Diosnö ösödo̧ Job mikwo̧ usula emawina jawa 22:26 - Dios Iwene

²⁶ Jejenö ja̧köbitjö̧ma, kwo̧'wo ösöwanö Okobe Jwiinö Juluwo̧nö ösödö kwö̧jakwo̧ja, ja̧danö tabakwökönö Dios ö̧jobe mölȩjȩbe edö,

Diosnö ösödo̧ Job mikwo̧ usula emawina jawa 22:26 Referans Kwoze

Isaías 58:14

Jobekwö 'da̧batö chujunina möle otiwanö omukwatö kwö̧jaduwitjö̧ma, ötjö Isabenö Jo̧ Diosnö ösödö, kwo̧'woduwi ösöwachibanö kwö̧jaduwakwedöja. Ja̧danö, isabenö otiwanö pjatatakwawö̧ja, wanedö yöta̧la, inesö otiwanö tjomukwatawö̧ bakibaduwanö, bö̧jȩ möemitenia kwekachaduwobö wetakwo̧sa, ja̧danö kwa'dömine Jacobnö chiyina jawa omudawadö bakibaduwanö chiyakwawö̧ja. Jobekwö ötjö Isabenö Jo̧ma yöbawö chujunajabe chömöledö, ja̧danö weti̧ a̧ja̧kwö kwö̧jaduwitjö̧ma, jobekwö isabenö pjatatakwawö̧ja, jö̧ba̧lö israel jojodönö yötawobö weinobe Diosma.

Diosnö ösödo̧ Job mikwo̧ usula emawina jawa 27:10

—Ju'wibi yöta̧laduwakwö, isabenö Diosnö öpöjödadöma, Okobe Jwiinö Juluwo̧ Dios otidi̧ edö tjo̧'wo ösöwachibanö edöködö, jö̧tö? Ja̧danö kabatökönö, ba̧kwelöjatebö Diosnö abebö jwöböködö, jö̧tö? Ötjöma jejenöchokobe chömöledö, isabenö Diosnö ösödo̧sa chömöledö.

Diosnö ösödo̧ Job mikwo̧ usula emawina jawa 11:15

Jejenö yöta̧laja̧danö otiwanö ja̧köbitjö̧ma, tabakwökönö kwa̧la̧ibobö jȩna Job, ja̧danö isabenö yebabökönö, 'diinö kwö̧jobö jȩna.

Romanos 7:22

Isabenö chösödobe Dios weinama, Biya̧da ja̧bö chö̧jo, jö̧ba̧lö.

Diosnö ösödo̧ Job mikwo̧ usula emawina jawa 34:9

Sulabo̧ yöa̧li̧danö baikwö yöa̧lajabe Jobma, –Dios wei̧ a̧ja̧kwö ja̧nö, joba ösödi̧danö ja̧tjobö tjisakwi̧ma mikwawökö ji̧, –jö̧ba̧lö sulabo̧ yöa̧li̧danö yöa̧lajabe, jö̧tö?

1 Juan 3:22

Ja̧danö chö̧ja̧wo̧dö, Dios wei̧ a̧ja̧kwö, jo̧ba ösödi̧danö ja̧bö dö̧jobetjö̧, jo̧banö adebena ökwödönö iyobe.

Diosnö ösödo̧ Job mikwo̧ usula emawina jawa 11:17

—Jau Job, isabenö otiwanö kwö̧jakwo̧ja, baikwö wanedö yötawa: Jawo̧ jweinö ö̧jena dewi̧tjö bajalekwönönö otiwanö dewemi kwö̧jakwo̧ja, la'akatjöda yȩa'wo kwöjökakwo̧ja, baikwö yöta̧la, kwö̧ji̧ yȩi̧ma, sule yȩayi̧ yȩi̧danö yȩena, ja'yubeda yȩena, isabenö otiwanö kwö̧jakobetjö̧.

Diosnö ösödo̧ Job mikwo̧ usula emawina jawa 33:26

Jejenö balediökwe, Diosnö aebena, jadanö Diosma aebi̧ a̧ja̧kwö ösödena. O̧'wo ösöwachibanö Dios öba a'o ichibena, ja̧danö Diosma jo̧banö ösödakobe, –Bitema chöba a'o wene jwibo̧, –jö̧ba̧lö.