Diosnö ösödo̧ Job mikwo̧ usula emawina jawa 21:22 - Dios Iwene

²² —Bakwo̧bi ö̧jobeji̧, Diosnö ba̧ja̧do̧ma? Ayayitjö bajalekwönönö Dios waisakwawa jawa öwaisachibakobetjö̧, bakwo̧bi Diosnö öba̧ja̧denaji̧? Kwöwaisaduwa chömöledö, Diosda inesö juluwadönö lȩekwa yöbawo̧ma chömöledö, bakwo̧bi jo̧banö ba̧ja̧do̧ma deobe yelösöda, —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 21:22 Referans Kwoze

Romanos 11:34

Dios iwene laebi̧danö jo̧be chömöledö, baikwö laebobe Dios iwenema: Dios omukwati̧ waiso̧ma deobe, ja̧danö Diosnö webo̧bi deobe, baikwö baikwö ja̧köbo jö̧ba̧lö webo̧ma.

1 Corintios 2:16

Jau chömöledö, Dios iwene baikwö laebobe: Böjȩ jojodötjö bakwo̧bi deobe, Duluwo̧ omukwati̧ waiso̧ma, ja̧danö bakwo̧bi Duluwo̧nö ba̧ja̧do̧ma deobe jö̧ba̧lö laebobe. Ja̧danö böjȩ jojodö Dios omukwati̧ tjöwaisoböma jwibadö. Jo̧kwaijayonö ökwödö Cristonö ösödadöma Dios omukwati̧ döwaisobö jo̧be chömöledö, ökwödöma Cristo omukwati̧ dujuna̧lobetjö̧.

Judas 1:6

Ja̧danö, Dios ömöayedö ángelesdötjö, ju'wedöma Dios tjö̧jobö otidina öpöjödö jelobe latjebinobe. Ja̧danö jejenö labebajadönö Diosma ka̧lena ödinobe, yȩa'wo okwa tjö̧bobö Dios inesö lȩebakwa̧ möle baibenanö kabatö, ¿jö̧tö?

2 Pedro 2:4

Jau chömöledö, isabenö jobadönö Dios lȩebakwa̧ wene döwaisobe, jobadöjayedönö Diosma ida̧ökö damötjö lȩebinobetjö̧. Jau chömöledö, damötjö ángelesdötjö sulabenö ja̧binadöma Dios lȩebi̧tjö tjö̧jibinokobe, sulabenö ja̧tjiökwe Diosma jobadönö ödinobe, Dios lȩebakwawö̧ tjö̧jena tjö̧bobö, ja̧danö jobe ka̧lena tjö̧bobe, inesö Dios lȩebakwa̧ möle baibenanö kabatö, ¿jö̧tö?

1 Corintios 6:3

Ja̧danö, kwöwaisaduwa chömöledö, ökwödö Dios ömöledöda 'dö̧ibaji̧ möle ángelesdönö yödawakobe, ángelesdö ja̧tji̧ma otiwojobö sulojobö jö̧ba̧lö, ¿jö̧tö? Ja̧danö, ángelesdö ja̧tji̧ otiwojobö sulojobö jö̧ba̧lö yödawakwedö dö̧jobetjö̧, babe böjȩnö dö̧ji̧ jawa lȩekwabi yödawobö jo̧be chömöledö.

Isaías 45:9

Ayö, bakwo̧ jo̧banö otidina Dioskwö ölakwabikwawö jo̧ma, isabenö wene juna̧lo̧. Jo̧bajayo̧nö baikwö wanedö yöta̧la: Jo̧bajayo̧ma, sule lete'otjö dadawayu i̧sa̧yu, jeleyubiya 'da̧de ja̧yu mikwawököyudanö ichejekwo̧. Ja̧danö, lete'oma, dadö otido̧nö, —Taji kwotida? Sulabenö otido̧ja, lete'otjö otikwa wajwibo̧ja, —jö̧ba̧lö yöa̧lobö jȩnaji̧?

Diosnö ösödo̧ Job mikwo̧ usula emawina jawa 40:2

—Job, ökwöma ötjö Okobe Jwiinö Juluwo̧ Dioskwö jwöjwöbakwawö, jwekebobö jö̧ka̧li̧ji̧? Ötjö Diosnö yöka̧lajabe, –Diosma sulabenö ja̧ajabe, –jö̧ba̧lö, tajawedö abebö cha̧ja̧kwaja̧ atadökönö kwö̧jobeda? Isabenö ötjönö jwekebobö ji̧tjö̧ma, kwatado jö̧ka̧lena, —jö̧ba̧lö yöa̧linobe.

Diosnö ösödo̧ Job mikwo̧ usula emawina jawa 36:22

—Isabenö yöta̧lakwö Job, Diosma isabenö jwiinö juluwo̧, ja̧danö jo̧bajayo̧ ba̧ja̧do̧ma, bakwobi deobe.

Diosnö ösödo̧ Job mikwo̧ usula emawina jawa 15:15

Jau Job, kwöwaisa, Diosma iteda ömöayedö angeledönöbi omukwatö̧kö̧, –Bakwainö sulabe jwibadö, –jö̧ba̧lö, jobadö mölejȩnö ju̧kwadöbi Dios öba a'otjö wene juna̧ladö, jö̧tö?

Diosnö ösödo̧ Job mikwo̧ usula emawina jawa 4:18

Diosma iteda ömöayedö angeledönö o̧'wo wanalö̧kö̧, -Bidöma la'akatjöda sulabenö ja̧tjökena, -jö̧balö. Jau, Diosma iteda ömöayedö angeledötjö ju'wedönö yöba̧lo̧, -Sulabenö ja̧badö, -jö̧ba̧lö, jö̧tö?

Diosnö ösödo̧ Job mikwo̧ usula emawina jawa 21:21

Jau chömöledö, sulabo̧ma iteda itji̧mu tupadanö jojodönö omukwatö̧kö̧, –Usula tjemawapji jö̧ba̧lö sulabenö ja̧toko, –jö̧ba̧löma. Jejenö omukwatöködö chömöledö, sule ina 'yatja̧layi baledi̧ jawada omukwatadö, ö'wö batjibaja̧ ikena baledi̧ma mikwawokobe jobadönö, isabenö sulabenö ja̧badöda balekwa mikwa lȩekwa tjemawobö jo̧be.

Diosnö ösödo̧ Job mikwo̧ usula emawina jawa 36:23

Bakwo̧bi Diosnö ba̧ja̧do̧ma deobe, –Baikwö ja̧bö kwö̧jo, –jö̧ba̧lö ba̧ja̧do̧ma, ja̧danö bakwobi deobe, –Sulabenö jaköbajabe, –jö̧ba̧lö Diosnö jwebebo̧ma.

Diosnö ösödo̧ Job mikwo̧ usula emawina jawa 38:3

Babema ökwönö abebö cha̧ja̧kwakwo̧sa, jadanö ötjönö kwatadakwo̧ja, jo̧kwajabetjö̧ jojo juluwo̧ otidobö a̧la̧ibi̧danö, chöba a'o a̧la̧ibi, kwatadakobetjö̧, —jö̧ba̧lö yöa̧linobe Diosma, Jobnö.