Diosnö ösödo̧ Job mikwo̧ usula emawina jawa 2:13 - Dios Iwene

¹³ Ja̧danö, jobe tjömöledöso̧ Jobkwö nijinö tjö̧binobe, jelemutjö dötölataja mölebi, yö̧tebi. Ja̧danö jwiinö usula emawö ö̧jiawö̧, yöba̧lökönö, 'wiinö ba̧nöda jo̧bakwö nijinö tjö̧binobe.

Diosnö ösödo̧ Job mikwo̧ usula emawina jawa 2:13 Referans Kwoze

Génesis 50:10

'Ya̧jadöma, Jordán ojwe ö'öbö, Atad mikwena, trigo ochiju tjebö lödö kwakwawena ichibijadötö. Jena ja̧nö labinö budekwabinö ji̧jadötö, Jacobnö omukwatö. Siete möle baledibanö budekwabijadötö.

Isaías 3:26

Ja̧danö, ja̧ möle comunidad apjudetjö, jojodöma bakobe budekwöda tjubudekwakwedö, —Ayö, ökwödöwe, ditebo inesö otiwemi söbebö lotjajabe, —jö̧ba̧lö. Wanedö yötawa, ja̧ möle Jerusalen comunidadma bakwuju, ja̧do̧ 'yobekwö lotjinoko nijinö bu̧ju̧danö ichejekwakobe, jwiinö söbebö lotjakobetjö̧.

Diosnö ösödo̧ Job mikwo̧ usula emawina jawa 4:2

—Job, ökwönö yöta̧lobö chösöda, ökwönö yöta̧litjö̧ma, öpöjödachibökönö otiwanö kwa̧ja̧kwakwa̧ji̧? Chedemi kwa̧ja̧kwobö kwöpöjödena, jo̧kwaijayonö sulabenö yöka̧laja̧ a̧ja̧kwajo̧, bemi tupakwö atadökönö 'wiinö chö̧boböma jwibo̧sa, atadö yöta̧lobö jo̧be.

Génesis 1:8

Ja̧danö, Diosma öbabijetö wa̧jo̧emima mölejȩ, jö̧ba̧lö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö dötölataja mölema.

Génesis 1:5

Ja̧danö, dewi̧ma möle jö̧ba̧lö öbabijetö. Ja̧danö, yȩi̧ma yö̧te jö̧ba̧lö öbabijetö. Ikenama yi̧böbi yi̧bijetö. Ja̧danö, dewachöbi dewachijetö. Jejenö baibijetö ajayinö mölema.

Isaías 47:1

Baikwö laebobe Dios Babilonia jojodönö wanedö yöa̧li̧ma: Ökwö Babilonia jojosuju, möayujuma, la'aka luwuju jiteakanö wa̧nökönö, nijinöda kwö̧bakwujuja. Jau möayuju, ajayinö ökwönö otiwuju, ji̧sȩdo otiwanö sayuwuju jö̧ba̧lö ötjabinokoja, kweju otiwejunö wene jwiinö kwö̧jinobetjö̧, jo̧kwaijayonö bemi tupakwö jobekwö ötjabökakwujuja.

Diosnö ösödo̧ Job mikwo̧ usula emawina jawa 3:1

Jemi ikenama, jelemutjö dötölataja mölebiya 'wi̧inö ba̧jo̧, bajalianö yöa̧linobe Jobma. Iteda ojo'do jo̧banö jemina möle öpöjödö yöa̧linobe Jobma, jemina mölema inesö suli̧ möle jö̧ba̧lö.