Diosnö ösödo̧ Job mikwo̧ usula emawina jawa 20:15 - Dios Iwene

¹⁵ —Jau, baikwö wanedö yötawa, nöinö mikwawi̧ jawa ö̧ka̧tijayonö, ukwaja̧ etekwawakobe, Diosma ukwa'wotjö etekwawobö weakwo̧.

Diosnö ösödo̧ Job mikwo̧ usula emawina jawa 20:15 Referans Kwoze

Proverbios 23:8

Ja̧danö, ajayinöma jo̧ba a̧'dȩlo̧ ejube ichibö otiwanö yöka̧lajabe, otiwanö ösödö kwa̧debajabe ötjönöma, jö̧ba̧lö. Jemi ikenama, ajayinö otiwanö yöka̧laja̧ma omöna yöka̧lobe ichejekwa, jo̧bama ökwönö iyobö a̧'delö öpöjödobetjö̧. Ja̧danö, jo̧ba omajade okwa omukwati̧ kwöwaisachibobetjö̧ kwetekwawobö jö̧ka̧lena ite u̧kwa kwakwawama.

Diosnö ösödo̧ Job mikwo̧ usula emawina jawa 20:10

Ju'wibi, ajayinö jwibadötjö önaukwinobetjö̧, iteda itji̧muma jwibö tjö̧jakwedö. Ajayinö tjabe'do iteatjö nöinö tjujuna̧lijayonö, jwibadönö tjiyobö ja̧kobe, tjabe'do nöinö ujuna̧lina jawa jwibadönö tjetjatajobö ja̧kobe, sulabo̧ itji̧muma.

Diosnö ösödo̧ Job mikwo̧ usula emawina jawa 20:14

Jo̧kwaijayonö, –Otiwa, chösöda, –jö̧a̧lijayonö, isabenö jo̧banö suli̧ waedi̧, baikwö wanedö yötawa: –Söi̧ kwakwawa kwo̧sa, –jö̧a̧lijayonö, ukwaja̧ma ukwa'wo okwa balewachibobedanö ichejekwa, niekwa, a̧ko̧'dö nibadö tjomadeba baibanö balewachobedanö ichejekwa.

Diosnö ösödo̧ Job mikwo̧ usula emawina jawa 20:18

Nöinö itea emajo̧, tea luwo̧ baibanö ö̧jijayonö, o̧'wo ösöwanö ujuna̧lobö jwibo̧ sulabo̧ma, emaja̧ tjeatajobö ja̧akobe, baikwö yötawa:

Diosnö ösödo̧ Job mikwo̧ usula emawina jawa 20:20

—La'akatjöda o̧'wo ösöwanö ö̧jökakwo̧ sulabo̧ma, nöinö ujuna̧litjö̧bi, la'akatjöda, –Tjo̧wita, –jö̧a̧lökakwo̧, jwaikwöda tupakwönönö ujuna̧lotö jö̧ba̧lö isakwakwo̧.

Diosnö ösödo̧ Job mikwo̧ usula emawina jawa 20:28

—Jau Job, Dios lȩebakwa̧ möle baibenama, isabenö labinö lȩebakwo̧ sulabedönö, ojwe otiwatibö söbebö loi̧danö, tjejubi, okobe jwiinö tjiteaja̧bi jwienanö baibanö söbebö loakwo̧.

Proverbios 21:20

Ja̧danö, ju'wibi yötawa: Jweinö omukwato̧ma itea jwiinö mikwawi̧ jawa, ja̧danö o̧tesobubi jwiinö mikwawobu eju okwa wa̧nö te'ada̧lo̧. Jobekwödanö ite'ada̧lokobe jweinö omukwatö̧kö̧ma. Jo̧ba jweinö omukwatö̧kö̧ma okobe jwiinö ujuna̧li̧ma, iteabi, kwakwawabi juluwanö 'dö̧ibajökwe.