Diosnö ösödo̧ Job mikwo̧ usula emawina jawa 22:15 - Dios Iwene

¹⁵ —Jwaikwöda ajayinö ji̧nadö sulabedö ja̧bö tjö̧jinadanö ja̧bö kwö̧jobö kwomukwatobeji̧?

Diosnö ösödo̧ Job mikwo̧ usula emawina jawa 22:15 Referans Kwoze

Génesis 6:5

Jojodöma jwiinö sulabeda ja̧bö ju̧kwijadötö böjȩnö, ba̧kwelöjatebö. Tjomajadenö tjomukwati̧ma sulabeda omukwatijadötö, okobe jwiinö. Isabenö Jo̧ma jobadö jwiinö sulabenö ja̧bö tjuju̧kwobe edijetö.

Diosnö ösödo̧ Job mikwo̧ usula emawina jawa 34:8

—Jau, Job yöa̧li̧ma, sulabedö tjö̧möledöso̧ ö̧ji̧danö yöba̧lo̧, jadanö sulabenö ja̧badökwö kwebacho̧ ichejekwa.

Diosnö ösödo̧ Job mikwo̧ usula emawina jawa 34:36

Sulabedö yötja̧li̧danö bakwainö sulabenö yöba̧lo̧ Jobma, sulabenö ja̧bajo̧, jemi tupakwö jwiinö sulabenö ja̧bo̧. Jau, dö̧'da̧de ja̧nö, Diosnö yebabinö omukwatökönö, jwaikwöda nöinö sulabenö yöba̧lo̧ Diosnö, jo̧kwajabetjö̧ isabenö lȩekwa luwedö tjöba a'o ö̧jo jö̧ba̧lo̧ Jobma, jo̧banö lȩekwa yötjawakobetjö̧, –jö̧ba̧lö yötja̧lena waisanö omukwatadöma, —jö̧ba̧lö yöa̧linobe Eliuma, Jobnö.