Diosnö ösödo̧ Job mikwo̧ usula emawina jawa 20:11 - Dios Iwene

¹¹ —Baikwö yöta̧la sulabo̧nö, Jo̧bama ina pöe waekwökönö, juluwo̧ ö̧jijayonö, ina juluwo̧ ö̧jemi ja'ötjö debö i̧'yakwo̧, ja̧danö ö'wö babibajo̧, nijinö tjo̧tjajökwe nijiso̧pja̧nö ö̧bakwo̧.

Diosnö ösödo̧ Job mikwo̧ usula emawina jawa 20:11 Referans Kwoze

Diosnö ösödo̧ Job mikwo̧ usula emawina jawa 13:26

Jau chuluwo̧, ötjönö kwiyalu'yenö kwi̧weyudobedanö ichejekwa, –Jobma baikwö baikwö sulabenö ja̧bö jo̧, –jö̧ba̧lö, damötjö̧ tjemuchayi sulabenö ja̧tina jawabi babe ötjönö lȩkebobedanö ichejekwa chuluwo.

Diosnö ösödo̧ Job mikwo̧ usula emawina jawa 21:26

Jobadö du̧ju̧tajanö baikwö yöta̧la, ina 'yatja̧layi, wainö tjö̧jinajayonö, ö'wö batjibaja̧ okobe, bakweminö nijiso̧pjanö tjo̧tja̧wö̧, ja̧danö bakweminö sa̧döma tjiteba'iju tjukwakwawö̧, —jö̧ba̧lö yöa̧linobe Jobma.

Juan 8:24

Yötawatö, Kwusuladuwi̧ma söbebö lobawöködöda woköbaduwakwedöja, jö̧ba̧lö. Ja̧danö, ötjönö kwöpöjödaduwitjö̧ma, Bitema Dios weinökökwe, jö̧ba̧lö, kwusuladuwi̧ söbebö lobawöködöda ö'wö bakibaduwakobe— yöa̧liawö̧:

Hechos 1:25

Ökwödönö ba̧ja̧di, diteda emö dujunakwojobö ökwö weköbi̧ otidoböma, ökwö yökawi̧ yöbawö i̧'yoböma. Judasma öpöjödö kaatibinobe ökwö weköbinama, iteda uluwo̧ ö̧jobekwö 'ya̧nö. Jo̧kwaobetjö̧ babema jelo̧nö, ökwö 'da̧batö kwujuninökwenö döwaisobö ba̧ja̧di—abebijadötö Diosnöma.

Proverbios 14:32

Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Diosnö ösödo̧ Job mikwo̧ usula emawina jawa 19:20

Isabenö nöinö usula emawo̧sa, jwiinö 'dalöko̧ batibajabe. Chitebia jwiinö, chi̧sȩdo̧ chiwe'ijunö pöawajökwesa, ja̧danö ina 'ya̧ta̧lijayonö, ö'wö batibo jö̧ba̧lo̧sa.

Juan 8:21

Ja̧danö, Jesúsma yemidanö yöawinobe: —Ötjöma betjöma chȩwa̧jakwo̧sa. Ötjönö kwisakwaduwijayonö kwichibaduwökakobe. Ja̧danö, ötjönö kwichibaduwokobetjö̧, kwusuladuwi̧ma söbebö lobawöködöda woköbaduwakwedöja. Ja̧danö, chȩwa̧jakwemima kwichibaduwökakwedöja— yöawinobe Jesúsma fariseo jojodönöma.

Diosnö ösödo̧ Job mikwo̧ usula emawina jawa 21:23

Tupakwö yöa̧linobe Jobma: —Bakwo̧ itea otiwanö juna̧lo̧, u̧kwa otiwanö kwo̧, iwe'iju otiwo̧, ina me'dawö̧kö̧ wene jwiinö jo̧ma ö'wö baibena.

Diosnö ösödo̧ Job mikwo̧ usula emawina jawa 17:16

Otiwanö baledakwa̧ chiteada̧lökakwo̧sa, ö'wö babibadö tju̧ju̧kwemibe chi̧'yenabi, otiwanö baledakwa̧ chiteada̧lökakwo̧sa, —jö̧ba̧lö usula emawö yöa̧linobe Jobma.