Biblia Todo Logo
Bib sou entènèt

- Piblisite -




Diosnö ösödo̧ Job mikwo̧ usula emawina jawa 21:26 - Dios Iwene

26 Jobadö du̧ju̧tajanö baikwö yöta̧la, ina 'yatja̧layi, wainö tjö̧jinajayonö, ö'wö batjibaja̧ okobe, bakweminö nijiso̧pjanö tjo̧tja̧wö̧, ja̧danö bakweminö sa̧döma tjiteba'iju tjukwakwawö̧, —jö̧ba̧lö yöa̧linobe Jobma.

Gade chapit la Kopi




Diosnö ösödo̧ Job mikwo̧ usula emawina jawa 21:26
12 Referans Kwoze  

Inesö otiwi̧ kwi̧sȩbina jawa, ju'wedötjö bajalekwönönöbo̧sa jö̧ba̧lö kwi̧sebina jawabi, kwejutjö lo̧awa jawa ökwöi̧bi 'dö̧ibajabe, bakobenö ö'wö babibinadö tjö̧jemibe kwichibajabe. Ja̧danö inesö otiwapjo camapjo kwabinajayonö, babe kwitea camapjoma sa̧dö tju̧ju̧kwemida bo̧ja, ja̧danö sabana'wodanö kwumuchekwi̧ma, sa̧döda pja̧tja̧kwo̧ja, –jö̧ba̧lö obö yötja̧lakwedö.


—Baikwö yöta̧la sulabo̧nö, Jo̧bama ina pöe waekwökönö, juluwo̧ ö̧jijayonö, ina juluwo̧ ö̧jemi ja'ötjö debö i̧'yakwo̧, ja̧danö ö'wö babibajo̧, nijinö tjo̧tjajökwe nijiso̧pja̧nö ö̧bakwo̧.


Ja̧danö, juluwanö debi batjibiawö̧, okobe deinö juluwanö tjo̧'wo jwitjibakwedö jobadönö, idöda tjojo'dodöbi juluwanö tji̧tji̧mu sulabedönö tjo̧'wo jwitjibakobe. Jau, towi juluwanö jubö lotji̧danö, juluwanö ö'wö babibö, sa̧dö tjukwakwawö̧ batjibakwedö sulabedöma, –jö̧ba̧lö yöka̧laduwobe, jo̧kwaijayonö juluwanö lȩebö̧kö̧wö̧.


Ja̧danö chöwaisa, nöinö chö'wöchi̧tjö chi̧sȩdo̧ suli̧ waekwijayonö, ina chiteba'onö chö̧jayi, isabenö Diosnö chedakwo̧sa, jö̧ba̧lö.


—Jau, isabenö ö'wö batibobö jö̧ba̧lo̧sa, baikwö wanedö yötawa, jwiinö ö'wö batibobö chösödobetjö̧, chabe'donö chösödi̧danö wobiako chösödobe, ja̧danö chojo'donöbi, chöjawujunöbi chösödi̧danö, sa̧dönö chiteba'o tjukwakwedönö chösöda, juluwanö ötjönö tjukwowe, jö̧ba̧lö.


¡Ötjöwe! Jejenö jösödinökötjö̧ma, jemaja̧ ikena ö'wö batibo jö̧ta̧linobe, chabibobedanö jenada ö'wö babibö, wene jwiinö chö̧bo jö̧ta̧linobe.


Ja̧danö jelo̧, o̧'wo tjobekwö usula emawö jo̧, la'akatjöda söi̧ kwakwawa kwinö̧kö̧bi ö'wö baibena.


Tupakwö yöa̧linobe Jobma: —Ökwödö kwomukwataduwi̧ chöwaisa chömöledö, ötjönö suli̧ kwöwaedaduwobö omukwatö kwujunaduwi̧ma.


Swiv nou:

Piblisite


Piblisite