Diosnö ösödo̧ Job mikwo̧ usula emawina jawa 20:18 - Dios Iwene

¹⁸ Nöinö itea emajo̧, tea luwo̧ baibanö ö̧jijayonö, o̧'wo ösöwanö ujuna̧lobö jwibo̧ sulabo̧ma, emaja̧ tjeatajobö ja̧akobe, baikwö yötawa:

Diosnö ösödo̧ Job mikwo̧ usula emawina jawa 20:18 Referans Kwoze

Proverbios 1:12

Jao, ja̧manö kwebachadönö 'döbebö kwabö lododönö, debö tji̧’yinö. Jobadöma babema tjujuluwijayonö debö tji̧'yobö ja̧dakwedösa, wobinadö tjö̧jobekwö tji̧'yobö— jobekwö ökwönö ötjibotö jö̧ba̧lö yötja̧lena chitji̧, sulabenö omukwatö ja̧badöma.

Diosnö ösödo̧ Job mikwo̧ usula emawina jawa 20:15

—Jau, baikwö wanedö yötawa, nöinö mikwawi̧ jawa ö̧ka̧tijayonö, ukwaja̧ etekwawakobe, Diosma ukwa'wotjö etekwawobö weakwo̧.

Diosnö ösödo̧ Job mikwo̧ usula emawina jawa 20:10

Ju'wibi, ajayinö jwibadötjö önaukwinobetjö̧, iteda itji̧muma jwibö tjö̧jakwedö. Ajayinö tjabe'do iteatjö nöinö tjujuna̧lijayonö, jwibadönö tjiyobö ja̧kobe, tjabe'do nöinö ujuna̧lina jawa jwibadönö tjetjatajobö ja̧kobe, sulabo̧ itji̧muma.

Mateo 23:24

jo̧kwaijayonö ökwödö kwöbajaleduwi tjewawadö jojodönö öbibadöma, Dios weina jawatjö ju'wi jaye otiwanö ja̧köbaduwijayonö, inesö mikwawi̧ weawa junibadöja. Ja̧bö kwö̧jaduwi̧ma baikwö wanedö yötawa: Kwowaduwakwa̧ abönö ojwiyoma te'ada̧lönö pjebatadöja, 'do̧jwiyanö kwö̧kataduwapji jö̧ba̧lö, jo̧kwaijayonö 'do̧jwiyanö kwö̧ka̧taduwököjayonö, omukwatökönö nöbo̧nö kameyunö ö̧katadöja ichejekwa, inesö mikwawi̧ Dios weina jawa ja̧bö kwö̧jaduwokobetjö̧— jö̧ba̧lö yöawinobe Jesúsma.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Diosnö ösödo̧ Job mikwo̧ usula emawina jawa 31:29

—Ju'wibi, bakwo̧ chöpöjojo wene ujuna̧lenama, cho̧'wo ösöwachibanö wene ujuna̧lobö chösödinatjö̧ma, jadanö ju'wedö jo̧banö sulabenö ja̧tjenama, otiwa jö̧ba̧lö, jo̧ba usula emawobö chösödinatjö̧ma, isabenö Dios lȩebobö jȩna.

Diosnö ösödo̧ Job mikwo̧ usula emawina jawa 31:25

ja̧danö, –Ötjöda otiwanö otidö, nöinö juna̧lo̧ batibajabe, isabenö otiwanö juna̧lo̧sa, –jö̧ba̧lö, otiwo̧sa jö̧ba̧lö chomukwatitjö̧ma, isabenö Dios lȩebobö jȩna.

Diosnö ösödo̧ Job mikwo̧ usula emawina jawa 27:17

waekwakobe, emina jawama iteda ömöledöma tjujuna̧lökakwedö. Jau, iteda emina kamijisima, Dios wei̧ a̧ja̧kwadöda 'dutjawakwedö, ja̧danö wene jwibadöda, ujuna̧lina plata jawa 'da̧'yö tjemakwedö.

Diosnö ösödo̧ Job mikwo̧ usula emawina jawa 31:8

Baikwö yöbawö chujunaduwakwö, jejenö sulabenö ja̧tinatjö̧ma, ötjöda batjo chotidaja̧, ju'wedöda tjukwobö jo̧be, ja̧danö chöbatjönö pokwi̧ma, 'yebö lotjobö jo̧be.

Proverbios 21:20

Ja̧danö, ju'wibi yötawa: Jweinö omukwato̧ma itea jwiinö mikwawi̧ jawa, ja̧danö o̧tesobubi jwiinö mikwawobu eju okwa wa̧nö te'ada̧lo̧. Jobekwödanö ite'ada̧lokobe jweinö omukwatö̧kö̧ma. Jo̧ba jweinö omukwatö̧kö̧ma okobe jwiinö ujuna̧li̧ma, iteabi, kwakwawabi juluwanö 'dö̧ibajökwe.

Deuteronomio 28:30

—Ju'wibi Dios ökwödönö suli̧ öwaedobetjö̧, baikwö baledakobe: Ökwödötjö bakwo̧ tupakwö emakwujunö yöbawö ujunakobe, –Bisunö chilekwo bajibanö chemakwuju, –jö̧ba̧lö, jo̧kwaijayonö emakwa̧ abönö öpöjojoma emakwujunö do̧batö, 'da̧'da̧akobe. Ja̧danö ju'wibi kwejuduwi kwotidaduwijayonö, kwotidaja̧duwejunö kwö̧jaduwökakwedöda. Ja̧danö ju'wibi, uba batjo kwotidaduwijayonö, uba waji̧ 'dököbaduwökakwedöja.

Deuteronomio 28:33

Ja̧danö ju'wibi, jelobetjö ichajadö wajwiköbaduwawö̧ma ichö, kwöbatjoduwi waji̧ jawa 'döbebö tjukwakwedö, ja̧danö okobe jwiinö ju'wi kwotidaduwaja̧ jawabi tjemakwedö, ja̧danö kabatökönö ökwödönö sulabenö ja̧tja̧kwedö, jwiinö usula kwemawaduwinö.