios ajayitjö bajalekwönönö otiwanö ö̧jobö pjakatenaji̧? Kwöwaisa Job, bö̧jȩ jojodöma ja'yubebi Diosnö pjadatoböma juluwöködösa, ajayitjö bajalekwönönö Dios otiwanö ö̧jakobetjö̧, jö̧tö?

Diosnö ösödo̧ Job mikwo̧ usula emawina jawa 22:3 Referans Kwoze

2 Corintios 7:1

Ja̧danö chömöledö, ja̧ wene Dios yöbawö ujuninobetjö̧, okobe jwiinö yȩdekwinö ja̧i̧ jawatjö didichawaduwo chömöledö, wamenö jojodö tjedi̧ jawatjöbi, okwanö jojodö tjedökö jawatjöbi, ja̧danö Diosnö yebabinö ja̧nö, bakwainö sulabe jwii̧ jawada isakwö dö̧jaduwo.

Hechos 24:16

Jo̧kwaobetjö̧ böjȩnö ja̧nö chomajade okwa chomukwatobe, Dios öba a'otjöbi jojodö tjöba a'otjöbi otiwanö ja̧bö chö̧jobö jö̧ta̧la, jö̧ba̧lö— jö̧ba̧lö atadijetö Pabloma.

Proverbios 15:8

Ja̧danö, ju'wibi yötawa: Isabenö Jo̧ma jwiinö öpöjödo̧ sulabenö omukwatadö tjö̧ji̧ma. Jobadö jo̧banö kwabö juwö tjiyi̧bi edö jwiinö öpöjödo̧ Isabenö Jo̧ma, sulabenöda omukwatö tjö̧jobetjö̧. Jobekwö öpöjödokobe Isabenö Jo̧ma, Dios wei̧ a̧ja̧kwö ju̧kwadönöma. Isabenö Jo̧ma Dios wei̧ a̧ja̧kwö ju̧kwadönö jwiinö ösödo̧. Jobadö Diosnö atjebi̧ma a̧ja̧kwö jwiinö ösödo̧. Jobadöma ba̧kwȩlö̧jatebö Dios wei̧ a̧ja̧kwö tjö̧jobö isakwadötjobetjö̧ Isabenö Jo̧ma jwiinö ösödobe jobadönöma.

Proverbios 12:22

Ja̧danö, ju'wibi yötawa: Isabenö Jo̧ma jwiinö ösödobe yöbawö tju̧juninadanö badekwachinö i̧sebadönöma. Jobekwö ösödokobe Isabenö Jo̧ma omöna yöba̧ladönöma. Jobadönö jwiinö öpöjödobe Isabenö Jo̧ma.

Proverbios 11:20

Ja̧danö, ju'wibi yötawa: Isabenö Jo̧ma jwiinö öpöjödobe omajadenö sulabenöda omukwatö jo̧nö. Jobekwö edokobe Isabenö Jo̧ma otiwanö omukwatö ja̧badönöma. Otiwanö omukwatö ja̧badönö o̧'wo̧ ösöwanö edobe Isabenö Jo̧ma.

Proverbios 11:1

Salomónma ju'wi jawa, ju'wi jawabi jwebebö yöawakwawa jawanö wanekwachi̧ma baikwö laebobe: Wanedö yötawa: Bakwo̧ tea luwo̧ma tea önobe ömöki̧ nönawapinö. Jo̧ba tea iyo̧ma iyawö̧nö önaukwotö jö̧ba̧lö ömöki̧ nönawapi̧nö, ö'öbönöda i̧sekwapinö tea önobe, jweinöda i̧sekwapi̧maökö. Chömöledö, jobekwö nöno̧nöma jwiinö öpöjödobe Isabenö Jo̧ma. Jo̧kwaijayonö Isabenö Jo̧ma jweinö i̧sekwapi̧nö tea nönö iyo̧nöma jwiinö ösödobe.

1 Crónicas 29:17

Chöwaisa chuluwo̧ Dios, ökwöma domajadenö domukwati̧ edö isakwo̧ja, isabenö otiwanö jweinö domukwatojobö jö̧ba̧lö. Ja̧danö, otiwanö omukwatö, otiwanö ja̧do jö̧da̧lidanö ja̧bö dö̧jenama, kwo̧'wo ösöwachibanö edo̧ja chuluwo̧. Ja̧danö chuluwo̧, baikwö yöta̧lakwö: Isabenö chomajadenö otiwanö omukwatö, a̧'dȩlökönö okobe jwiinö bi̧ya 'da̧batö chujunaja̧ jawa ökwönö chiyajabe ötjö Davidma. Ja̧danö ju'wibi, bidö kwöba a'o ju̧kwadö kwömöledö israel jojodö ökwönö tjiyobe chedajabe, a̧'dȩlökönö tjo̧'wo ösöwachibanö ökwönö tjiyaja̧jama.

Filipenses 4:18

Jau chömöledö, otiwanö balada kwiyinaduwobetjö̧, otiwanö chujuna̧lobe. Wanedö yötawa: Su̧'bȩ babibö welachibanö chujuna̧lobe ichejekwa. Epafroditoma ökwödö kwiyaduwaja̧ balada ichejebinobetjö̧, okobe jwiinö chujuna̧lobe babema. Ja̧danö, kwiyinaduwama, Diosnö iyawadanö ichejekwinobe chömöledö. Wanedö yötawa: Söinö 'dö̧ekwi̧ iyawadanö ichejekwinobe, ja̧danö ja̧ 'dö̧batö ösödinobe Diosma chömöledö.

Diosnö ösödo̧ Job mikwo̧ usula emawina jawa 22:2

—Bö̧jȩ jojodötjö, bakwo̧bi Diosnö pjabato̧ma ö̧jo̧beji̧? Deobe, inesö waisadötjöbi, bakwo̧bi Diosnö pjabato̧ma deobe.

Diosnö ösödo̧ Job mikwo̧ usula emawina jawa 22:4

—Ja̧danö, baikwö atebakwö Job, Dios ökwönö lȩebi̧ma, tajawedö lȩebobeda? Jwaikwöda jo̧banö yebabinö kwösödiökwe, –Sulabenö ja̧köba, –jö̧ba̧lö ökwönö lȩebobeji̧?

Diosnö ösödo̧ Job mikwo̧ usula emawina jawa 35:7

Jadanö otiwanö Dios wei̧ a̧ja̧kwö kwö̧jitjö̧ma, Diosnö kwiyi̧ma di̧ya̧da? Jo̧banö pjabatö, jwii̧ jawa ju'wi jaye kwiyenaji̧? Kwöwaisa Job, ja̧maökö, jö̧tö?

Diosnö ösödo̧ Job mikwo̧ usula emawina jawa 21:15

Dedemi Okobe Jwiinö Juluwo̧ Dios wei̧ a̧ja̧kwö, jo̧banö dösödoböma jwibadösa, ida̧ökö okobe jwiinö dösödi̧ juna̧ladösa. Diosnö ösödö, jo̧banö adebitjö̧ma, babe dujuna̧litjö bajalekwönönö dujuna̧lenaji̧? Dujuna̧lökena, dedemi mikwawökena, Diosnö ösödö dö̧jobö, –jö̧ba̧lö Diosnö öpöjödö yöba̧ladö, jobadö sulabedöma.

Diosnö ösödo̧ Job mikwo̧ usula emawina jawa 34:9

Sulabo̧ yöa̧li̧danö baikwö yöa̧lajabe Jobma, –Dios wei̧ a̧ja̧kwö ja̧nö, joba ösödi̧danö ja̧tjobö tjisakwi̧ma mikwawökö ji̧, –jö̧ba̧lö sulabo̧ yöa̧li̧danö yöa̧lajabe, jö̧tö?

Proverbios 9:12

Jao chömöledö, jweinö omukwatö kwö̧jaduwitjö̧ma otiwanö kwö̧jaduwakwedöja. Jobekwö kwö̧jaduwokobe jweinö omukwatö ja̧kwawa yötjawi̧ kwöpöjödaduwitjö̧ma. Isabenö, jweinö omukwatö ja̧kwawa yötjawi̧ oböda kwöpöjödaduwitjö̧ma usula kwemawaduwakwedöja— jobekwö yöawinobe Salomónma.