Diosnö ösödo̧ Job mikwo̧ usula emawina jawa 19:14 - Dios Iwene

¹⁴ Okobe deinö chömöledöma le'dedö lotjajabe ötjönö,

Diosnö ösödo̧ Job mikwo̧ usula emawina jawa 19:14 Referans Kwoze

Juan 13:18

Ja̧danö, ökwödötjö okobe deinöma yötawökö. 'Da̧batö chujuninawö̧nöma chöwaisawö̧. Jo̧kwaijayonö ökwödötjö bakwo̧ ötjönö iyö loakwo̧ma. Jo̧bama benada bo̧, Dios iwene damötjö yöawinadanö badekwachakobetjö̧. Baikwö yöawobe Dios iwenema: Bakwo̧ ötjökwö kwo̧ma ötjönö iyö loakwo̧, jö̧ba̧lö, yöawobe Dios iwenema, damötjö tjiwȩyudinama.

Mateo 10:21

Jau chömöledö, ötjönö öpöjödadöma, yöne tjö̧ja̧wo̧döda ötjönö ösödadönöma iyö lotjakobe, kwabö lotjobö, ja̧danö ju'wedöma idöda tji̧tji̧munö iyö lotjakobe, ja̧danö ju'wedöma tjabe'dodönö öpöjödö iyö lotjakobe, tjabe'dodönö kwabö lotjobö, ötjönö tjösödobetjö̧.

Proverbios 18:24

Ja̧danö, ju'wibi yötawa: Bakwo̧ma yö̧a̧lena ökwönö, chömöledöso̧, jö̧ba̧lö. Jobekwö yöa̧lijayonö omöna yöba̧lo̧, isabenö kwömöledöso̧bö̧kö̧. Jo̧kwaijayonö jelo̧ma isabenö kwömöledöso̧ ö̧jobe. Jo̧ba isabenö kwömöledöso̧ma yö̧ne kwömöledö pjatjati̧tjö bajalekwönönö pjabato̧ ökwönöma ba̧kwȩlö̧jatebö.

2 Samuel 16:23

Ja̧ möle okobe deinö Ajitofelnö tjomukwatinobe, Ajitofelma jwiinö waiso̧, Dios waisanö yöawi̧danö jwaikwöda waisanö yöbawo̧ Ajitofelma, jö̧ba̧lö. Jobekwö tjomukwatinobe Davidbi, Absalonbi, ja̧danö ba̧kwelöjatebö Ajitofel lȩekwa yöawi̧danö ja̧biatjinobe.

Génesis 40:23

Jemi ikenama, faraón ömöayo̧ owa'do̧ iyawa jojoma José aebinama, Faraónnö yökawo labebö lotjo weo ötjönö, jö̧ba̧lö, omukwatijökötö. Yelösöda o̧'wo̧ jwibibijetö Josénöma, la'aka luwo̧nö yöbawökönö.

Diosnö ösödo̧ Job mikwo̧ usula emawina jawa 19:15

ja̧danö chejunö ju̧kwadöbi, chömöayedö ya̧döbi ötjönö öpöjödadö, –Bitema wajwidökwe, jelobetjö ichajo̧ ju'wedö tjitebo jojoena, –jö̧ba̧lö.

Diosnö ösödo̧ Job mikwo̧ usula emawina jawa 19:19

Okobe deinö yöne chömöledöma ötjönö öpöjödadö, okobe deinö ile 'di̧tebawö̧ma, ötjönö öpöjödö, chöpöjojodökwö batjibajabe.

Diosnö ösödo̧ Job mikwo̧ usula emawina jawa 42:11

Ja̧danö okobe deinö Job öjawo̧döbi, ajayinö ömöledöbinadöbi yemidanö Jo̧b ö̧jobekwö tjichinobe, ja̧danö Job ejutjö jo̧bakwö ba̧nö tjukwinobe. Jobkwö janö, jo̧banö pjatatotö jö̧ba̧lö o̧'wo ösöwachibobö yötja̧lakwawinobe. Ajayinö Isabenö Jo̧ nöinö wene öbaledobö weinobetjö̧, ja̧tjö o̧'wo ösöwachibanö seachibobö pjatjatinobe. Ja̧danö, ju'wibi okobe deinö bakwo̧nökwena tjiteatjö Jobnö tjiyinobe, plata bakwa̧pa̧bi, orotjö otikwayu sasiyu bakwayubi.